దిల్లీలో హాకీ టీమ్​కు గ్రాండ్ వెల్​కమ్- రోడ్డుపై స్టెప్పులేసిన ప్లేయర్లు! - Paris Olympics 2024

Indian Hockey Team Paris Olympics: పారిస్ ఒలింపిక్స్​లో సత్తాచాటి కాంస్యం ముద్దాడిన భారత పురుషుల హాకీ జట్టు శనివారం దిల్లీ చేరుకుంది. అక్కడ ప్లేయర్లకు ఘన స్వాగతం లభించింది.

Indian Hockey Team Paris Olympics: పారిస్ ఒలింపిక్స్​లో సత్తాచాటి కాంస్యం ముద్దాడిన భారత పురుషుల హాకీ జట్టు శనివారం దిల్లీ చేరుకుంది. ఈ నేపథ్యంలో ఉదయం నుంచే అభిమానులు భారీ సంఖ్యలో దిల్లీ విమానాశ్రయానికి చేరుకొని ప్లేయర్లకు ఘన స్వాగతం పలికారు. అటు అధికారులు బ్యాండ్ చప్పుళ్లుతో జట్టు సభ్యులకు గ్రాండ్ వెల్​కమ్ ఎర్పాటు చేశారు. ఇక సంతోషంలో ప్లేయర్లు బ్యాండ్ చప్పుళ్లకు హుషారుగా స్టెప్పులేశారు. కాగా, గురువారం స్పెయిన్​తో జరిగిన కాంస్య పతక పోరులో టీమ్ఇండియా సత్తాచాటింది. ఈ మ్యాచ్​లో 2-1తేడాతో భారత హాకీ జట్టు నెగ్గి కాంస్యం దక్కించుకుంది.

#WATCH | Indian Men's Hockey Team players show their medals as they arrive at Delhi airport after winning bronze at the #ParisOlympics2024 pic.twitter.com/GUvrDkwaRx

— ANI (@ANI) August 10, 2024

ఎయిర్ ఇండియా స్పెషల్ విషెస్: కాంస్యం నెగ్గి పారిస్ నుంచి భారత్​కు వస్తున్న టీమ్ఇండియా ప్లేయర్లకు విమానయాన సంస్థ ఎయిర్ ఇండియా కూడా ప్రత్యేక అభినందనలు తెలిపింది. ప్లేయర్లు ప్రయాణించిన ఫ్లైట్​లో 'ఇండియా హాకీ టీమ్​కు శుభాకాంక్షలు' అని వాయిస్ అనౌన్స్​మెంట్​తో సర్​ప్రైజ్ ఇచ్చింది. ఇక రాష్ట్రపతి ద్రౌపదీ ముర్ము, ప్రధాని నరేంద్ర మోదీ సహా దేశంలోని ప్రముఖులు, సెలబ్రిటీలు సైతం హాకీ జట్టుపై ప్రశంసల జల్లు కురిపించారు.

#WATCH | Indian Men's Hockey Team players celebrate as they arrive at Delhi airport after winning a bronze medal at the #ParisOlympics2024 pic.twitter.com/UN5edgVqIJ

— ANI (@ANI) August 10, 2024

#WATCH | Indian Men's Hockey Team players receive a grand welcome as they arrive at Delhi airport after winning a bronze medal at the #ParisOlympics2024 pic.twitter.com/NxGLRDtXRi

— ANI (@ANI) August 10, 2024

వరుసగా రెండోది, మొత్తంగా 13వది - ఈ విజయంతో భారత్‌కు వరుసగా రెండో ఒలింపిక్స్‌ పతకం రావడం విశేషం. టోక్యో ఒలింపిక్స్‌లోనూ భారత్‌కు కాంస్య పతకం దక్కింది. ఈ క్రమంలో దాదాపు 52 ఏళ్ల తర్వాత ఒలింపిక్స్‌లో వరుసగా రెండు కాంస్య పతకాలు సాధించి అందరి చేత ప్రశంసలు అందుకుంది. అలా మళ్లీ ఇంతకాలానికి ఇప్పుడు పూర్వ వైభవాన్ని కొనసాగించే ప్రయత్నం చేసింది. మొత్తంగా ఒలింపిక్స్​లో హాకీ జట్టుకు ఇది 13వ పతకం కావడం విశేషం.

India Medals Paris Olympics: పారిస్ ఒలింపిక్స్​లో భారత్ ఖాతాలో ఇప్పటివరకు 6 పతకాలు చేరాయి. అందులో ఒకటి రజతం కాగా, మిగిలిన ఐదు కూడా కాంస్యాలే. రజతం జావెలిన్ త్రో లో రాగా, కాంస్యాల్లో ఒకటి రెజ్లింగ్, మిగిలిన నాలుగు షూటింగ్​లో వచ్చాయి. రెజ్లింగ్​లో వినేశ్ ఫొగాట్​పై అనర్హత వేటు పడడం వల్ల మరో పతకం మిస్ అయ్యింది.