IND VS BAN Second Test Virat Kohli : టీమ్ ఇండియా స్టార్ క్రికెటర్ విరాట్ కోహ్లీకి ప్రపంచవ్యాప్తంగా ఎంత క్రేజ్ ఉందో ప్రత్యేకంగా చెప్పనక్కర్లేదు. గత దశాబ్దన్నర కాలం నుంచి క్రికెట్ ప్రపంచాన్ని శాసిస్తున్నాడు. హేమాహేమీలకు సైతం సాధ్యం కాని గొప్ప రికార్డులను నెలకొల్పాడు. ఇదే సమయంలో క్రీడా ప్రపంచంలో అత్యంత ప్రజాదరణ పొందిన క్రీడాకారుడిగానూ నిలిచాడు. భారీ ఫ్యాన్ ఫాలోయింగ్‌ను సొంతం చేసుకున్నాడు. అయితే ప్రస్తుతం కోహ్లీ ఓ అభిమానితో చేసిన సంభాషణ, ప్రవర్తించిన తీరు వైరల్గా మారింది!
ఇంతకీ ఏం జరిగిందంటే? - ప్రస్తుతం టీమ్ఇండియా బంగ్లాదేశ్తో టెస్ట్ సిరీస్ ఆడుతోంది. ఇందులో భాగంగా తొలి మ్యాచ్లో గెలిచిన భారత జట్టు రెండో మ్యాచ్ కోసం సిద్ధమవుతోంది. రెండో పోరు కాన్పూర్ గ్రీన్ పార్క్ స్టేడియం వేదికగా జరుగనుంది. ఇందుకోసం తాజాగా భారత జట్టు కన్పూర్కు చేరుకుంది. అక్కడే ఉన్న ల్యాండ్ మార్క్ హోట్లోనే బస చేయనుంది. అయితే హోటల్కు చేరుకున్న టీమ్ఇండియాకు హోటల్ నిర్వాహకులు గ్రాండ్ వెలకమ్ తెలిపారు. బొకేలు ఇచ్చి వారిని ఆహ్వానించారు.
ఈ క్రమంలోనే కోహ్లీకి ఓ హోటల్ సిబ్బంది బొకే ఇచ్చి షేక్ హ్యాండ్ ఇవ్వగా, మరో సిబ్బంది కూడా విరాట్కు షేక్ హ్యాండ్ ఇచ్చేందుకు ప్రయత్నించాడు. కానీ అప్పటికే విరాట్ రెండు చేతుల్లోనూ బొకే, బ్యాగ్ ఉండడంతో కరచాలనం చేయలేకపోయాడు. 'నాకు రెండు చేతులే ఉన్నాయి' అంటూ సైటిరికల్ కామెంట్ చేశాడు. కామెంట్ చేసేటప్పుడు విరాట్ ఫేస్ ఎక్స్ప్రెషన్ కూడా కాస్త మరోలా కనిపించింది. ప్రస్తుతం దీనికి సంబంధించిన వీడియో తెగ వైరల్ అవుతోంది.
ఈ వీడియో చూసిన పలువురు కోహ్లీ యాటిట్యూడ్పై విమర్శలు గుప్పిస్తున్నారు. 'డిస్రెస్పెక్ట్ఫుల్ యాటిట్యూడ్', 'అనవసరమైన డైలాగ్లు వేస్తున్నాడు', 'బ్యాడ్ యాటిట్యూడ్ కోహ్లీ', 'నీ ఫేస్ ఎక్స్ప్రెషన్ కూడా ఏం బాలేదు', 'రిటైర్ అయ్యే సమయంలో ఎందకింత గర్వం' అంటూ రకరకాల నెగటివ్ కామెంట్స్ చేస్తున్నారు.
Virat Kohli's welcome at the Team Hotel in Kanpur 🥰❤️ pic.twitter.com/cq4ku5pK3C
— Virat Kohli Fan Club (@Trend_VKohli) September 24, 2024
ఇక బంగ్లాతో జరిగిన తొలి టెస్ట్లో కోహ్లీ ప్రదర్శన విషయానికొస్తే అతడు రాణించలేకపోయాడు. తొలి ఇన్నింగ్స్లో 6 పరుగులు, రెండో ఇన్నింగ్స్లో 17 పరుగులు మాత్రమే చేసి నిరాశపరిచాడు. అయితే ఈ పోరులో అశ్విన్, పంత్, గిల్, జైశ్వాల్ ప్రదర్శనతో 280 పరుగులు తేడాతో భారత్ విజయం సాధించింది.
