మాజీ క్రికెటర్‌పై చిరుత దాడి - కాపాడిన శునకం - Cricketer Attacked by Leoparad

Former Zimbabwe cricketer Attacked by Leopard : మాజీ క్రికెటర్​పై చిరుత దాడి చేసింది. అయితే ప్రాణాపాయ స్థితిలో ఉన్న అతడిని పెంపుడు శునకం కాపాడింది. ప్రస్తుతం ఈ విషయం హాట్ టాపిక్​గా మారింది.

Former Zimbabwe cricketer Attacked by Leopard : జింబాబ్వేకు చెందిన మాజీ క్రికెటర్‌ ఆల్‌ రౌండర్‌ గై విట్టాల్‌పై చిరుత దాడి చేసింది. అయితే ప్రాణాపాయ స్థితిలో ఉన్న ఆయన్ను పెంపుడు శునకం కాపాడింది. ఈ సంఘటనను వివరిస్తూ ఆ క్రికెటర్​ సతీమణీ సోషల్‌ మీడియాలో ఓ పోస్టు పెట్టారు. ప్రస్తుతం ఈ విషయం హాట్ టాపిక్​గా మారింది.

ఇంతకీ ఎలా జరిగిందంటే? - జింబాబ్వేకి చెందిన మాజీ ఆల్‌ రౌండర్‌ గై విట్టాల్‌ (Guy Whittall) వయసు 51 ఏళ్లు. ఆయన రీసెంట్​గానే హ్యూమని ప్రాంతంలో ట్రెక్కింగ్‌కు వెళ్లారు. అప్పుడు తనతో పాటు పెంపుడు శునకం చికారాను కూడా వెంట తీసుకెళ్లారు గై విట్టాల్​.

అయితే పర్వతారోహణ సమయంలో అకస్మాతుగా ఓ చిరుత విట్టాల్‌పై దాడికి దిగింది. దాని నుంచి తప్పించుకునేందుకు గై విట్టాల్​ తీవ్రంగా ప్రయత్నించారు. అదే సమయంలో తన వెంటనే వచ్చిన చికారా కూడా అప్రమత్తమై తన యజమానిని కాపాడేందుకు తీవ్రంగా ప్రయత్నించింది. ఈ క్రమంలో అది కూడా తీవ్రంగా గాయపడింది. అయినప్పటికీ రక్తమోడుతూనే పోరాడి చిరుతను తరిమికొట్టింది. ఎట్టకేలకు తన యజమాని విట్టాల్‌ను రక్షించుకుంది. ఈ దాడిలో విట్టాల్‌ తీవ్రంగా గాయపడ్డాడు.ఆ వెంటనే విట్టాల్‌, చికారాను స్థానికులు, అధికారుల సాయంతో విమానంలో ఆస్పత్రికి తరలించారు.

ఈ విషయాన్ని విట్టాల్​ భార్య హన్నా స్టూక్స్ సోషల్‌ మీడియా వేదికగా తెలిపారు. ఆ మూగజీవం ప్రస్తుతం కోలుకుంటోంది. తీవ్ర గాయాలు అవ్వడం వల్ల విట్టాల్‌కు సర్జరీ జరిగింది. ప్రస్తుతం ఆయన పరిస్థితి నిలకడగానే ఉంది అని చెప్పుకొచ్చింది. ఆస్పత్రి బెడ్​పై ఉన్న విట్టాల్ ఫొటోను కూడా నెట్టింట్లో షేర్ చేసింది. ఇక ఈ విషయం తెలుసుకుంటున్న విట్టాల్​ అభిమానులు ఆయన త్వరగా కోలుకోవాలని కోరుకుంటున్నారు.

కాగా, గతంలోనూ విట్టాల్​ ఇలాంటి ఒక ఘటనను ఎదుర్కొన్నారు. 2013లో విట్టాల్‌ ఇంట్లోకి పెద్ద మొసలి దూరి మంచం కిందకు వెళ్లింది. దానిని ముందుగానే ఆయన గుర్తించారు. దీంతో ఆయనకు ప్రాణాపాయం తప్పినట్లు విట్టాల్​ భార్య హన్నా స్టూక్స్ చెప్పుకొచ్చారు.