ఆటోగ్రాఫ్ అడిగి, కోహ్లీ గురించి ఆరా తీసిన లేడీ ఫ్యాన్​ - కూల్ రిప్లైతో మనసు గెలిచిన రోహిత్

కోహ్లీ గురించి అడిగిన మహిళా అభిమానికి కూల్ రిప్లై ఇచ్చిన కెప్టెన్ రోహిత్ శర్మ

IND VS NZ Rohith Sharma with Lady Fan : టీమ్ ఇండియాలో కెప్టెన్ రోహిత్ శ‌ర్మ‌, మాజీ కెప్టెన్ కోహ్లీకి ఉన్న ఫ్యాన్ ఫాలోయింగ్ గురించి ప్రత్యేకంగా చెప్పనక్కర్లేదు. రోహిత్ ఆటతీరుకు,​ విరాట్ ఆటతీరుతో పాటు​ స్టైల్ అండ్ ఆటిట్యూడ్​కు ప్రపంచ వ్యాప్తంగా అభిమానులు ఉన్నారు. వీరు కనపడితే చాలు, షేక్ హ్యాండ్ ఇచ్చేందుకు, ఆటోగ్రాఫ్ తీసుకునేందుకు, ఫొటోలు దిగేందుకు ఫ్యాన్స్​ ఎంత‌గానో ట్రై చేస్తుంటారు. ఇంకా చెప్పాలంటే ఎగబడుతుంటారు. అయితే తాజాగా ఓ మహిళా అభిమానితో రోహిత్ శ‌ర్మ ముచ్చటించాడు. ఆ సమయంలో సదరు మహిళ కోహ్లీ గురించి మాట్లాడగా, హిట్ మ్యాన్​ చెప్పిన సమాధానం అందరి దృష్టిని ఆకర్షించింది.

ఏం జరిగిందంటే? - ప్రస్తుతం టీమ్ ఇండియా న్యూజిలాండ్​ జట్టుతో టెస్ట్ సిరీస్ ఆడుతోంది. తొలి మ్యాచ్​లో ఘోరంగా ఓడిన మన వాళ్లు రెండో టెస్ట్​లో ఎలాగైనా గెలవాలని పట్టుదలతో ఉన్నారు. ఈ మ్యాచ్​ పుణె వేదికగా జరగనుంది. ఈ క్రమంలోనే ఎమ్​సీఏ స్టేడియంలో మనోళ్లు ప్రాక్టీస్​ సెషన్​కు హాజరయ్యారు. ఆ సమయంలోనే స్టేడియానికి వచ్చిన ఓ మహిళ అభిమాని రోహిత్​తో మాట్లాడింది. ఆటోగ్రాఫ్ కావాలని అడిగింది. ఆమె అడిగిన తీరుకి రోహిత్ ముచ్చ‌ట‌ప‌డి ఆగి మ‌రీ ఆటోగ్రాఫ్ ఇచ్చాడు. కానీ ఆమె చివ‌ర్లో 'విరాట్​ కోహ్లీకి కూడా నేను పెద్ద ఫ్యాన్​ను అడిగానని చెప్పండి' అంటూ హిట్​ మ్యాన్​తో చెప్పింది. అప్పుడు రోహిత్ కూడా సానుకూలంగా స్పందించాడు. 'తప్పకుండా చెబుతాను' అంటూ నవ్వుతూ సమాధానమిచ్చాడు. ప్రస్తుతం దీనికి సంబంధించిన వీడియో వైరల్ అవుతోంది.

మహిళా అభిమానితో రోహిత్ సంభాషణ

మహిళా అభిమాని - రోహిత్ భాయ్​, ప్లీజ్​ ఆటోగ్రాఫ్ ఇవ్వండి

రోహిత్ - వెయిట్​, వస్తున్నాను.

మహిళా అభిమాని - థ్యాంక్యూ సో మచ్​, విరాట్​కు కూడా చెప్పండి, తన బిగ్ ఫ్యాన్స్ ఇక్కడికి వచ్చిందని.

రోహిత్ - హా కచ్చితంగా చెబుతాను(నవ్వుతూ)

కాగా, బెంగళూరు టెస్టులో భారత్ జట్టుకు గట్టి ఎదురు దెబ్బ తగిలింది. తొలి ఇన్నింగ్స్‌లో కేవలం 46 పరుగులకే ఆలౌట్ అయింది. రెండో ఇన్నింగ్స్​లో పుంజుకుని ఆడినా ఫలితం దక్కలేదు. దీంతో సొంత గడ్డపై భారత్ జట్టు పరువు పోయినంత పని అయింది. అందుకే రెండో టెస్టులో న్యూజిలాండ్‌పై ప్రతీకారం తీర్చుకోవాలని క‌సితో ఉంది. పైగా, ఈ మూడు టెస్ట్‌ల సిరీస్‌లో చివ‌రి రెండు టెస్ట్‌లు తప్ప‌క గెల‌వాల్సిన పరిస్థితి ఏర్పడింది. అందుకే పుణె పిచ్‌పై రాణించేందుకు భార‌త ఆట‌గాళ్లు నెట్స్‌లో తీవ్రంగా శ్రమిస్తున్నారు. పుణెలో స్పిన్ పిచ్‌తో కివీస్‌ను దెబ్బతీయాలని భావిస్తున్నారు.

Rohit Sharma's conversation with a fan:

Fan - Rohit bhai, please give autograph.

Rohit - I'm coming, wait.

Fan - thank you so much, tell Virat also that his big fan came here.

Rohit - I'll tell Virat. 😄❤️pic.twitter.com/q0fUWHtcWm

— Mufaddal Vohra (@mufaddal_vohra) October 22, 2024