Rohit Sharma Childhood coach : ఏ ఆటగాడైనా తాను ఎంచుకున్న రంగంలో రాణించాలంటే కోచ్ది కీలత పాత్ర. అందులోనూ చిన్ననాటి కోచ్ మరింత కీలకం. అలా టీమ్ఇండియా కెప్టెన్ రోహిత్ శర్మ కెరీర్ విజయవంతం అవ్వడంలో తన చిన్ననాటి కోచ్ దినేశ్ లడ్ పాత్ర అమోఘం. 2000వ సంవత్సరంలోనే రోహిత్లోని ప్రతిభను గుర్తించిన లడ్, తనను అత్యుత్తమంగా తీర్చిదిద్దాడు.
ఆ తర్వాత 2007లో టీమ్ఇండియా అరంగేట్రం చేసిన హిట్మ్యాన్ అంచెలంచెలుగా ఎదుగుతూ ప్రస్తుతం కెప్టెన్గా కొనసాగుతున్నాడు. అయితే తన కెరీర్ ప్రారంభ రోజుల్లో ముఖ్య పాత్ర పోషించిన దినేశ్కు హిట్మ్యాన్ ఓ ప్రామిస్ చేశాడట. చేయడమే కాదు అది నిలబెట్టుకున్నాడు కూడా. ఈ విషయం తన కోచ్ దినేశ్ లడ్ రీసెంట్గా ఓ సందర్భంలో చెప్పాడు.
'2023 వన్డే వరల్డ్ కప్ ఓటమి తర్వాత రోహిత్ను కలిశా. ఫైనల్లో మనం బాగా ఆడలేదు. ముఖ్యంగా నువ్వు ఔటైన తీరు, మ్యాచ్పై ప్రభావం చూపింది. ఆ టైమ్లో నీ వికెడ్ పడకుండా ఉండుంటే పరిస్థితి ఇంకోలా ఉండేదేమో! కానీ, మొత్తం సిరీస్లో నువ్వు చాలా పాజిటివ్గా, జట్టు కోసం అద్భుతంగా ఆడావు' అని రోహిత్తో చెప్పాను.
అప్పుడు రోహత్ తనకు ప్రామిస్ చేశాడట. టీ20 ప్రపంచకప్ నెగ్గి, ఆ విజయాన్ని తనకు 'గురు దక్షిణ'గా ఇస్తానని చెప్పినట్లు కోచ్ దినేశ్ తెలిపాడు. 'టీ20 వరల్డ్కప్ గెలుస్తామని రోహిత్ నాకు మాటిచ్చాడు. 'సర్, ప్రపంచకప్ గెలిచి మీకు గురు దక్షిణగా ఇస్తాను' అని అన్నాడు. ఫైనల్ మ్యాచ్ గెలిచిన తర్వాత నాకు ఫోన్ చేసి 'మీ ఫీజు (ట్రోఫీ) తీసుకొస్తున్నాను' అన్నాడు' అని వాళ్లిద్దరి మధ్య జరిగిన సంభాషణ గురించి చెప్పాడు.
నాకేం ఆశ్చర్యం అనిపించలేదు
రోహిత్ శర్మ నాయకత్వంపై దినేశ్ ప్రశంసలు కురిపించాడు. అతడి కెప్టెన్సీలో భారత్ కప్పు నెగ్గడం తనకేమీ ఆశ్చర్యం అనిపించలేదని అన్నాడు. 'టీమ్ఇండియా కప్ నెగ్గడం నాకు ఆశ్చర్యంగా ఏమీ అనిపించలేదు. ఎందుకంటే రోహిత్ స్కూల్ డేస్లోనే జట్టుకు కెప్టెన్గా అద్భుతందా వ్యవహరించాడు. ఇది చెయ్, అది చెయ్ అని నేనెప్పుడూ అతడికి చెప్పలేదు'.
10 ఏళ్లు వెయిట్ చేసిన అభిమాని - రోహిత్ శర్మ ఏం చేశాడంటే?
పార్లమెంట్లో రోహిత్ అదిరే స్పీచ్- కెప్టెన్ శ్వాగ్ వీడియో చూశారా?
