GT Vs KKR IPL 2024 : ఐపీఎల్‌ 17వ సీజన్‌లో భాగంగా నేడు (మార్చి 13న) గుజరాత్ టైటాన్స్‌, కోల్కతా నైట్‌రైడర్స్‌ తలపడాల్సి ఉంది. అయితే వర్షం కారణంగా ఆ మ్యాచ్ రద్దయింది. అయితే రెండు జట్లకు చెరో పాయింట్ వచ్చింది.
సాయంత్రం నుంచే అహ్మదాబాద్‌లో వర్షం కురుస్తోంది. దీంతో అభిమానులు స్టాండ్స్లో అలానే ఉండిపోయారు. సిబ్బంది కూడా మైదానాన్ని కవర్లతో కప్పి ఉంచారు. అంతే కాకుండా ప్లడ్ లైట్లలోని కొన్ని భాగాలు కూడా సమస్య తలెత్తడం వల్ల వాటిలో కొన్నింటినీ పూర్తిస్థాయిలో ఆన్‌ చేయలేదు.
అయితే గుజరాత్‌కు ఈ మ్యాచ్ ఎంతో కీలకం. ఇందులో విజయం సాధిస్తేనే ఆ జట్టుకు ప్లేఆఫ్స్‌ అవకాశాలు ఉన్నాయి. ఓడితే అధికారికంగా ఎలిమినేట్‌ అయినట్లే. కోల్కతా ఇప్పటికే ప్లే ఆఫ్స్‌నకు చేరుకున్న సంగతి తెలిసిందే. ఆ జట్టు 18 పాయింట్లతో పాయింట్ల పట్టికలో అగ్రస్థానంలో ఉంది.
ఇక గుజరాత్ ఇప్పటి వరకు 12 మ్యాచ్‌లు ఆడగా, అందులో 5 గెలిచింది. మిగతా 7 మ్యాచ్‌ల్లో ఓటమి చవిచూసింది. ప్రస్తుతం ఆ జట్టు చేతిలో 10 పాయింట్లు ఉన్నాయి. చెన్నైతో జరిగిన చివరి మ్యాచ్లో గుజరాత్ ఘన విజయం సాధించింది. శుభ్‌మన్ గిల్, సాయి సుదర్శన్‌లు 210 పరుగుల భాగస్వామ్యం వల్ల ఆ జట్టు మంచి స్కోర్ చేసింది.
