Dhoni IPL 2024: చెన్నై సూపర్ కింగ్స్ కెప్టెన్ మహేంద్రసింగ్ ధోనీ ఐపీఎల్ సీజన్- 17 కోసం మంగళవారం చెన్నై నగరానికి చేరుకున్నాడు. ఈ విషయాన్ని సీఎస్కే తమ అఫీషియల్ ట్విట్టర్ పేజ్లో షేర్ చేసింది. '#THA7A దర్శనం!' అని పోస్ట్కు క్యాప్షన్ రాసుకొచ్చింది. ఇక ధోనీ త్వరలోనే ఐపీఎల్ ప్రాక్టీస్ మొదలుపెట్టనున్నాడు. కాగా, వరుసగా 17వ సీజన్లో కూడా సీఎస్కే జట్టును నడిపించనున్నాడు.
అటు సీఎస్కే ప్రాక్టీస్ సెషన్ను కూడా మేనేజ్మెంట్ శనివారం ప్రారంభించింది. ఈ క్రమంలో జట్టు ప్లేయర్లు దీపక్ చాహర్, రుతురాజ్ గైక్వాడ్, సిమర్జీత్ సింగ్, రాజవర్ధన్ హంగర్గేకర్, ముఖేష్ చౌదరి, ప్రశాంత్ సోలంకి, అజయ్ మండల్, షేక్ రషీద్, నిశాంత్ సింధు ఇప్పటికే చెన్నై చేరుకున్నారు. కాగా, మార్చి 22న చెన్నై- బెంగళూరు మ్యాచ్తో ఈ సీజన్ టోర్నమెంట్ ప్రారంభం కానుంది.
ఓపెనర్గా ధోనీ!: రానున్న సీజన్లో ధోనీ ఓపెనర్గా రానున్నాడన్న ప్రచారం జరుగుతోంది. అయితే ధోనీ రీసెంట్గా 'న్యూ రోల్' అంటూ తాజాగా సోషల్‌ మీడియాలో చేసిన పోస్ట్ వల్ల ఈ వార్తలకు బలం చేకూరింది. దీంతో ధోనీ ఫ్యాన్స్లో ఈ విషయంపై మరింత ఆసక్తి పెరిగింది. అయితే ధోనీ అటు కెప్టెన్సీతోపాటు ఆటకు కూడా గుడ్బై చెప్పి సీఎస్కే మెంటార్గా వ్యవహరించనున్నాడని పలు కథనాలు వచ్చాయి. చూడాలి మరి మహీ 2024 ఐపీఎల్లో ఏ రోల్లో కనిపించనున్నాడో?
Devon Conway CSK: ఐపీఎల్ సీజన్ ప్రారంభం కాకుండానే ఫ్రాంచైజీలకు గట్టిగా షాక్ తగులుతోంది. ఇప్పటికే సర్జరీ కారణంగా మహ్మద్ షమీ గుజరాత్ జట్టుకు దూరమవ్వగా, రీసెంట్గా చెన్నై జట్టులోనూ ఇదే జరిగింది. గాయం కారణంగా ఆ జట్టు స్టార్ బ్యాటర్ డేవన్ కాన్వే ఈ సీజన్ తొలి భాగంలో ఆడటం లేదు. అయితే ఈ విషయంపై చెన్నై ఫ్రాంచైజీ నుంచి ఇంకా అఫీషియల్ అనౌన్స్మెంట్ రావాల్సి ఉంది. అయితే ఏప్రిల్ చివరినాటికైనా సిద్ధమై రెండో సగానికి అందుబాటులో ఉండే అవకాశాలున్నాయని సమచారం. ఇక గత సీజన్లో సీఎస్కే తరఫున అత్యధిక పరుగులు చేసి రికార్డుకెక్కాడు ఈ స్టార్ క్రికెటర్. ఆడిన 16 మ్యాచుల్లో 672 పరుగులు స్కోర్ చేశాడు.
ధోని కెప్టెన్సీ వదిలేస్తున్నాడా? న్యూ రోల్ అంటూ ఇంట్రెస్టింగ్‌ పోస్ట్
