Anushka Sharma Birthday Celebrations : స్టార్ క్రికెటర్ విరాట్ కోహ్లీ సతీమణి అనుష్క శర్మ బర్త్డే సెలబ్రేషన్స్ గ్రాండ్గా జరిగాయి. అందులో విరాట్, అనుష్కతో పాటు ఆర్సీబీ కెప్టెన్ ఫాఫ్ డుప్లెసిస్, గ్లెన్ మ్యాక్వెల్ దంపతులు హాజరై సందడి చేశాడు. బెంగళూరులోని ఓ రెస్టారెంట్లో అతికొద్దిమంది సన్నిహితుల సమక్షంలో ఈ వేడుక జరిగనట్లు తెలుస్తోంది. ఇక ఆ మూమెంట్స్ను సోషల్ మీడియా వేదికగా విరాట్, అనుష్కతో పాటు డుప్లెసిస్ కూడా నెట్టింట షేర్ చేశారు.
నువ్వు లేకుంటే నేను లేను
ఇక విరాట్ తాజాగా అనుష్క బర్త్డే రోజు షేర్ చేసిన పోస్ట్ సోషల్ మీడియాలో వైరల్ అవుతోంది. "నువ్వు లేకపోతే నాకు జీవితమే లేదు. నా జీవితానికి నువ్వు ఓ వెలుగువి. హ్యాపీ బర్త్డే" అంటూ స్పెషల్ విషెస్ తెలిపాడు. అను
ష్కతో గడిపిన బ్యూటిఫుల్ మూమెంట్స్కు సంబంధించిన ఫొటోలను షేర్ చేసి ఎమోషనలయ్యాడు.
ఇక స్టార్ క్రికెటర్గా ఫామ్లో ఉన్న సమయంలో విరాట్ అనుష్క మధ్య ప్రేమ చిగురించింది. ఓ షాంపూ యాడ్లో భాగమైన ఈ జంట అప్పటి పరిచయాన్ని క్రమక్రమంగా ప్రేమగా మలుచుకున్నారు. ఆ తర్వాత పెద్దలను ఒప్పించి 2017లో ఇటలీ వేదికగా డెస్టినేషన్ వెడ్డింగ్ ద్వారా విరాట్- అనుష్క ఒక్కటయ్యారు. అప్పట్లో ఈ పెళ్లి ట్రెండ్ సెట్ చేసి అనేక సెలబ్రిటీ పెళ్లిల్లకు థీమ్గా మారింది. ఇక ఈ జంట 2021లో వామిక అనే పాపకు తల్లిదండ్రులయ్యారు. ఆ తర్వాత ఇప్పుడు 2024లో అకాయ్ అనే కుమారుడికి జన్మనిచ్చారు అనుష్క శర్మ. అయితే ఆమె గత కొంతకాలంగా సినిమాలకు దూరంగా ఉంటూ తన ఫ్యామిలీతో క్వాలిటీ టైమ్ను స్పెండ్ చేస్తున్నారు.
మరోవైపు విరాట్ ప్రస్తుతం ఐపీఎల్లో రాణిస్తున్నాడు. రాయల్ ఛాలెంజర్స్ బెంగళూరు తరఫున ఆడుతున్న ఈ స్టార్ క్రికెటర్ తన ఆటతీరుతో ఎన్నో రికార్డులను తన ఖాతాలో వేసుకుంటున్నాడు. బెంగళూరు తన తదుపరి మ్యాచ్ను గుజరాత్ టైటాన్స్తో ఆడనుంది. బెంగళూరులోని చిన్నస్వామి స్టేడియం వేదికగా మే 4న ఈ మ్యాచ్ జరగనుంది.
'మంజ్రేకర్ T20 వరల్డ్కప్ టీమ్'- మాజీ క్రికెటర్ జట్టులో విరాట్కు నో ప్లేస్ - 2024 T20 World Cup
ఫీల్డ్ అంపైర్తో గొడవ - కోహ్లీకి గట్టి షాకిచ్చిన ఐపీఎల్ బాసులు! - IPL 2024 RCB VS KKR
