Chennai Super Kings Playoffs : ఐపీఎల్ 17వ మరి కొద్ది రోజుల్లో ముగియనుంది. ఈ నేపథ్యంలో ఆఖరి పోరు కోసం అభిమానులు ఎంతగానో ఎదురుచూస్తున్నారు. ఉప్పల్ స్టేడియంలో గురువారం జరగాల్సిన మ్యాచ్ రద్దవడం వల్ల హైదరాబాద్‌ టీమ్ ప్లేఆఫ్స్కు చేరింది. అంతకు ముందే కోల్కతా నైట్రైడర్స్, రాజస్థాన్ రాయల్స్ తమ ప్లేఆఫ్స్లో తమ స్థానాన్ని సంపాదించుకోవడం వల్ల చివరి బెర్త్ కోసం కోసం గట్టి పోటీ నెలకొంది. ఆ ప్లేస్ను ఎవరు దక్కించుకుంటారా అన్న ఉత్కంఠ అభిమానుల్లో మొదలైంది.
ప్రస్తుతం 14 పాయింట్లతో ఉన్న చెన్నై సూపర్ కింగ్స్తో రాయల్ ఛాలెంజర్స్ బెంగళూరుకు గట్టిగా పోరాడాల్సి ఉంటుంది. చెన్నైపై భారీ తేడాతో గెలిస్తేనే ఆర్సీబీ ప్లేఆఫ్స్కు చేరుకుంటుంది. ఒకవేళ వర్షం కారణంగా ఆ మ్యాచ్ రద్దయితే చెన్నై ప్లేఆఫ్స్కు వెళ్తుంది.
అలా జరిగితే చెన్నై రెండో ప్లేస్
శనివారం జరిగే మ్యాచ్‌లో ఆర్సీబీపై చెన్నై జట్టు తప్పక గెలవాల్సి ఉంటుంది. దీంతోపాటు ఆదివారం పంజాబ్‌తో జరగనున్న మ్యాచ్‌లో హైదరాబాద్‌ ఓడిపోవాల్సి ఉంటుంది. అంతే కాకుండా రాజస్థాన్ రాయల్స్‌పై కోల్కతా నైట్రైడర్స్ జట్టు విజయం సాధించాలి. ఇదంతా అనుకున్నట్లే జరిగితే అప్పుడు రాజస్థాన్ 16 పాయింట్లు, హైదరాబాద్‌ 15 పాయింట్లతో ముందంజలో ఉంటాయి. ఇక చెన్నై, ఆర్సీబీపై గెలుపుతో 16 పాయింట్లు సాధిస్తుంది. మెరుగైన నెట్‌ రన్‌రేట్‌తో రాజస్థాన్‌ను అధిగమించి సెకండ్ ప్లేస్‌కు చేరుకుంటుంది.
సన్‌రైజర్స్‌కూ ఛాన్స్ ఉందిగా!
ఇక సన్రైజర్స్ తమ చివరి మ్యాచ్‌లో పంజాబ్‌తో పోటీపడనుంది. ఈ మ్యాచ్‌లో హైదరాబాద్‌ గెలిస్తే పాయింట్స్ టేబుల్లో రెండో స్థానంలో నిలవడానికి ఛాన్స్ ఉంటుంది. అలా జరగాలంటే కోల్‌కతాతో జరిగే తమ చివరి మ్యాచ్‌లో రాజస్థాన్ ఓడాల్సి ఉంటుంది. అప్పుడు రాజస్థాన్ 16 పాయింట్లతో టాప్లో ఉంటుంది. హైదరాబాద్‌ 17 పాయింట్లతో రెండో స్థానానికి వెళ్తుంది.
రెండు మ్యాచ్‌లూ రద్దయితే ?
ఇదిలా ఉండగా, హైదరాబాద్‌ - పంజాబ్ మ్యాచ్, చెన్నై, ఆర్సీబీ మ్యాచ్‌లకు వర్షం ముప్పు పొంచి ఉందని సమాచారం. ఒకవేళ ఈ రెండు మ్యాచ్‌లు వర్షం కారణంగా రద్దయితే అప్పుడు హైదరాబాద్‌ 16 పాయింట్లు, చెన్నై 15 పాయింట్లతో లీగ్‌ దశను ముగిస్తాయి. ఆర్సీబీ ఇక ఇంటికి చేరుకుంటుంది. చెన్నై ప్లేఆఫ్స్కు చేరుతుంది.
కేఎల్ రాహుల్ - సంజీవ్ గోయెంకా గొడవపై స్పందించిన కోచ్ - ఏమన్నారంటే? - IPL 2024
