2025 Champions Trophy Promo : టీమ్ఇండియా మాజీ కెప్టెన్ మహేంద్రసింగ్ ధోనీ మైదానంలో కూల్గా ఉండేవాడు. ధోనీ రివ్యూ తీసుకున్నాడంటే అది పక్కాగా ఔట్ అని అందరూ ఫిక్స్ అవుతారు. అందుకే ఈ డీఆర్ఎస్ (డెసిషన్ రివ్యూ సిస్టమ్)ను క్రికెట్ ఫ్యాన్స్, ధోనీ రివ్యూ సిస్టమ్గా పిలుస్తుంటారు. అయితే ప్రస్తుతం 'ధోనీ రిఫ్రిజ్రేటర్ సిస్టమ్' (DRS) అని ట్రెండ్ అవుతోంది. దీనికి ఐసీసీ ఛాంపియన్స్ ట్రోఫీ ప్రోమోనే కారణం.
ఫిబ్రవరి 19న ఈ మినీ మెగాటోర్నీ ప్రారంభం కానుంది. ఈ క్రమంలో టోర్నమెంట్ అధికారిక బ్రాడ్కాస్ట్ పార్ట్నర్ స్టార్ స్పోర్ట్స్ కొత్త ప్రోమో రిలీజ్ చేసింది. ధోనీతో రూపొందించిన ఈ ప్రోమో నెటిజన్లను తెగ ఆకట్టుకుంటోంది. వీడియో ధోనీ ఇంట్రెస్టింగ్ కామెంట్స్ చేశాడు. ఓ కెప్టెన్గా తాను ఎల్లప్పూడూ కూల్‌గానే ఉన్నానని చెప్పిన ధోనీ, ఇప్పుడు ఓ క్రికెట్ అభిమానిగా ఛాంపియన్స్ ట్రోఫీని కూల్గా చూడలేనని అన్నాడు.
'కెప్టెన్గా ఉన్నప్పుడు కూల్గా ఉన్నా. కానీ, ఓ క్రికెట్ ఫ్యాన్గా ఛాంపియన్స్ ట్రోఫీని కూల్గా ఉంటూ చూడడం అయ్యే పని కాదు. మన జట్టు ఎంత పటిష్ఠంగా ఉన్నప్పటికీ, ఒక్క మ్యాచ్ ఓడినా టోర్నీ నుంచి తప్పుకోవాల్సి ఉంటుంది. ఈ టెన్షన్తో మంచులో ఉన్నా చాలా హాట్గా అనిపిస్తోంది' అంటూ ధోనీ వీడియోలో చెప్పుకొచ్చాడు.
వెంటనే రివ్యూ కోరగా, వెనకాల నుంచి డీఆర్ఎస్ 'ధోనీ రిఫ్రిజ్రేటర్ సిస్టమ్' అని రాసి ఉన్న వ్యాన్ వచ్చి, అతడిపై మంచు వర్షం కురిపిస్తుంది. ధోనీ కామెంట్స్, సూపర్ విజువల్స్తో ఉన్న ఈ వీడియో నెటిజన్లు ఆకట్టుకుంటోంది. సోషల్ మీడియాలో ప్రస్తుతం ఇది ట్రెండ్ అవుతోంది. మరి మీరు ఈ ప్రోమో వీడియో చూశారా?
Captain Cool on the field 😌
— Star Sports (@StarSportsIndia) January 29, 2025
Captain Cool as a fan 🥵
With every match do-or-die in the #ChampionsTrophy, even @msdhoni needs a DRS (Dhoni Refrigeration System) to beat the heat! 👊
📺 #ChampionsTrophyOnJioStar STARTS WED, 19 FEB 2025! | #CaptainNotSoCool pic.twitter.com/nv1XXZoHht
ఛాంపియన్స్ ట్రోఫీకి భారత్ జట్టు
రోహిత్ శర్మ (కెప్టెన్), శుభ్‌మన్ గిల్ (వైస్ కెప్టెన్), యశస్వీ జైస్వాల్, విరాట్ కోహ్లీ, శ్రేయస్ అయ్యర్, కేఎల్ రాహుల్, హార్దిక్ పాండ్య, అక్షర్ పటేల్, రిషబ్ పంత్, రవీంద్ర జడేజా, వాషింగ్టన్ సుందర్, కుల్దీప్ యాదవ్, జస్ప్రీత్ బుమ్రా, మహ్మద్ షమీ, అర్ష్‌దీప్ సింగ్
ఛాంపియన్స్ ట్రోఫీ స్క్వాడ్లో సంజూకు నో ఛాన్స్! - సెంచరీ చేసినా కూడా!
ఛాంపియన్స్ ట్రోఫీకి భారత్ జట్టు ప్రకటన- గిల్కు ప్రమోషన్, షమీ రీ ఎంట్రీ
