టెస్టు ర్యాంకింగ్స్ రిలీజ్- అగ్రస్థానానికి చేరువలో రూట్- మరి రోహిత్, విరాట్ ప్లేస్? - ICC Test Ranking 2024

ICC Test Ranking 2024: ఐసీసీ తాజాగా రిలీజ్ చేసిన టెస్టు ర్యాంకింగ్స్​లో ఇంగ్లాండ్ స్టార్ బ్యాటర్ రూట్ మెరుగైన పాయింట్లు సాధించి, తొలి స్థానానికి చేరువలోకి వెళ్లాడు.

ICC Test Ranking 2024: అంతర్జాతీయ క్రికెట్ కౌన్సిల్ (ఐసీసీ) బుధవారం లేటెస్ట్​ టెస్ట్​ ర్యాకింగ్స్ విడుదల చేసింది. ఈ ర్యాంకింగ్స్​లో ఇంగ్లాండ్ స్టార్ బ్యాటర్ జో రూట్ 12 రేటింగ్ పాయింట్లు మెరుగుపర్చుకొని, ఆగ్రస్థానంలో ఉన్న కేన్ విలియమ్సన్ (859 రేటింగ్స్​)​కు అత్యంత చేరువలోకి వెళ్లాడు. ప్రస్తుతం రూట్ 852 రేటింగ్స్​తో రెండో స్థానంలో కొనసాగుతున్నాడు. ఇంగ్లాండ్ యంగ్ బ్యాటర్ హ్యారీ బ్రూక్ (771 రేటింగ్స్) నాలుగు స్థానాలు ఎగబాకి, కెరీర్ అత్యుత్తమ ర్యాంక్ 3వ ప్లేస్​కు చేరుకున్నాడు.

ఇక టీమ్ఇండియా కెప్టెన్ రోహిత్ శర్మ ఒక స్థానం కోల్పోయి 751 రేటింగ్స్​తో 7వ స్థానంలో ఉన్నాడు. యంగ్ బ్యాటర్ యశస్వీ జైశ్వాల్ (740 రేటింగ్స్) 8వ, విరాట్ కోహ్లీ (737 రేటింగ్స్)​తో 10వ స్థానాల్లో కొనసాగుతున్నారు. దీంతో ప్రస్తుతం టాప్- 10లో ముగ్గురు టీమ్ఇండియా బ్యాటర్లు ఉన్నారు.

టాప్ -5 బ్యాటర్లు

1	కేన్ విలియమ్సన్	న్యూజిలాండ్	859 రేటింగ్స్
2	జో రూట్	ఇంగ్లాండ్	852 రేటింగ్స్
3	హ్యారీ బ్రూక్	ఇంగ్లాండ్	771 రేటింగ్స్
4	బాబర్ ఆజమ్	పాకిస్థాన్	768 రేటింగ్స్
5	డారిల్ మిచెల్	న్యూజిలాండ్	768 రేటింగ్స్

Test Bowling Ranking: కాగా, బౌలింగ్ విభాగంలో టీమ్ఇండియా సీనియర్ స్పిన్నర్ రవిచంద్రన్ అశ్విన్ టాప్​లో కొనసాగుతున్నాడు. ప్రస్తుతం అశ్విన్ 870 రేటింగ్స్​తో అగ్రస్థానంలో ఉన్నాడు. ఇక ఆసీస్ పేసర్ జోష్ హేజిల్​వుడ్, టీమ్ఇండియా స్టార్ జస్ప్రీత్ బుమ్రా ఇద్దరూ 847రేటింగ్స్​తో వరుసగా 2,3 స్థానాల్లో ఉన్నారు. రవీంద్ర జడేజా 788 రేటింగ్స్​తో 7వ ప్లేస్​లో కొనసాగుతున్నాడు. రిస్ట్ స్పిన్నర్ కుల్దీప్ యాదవ్ ఒక స్థానం మెరుగుపర్చుకొని 686 రేటింగ్స్​తో 14వ పొజిషన్​లో ఉన్నాడు.

టాప్ 5 బౌలర్లు

1	రవిచంద్రన్ అశ్విన్	భారత్	870 రేటింగ్స్
2	జోష్ హేజిల్​వుడ్	ఆస్ట్రేలియా	847 రేటింగ్స్
3	జస్ప్రీత్ బుమ్రా	భారత్	847 రేటింగ్స్
4	కగిసో రబాడా	సౌతాఫ్రికా	834 రేటింగ్స్
5	ప్యాట్ కమిన్స్	ఆస్ట్రేలియా	820 రేటింగ్స్

Test All Rounder Ranking: అటు ఆల్​రౌండర్ విభాగంలో టాప్- 5లోనే ముగ్గురు టీమ్ఇండియా ప్లేయర్లు ఉన్నారు. 444 రేటింగ్స్​తో జడేజా టాప్ ప్లేస్​లో కొనసాగుతుండగా, అశ్విన్ (322 రేటింగ్స్) రెండో పొజిషన్​లో ఉన్నాడు. అక్షర్ పటేల్ (259 రేటింగ్స్) 5వ స్థానంలో కొనసాగుతున్నాడు.

The gap between the top two batters is 🤏 close in the ICC Men's Test Player Rankings after England's victory over West Indies 👀

Read on 👇https://t.co/Pd989w2fqZ

— ICC (@ICC) July 24, 2024