IND vs BAN Sanju Samson : బంగ్లాదేశ్‌తో టెస్టు సిరీస్ దక్కించుకున్న టీమ్ఇండియా ఇప్పుడు టీ20 సిరీస్పై కన్నేసింది. ఈ టీ20 సిరీస్లో తొలి మ్యాచ్ ఆదివారం జరగనుంది. ఈ మ్యాచ్కు గ్వాలియర్ స్టేడియం వేదిక కానుంది. మిస్టర్ 360 డిగ్రీస్ సూర్యకుమార్ యాదవ్ కెప్టెన్సీలో టీమ్ఇండియా బరిలోకి దిగనుంది. సూర్యతోపాటు 15మందితో కూడిన జట్టను బీసీసీఐ ఇటీవల ప్రకటించింది. అయితే ఈ జట్టులో ఒక్క స్పెషలిస్ట్ ఓపెనర్ (అభిషేక్ శర్మ) మాత్రమే ఉండడం గమనార్హం. అయితే అతడితోపాటు ఇన్నింగ్స్ను ప్రారంభించేది ఎవరా అన్న సందిగ్ధత కొనసాగుతోంది.
అయితే అభిషేక్తో పాటు సంజూ శాంసన్ ఇన్నింగ్స్ ప్రారంభించే ఛాన్స్ ఎక్కువగా ఉంది. రిషభ్‌ పంత్‌కు విశ్రాంతి ఇవ్వడం, ఇషాన్‌ కిషన్‌ను పక్కనపెట్టడం వంటి కారణాలతో సంజూకి అవకాశం దక్కింది. అయితే ఒకవేళ అతడికే ఓపెనర్గా ఛాన్స్ వస్తే మాత్రం అరుదైన ఘనతను అతడి ఖాతాలోకి వచ్చి చేరుతుంది.
2015లో అంతర్జాతీయ క్రికెట్‌లోకి అడుగుపెట్టిన సంజు, ఇప్పటి వరకు 30 టీ20లకు మాత్రమే ప్రాతినిథ్యం వహించాడు. అయితే ఫ్రాంఛైజీ క్రికెట్లో ఓపెనర్గా బరిలోకి దిగిన సంజు, అంతర్జాతీయ క్రికెట్లో మాత్రం ఇలా బరిలోకి దిగడం ఇదే మొదటి సారి. అంటే మొత్తంగా 9 ఏళ్ల కెరీర్లో ఓపెనర్గా, వికెట్కీవర్గా బరిలోకి దిగడం ఇదే తొలిసారి అవుతుందన్న మాట.
టీ20 సిరీస్ షెడ్యూల్
| తొలి టీ20 | అక్టోబర్ 06 | గ్వాలియర్ |
| రెండో టీ20 | అక్టోబర్ 09 | న్యూ దిల్లీ |
| మూడో టీ20 | అక్టోబర్ 12 | హైదరాబాద్ |
భారత్ జట్టు : సూర్యకుమార్ యాదవ్ (కెప్టెన్), అభిషేక్ శర్మ, సంజు శాంసన్ (వికెట్ కీపర్), రింకు సింగ్, హార్దిక్ పాండ్యా, రియాన్ పరాగ్, నితీష్ కుమార్ రెడ్డి, శివమ్ దూబే, వాషింగ్టన్ సుందర్, రవి బిష్ణోయ్, వరుణ్ చక్రవర్తి, జితేష్ శర్మ (వికెట్ కీపర్), అర్ష్దీప్ సింగ్, హర్షిత్ రానా, మయాంక్ యాదవ్
బంగ్లా జట్టు: నజ్ముల్ హొస్సేన్ షాంటో (కెప్టెన్), తాంజిద్ హసన్ తమీమ్, పర్వేజ్ హుస్సేన్ ఎమోన్, తౌహిద్ హృదయ్, మహ్మదుల్లా, లిట్టన్ కుమార్ దాస్, జాకర్ అలీ అనిక్, మెహిదీ హసన్ మిరాజ్, మెహదీ హసన్, రిషద్ హుస్సేన్, ముస్తాఫిజుర్ రహ్మద్, తస్రీకిన్ అహ్మద్, తస్రీకిన్ అహ్మద్ , రకీబుల్ హసన్
ఐపీఎల్ 'రైట్ టు మ్యాచ్'పై ఫిర్యాదులు - మార్పులు ఏమైనా చేస్తారా? - Right To Match Rule Complaints
