టెస్ట్ క్రికెట్​లో 'లంచ్'​​ - ఈ సమయంలో క్రికెటర్లు ఏం తింటారు? దీన్ని ఎవరు ప్రవేశపెట్టారు? - Lunch Break History In Test Cricket

IND VS BAN Lunch Break History In Test Cricket : ప్రస్తుతం భారత్ - బంగ్లా మధ్య టెస్ట్ మ్యాచ్ జరుగుతోంది. అయితే టెస్టు మ్యాచ్​లో రోజుకు మూడు సెషన్లు ఉంటాయన్న సంగతి తెలిసిందే? అందులో ఓ లంచ్ బ్రేకు కూడా ఉంటుంది. మరి ఆ సమయంలో క్రికెటర్లు ఏం తింటారు? అసలీ బ్రేకును ఎన్ని నిమిషాలు తీసుకోవచ్చు? దీన్ని ఎవరు ప్రవేశపెట్టారు? వంటి విషయాలను ఈ స్టోరీలో తెలుసుకుందాం.

IND VS BAN History Of Lunch Break In Test Cricket :క్రికెట్​లో టెస్టులను సుదీర్ఘమైన ఫార్మాట్​గా అభివర్ణిస్తారు. ఎందుకంటే ఈ ఫార్మాట్​లో ఫలితం తేలడానికి ఐదు రోజుల సమయం పడుతుంది. ప్రతి రోజు టెస్టులో మొత్తం మూడు సెషన్లు ఉంటాయి. టెస్టుల్లో రోజు మొత్తం ఆడాల్సి ఉంటుంది కాబట్టి ఆటగాళ్లకు నిర్దిష్ట వ్యవధిలో తగినంత విశ్రాంతి లభించే విధంగా ఈ సెషన్లను విభజించారు. అవే లంచ్, టీ బ్రేక్. మరి క్రికెటర్లు లంచ్ బ్రేకులో ఏం తింటారు? ఎన్ని నిమిషాల విరామం ఉంటుంది? తదితర విషయాలు ఈ స్టోరీలో తెలుసుకుందాం.

40 నిమిషాల బ్రేక్ - ఐదు రోజుల టెస్టు మ్యాచులో ప్రతి రోజూ ఆట ప్రారంభమైన రెండు గంటల ఆట తర్వాత తొలి సెషన్‌ ముగుస్తుంది. అప్పుడు ప్లేయర్స్‌ లంచ్‌ బ్రేక్ తీసుకుంటారు. ఈ లంచ్‌ బ్రేక్ 40 నిమిషాల పాటు ఉంటుంది. క్రీజులో అటుఇటూ పరుగెత్తే బ్యాటర్​కైనా, బౌలర్లు, ఫీల్డర్లకైనా కాస్త శరీరం రీఛార్జ్‌ కావడానికి ఈ లంచ్‌ బ్రేక్‌ బాగా పనికొస్తుంది.

లంచ్ బ్రేక్‌ చరిత్ర - 19వ శతాబ్దం ప్రారంభంలో క్రికెట్​ను ఇంగ్లాండ్ జట్టు శాసించేంది. ఈ క్రమంలో ఈ క్రీడకు సంబంధించిన అన్ని నిబంధనలను మేర్లీబోన్ క్రికెట్ క్లబ్ రూపొందించింది. లంచ్, టీ బ్రేక్​ను టెస్టు క్రికెట్​లో ఇంగ్లీష్ జట్టే ప్రవేశపెట్టింది. తొలుత ఈ గేమ్​ను పెద్ద మనుషులు ఆడే ఆటగా అభివర్ణించేవారు. భారత్​లో అయితే రాజకుటుంబీకులు మాత్రమే క్రికెట్​ను ఆడేవారు.

Innings Break!

A mammoth 199 run partnership between @ashwinravi99 (113) & @imjadeja (86) steers #TeamIndia to a first innings total of 376.

Scorecard - https://t.co/jV4wK7BgV2… #INDvBAN@IDFCFIRSTBank pic.twitter.com/UWFcpoxN9U

— BCCI (@BCCI) September 20, 2024

లంచ్ బ్రేక్​లో ఏం తింటారు? - ప్రతి రోజు టెస్టు మ్యాచ్ ప్రారంభమైన రెండు గంటల తర్వాత 40 నిమిషాల లంచ్ బ్రేక్ ఉంటుంది. ఈ విరామంలో ఇరు జట్లు డ్రెస్సింగ్ రూమ్​కు చేరుకుంటాయి. 1990వ దశకంలో క్రికెటర్లు శాండ్‌ విచ్​లు, పోర్క్స్ , మరిన్ని ఇతర రుచికరమైన ఆహార పదార్థాలను లంచ్ బ్రేక్​లో తినేవారు. ప్రస్తుతం కాలం మారింది. ఆటగాళ్లు ఫిట్ నెస్ పై దృష్టి పెట్టారు. అందుకే ప్రతి టీమ్​కు పోషకాహార నిపుణుడు తోడుగా ఉంటున్నాడు. అతడు లంచ్ మెనూను రూపొందిస్తాడు. ప్లేయర్లు కూడా అదే ఆరోగ్యకరమైన ఆహారాన్ని లంచ్ బ్రేక్​లో ఆరగిస్తారు.

లంచ్ బ్రేక్ ఉపయోగాలు?- లంచ్ బ్రేక్ అలసిపోయిన ఆటగాళ్ల శరీరం రీఛార్జ్ కావడానికి బాగా ఉపయోగపడుతుంది. కొందరు ప్లేయర్లు ఉపశమనం కోసం లంచ్ బ్రేక్​లో వేడి నీటి స్నానం చేస్తారు. అలాగే టీమ్ కోచ్​తో కలిసి ప్రత్యర్థిని ఎదుర్కొవడానికి వ్యూహాలను రచించడానికి కూడా లంచ్ బ్రేక్ ఉపయోగపడుతుంది.

టెస్ట్ మ్యాచుల షెడ్యూల్ భారత్​లో ఎలా ఉంటుంది?

భారత్​లో టెస్ట్ మ్యాచ్ ఉదయం 9.30 గంటలకు ప్రారంభమవుతుంది. మొదటి సెషన్ ఉదయం 11.30 గంటల వరకు జరుగుతుంది. 11.30 గంటల నుంచి 12.10 వరకు లంచ్ బ్రేక్ (40 నిమిషాలు) అన్నమాట. మళ్లీ రెండో సెషన్ మధ్యాహ్నం 12:10 గంటలకు ప్రారంభమవుతుంది. అది రెండు గంటలపాటు కొనసాగుతుంది. మళ్లీ మధ్యాహ్నం 2.10 గంటలకు టీ బ్రేక్ ఉంటుంది. ఈ బ్రేక్ 20 నిమిషాలు తీసుకోవచ్చు. ఆ తర్వాత మరో రెండు గంటలు ఆడాక, ఆట ముగుస్తుంది.