అసెంబ్లీ ఎన్నికలు చివర్లో వచ్చినా, మధ్యలో వచ్చినా బీఆర్​ఎస్​దే గెలుపు : కేసీఆర్ - BRS Public Meeting at Huzurabad

Ex CM KCR Election Campaign in Telangana : ఎప్పుడు అసెంబ్లీ ఎన్నికలు వచ్చినా గెలిచేది బీఆర్ఎస్​ పార్టీనే అని మాజీ సీఎం కేసీఆర్​ తెలిపారు. కేవలం కాంగ్రెస్​ అధికారం చేపట్టిన నాలుగు నెలల్లోనే తెలంగాణ తారుమారు అయిందని అన్నారు. కరీంనగర్​ జిల్లాలో జరిగిన బీఆర్​ఎస్​ ఆత్మీయ సమ్మేళనం సభలో ఆయన పాల్గొని ప్రసంగించారు.

BRS Public Meeting at Karimnagar : అసెంబ్లీ ఎన్నికలు చివర్లో వచ్చినా, మధ్యలో వచ్చినా బీఆర్​ఎస్​దే గెలుపునని బీఆర్​ఎస్​ అధినేత, మాజీ సీఎం కేసీఆర్​ ధీమా వ్యక్తం చేశారు. నాలుగు నెలల్లోనే తెలంగాణ అంతా తారుమారు అయిందని తెలిపారు. కరీంనగర్​ జిల్లాలో జరిగిన బీఆర్​ఎస్​ ఆత్మీయ సమ్మేళనం సభలో ఆయన పాల్గొని ప్రసంగించారు. ఈ కార్యక్రమంలో బీఆర్​ఎస్​ కరీంనగర్​ ఎంపీ అభ్యర్థి వినోద్​ కుమార్​, హుజురాబాద్​ ఎమ్మెల్యే కౌశిక్​రెడ్డి ఇతర ముఖ్యనేతలు పాల్గొన్నారు. ఈ సందర్భంగా మాజీ సీఎం కేసీఆర్​ మాట్లాడుతూ కాంగ్రెస్​, బీజేపీలపై విమర్శలు చేశారు.

గతంలో దళారులు లేకుండా వరి కొనుగోలు చేశామని బీఆర్​ఎస్​ అధినేత, మాజీ సీఎం కేసీఆర్​ తెలిపారు. రంగు వచ్చిన ధాన్యం కూడా కొనుగోలు చేశామని గుర్తు చేశారు. హుజురాబాద్​లో దళిత బంధు అమలు చేశామని అన్నారు. కాంగ్రెస్​ అడ్డగోలు హామీలకు ప్రజలు మోసపోయారని ధ్వజమెత్తారు. నాయకులు గెలుపు, ఓటములను పట్టించుకోకూడదన్నారు. జాతీయ, అంతర్జాతీయ స్థాయిలో తెలంగాణకు పేరు వచ్చే విధంగా కష్టపడ్డానని స్పష్టం చేశారు.

నాలుగు నెలల్లో అంతా తారుమారు : రూ.1000 కోట్లు పెట్టుబడి పెట్టే కంపెనీ చెన్నైకి వెళ్లిపోయిందని మాజీ సీఎం కేసీఆర్​ ఆరోపించారు. అనేక సంస్థలు హైదరాబాద్​ నుంచి వెళ్లిపోవాలని యోచిస్తున్నాయని అన్నారు. తెలంగాణ ఉద్యమం అయిపోలేదని ఇంకా ఉందని పేర్కొన్నారు. తెలంగాణ పునర్నిర్మాణం ఇంకా మిగిలే ఉందని చెప్పారు. ఎప్పుడు అసెంబ్లీ ఎన్నికలు వచ్చినా వచ్చేది బీఆర్​ఎస్​ ప్రభుత్వమేనని జోస్యం చెప్పారు. అసెంబ్లీ ఎన్నికలు చివర్లో వచ్చినా, మధ్యలో వచ్చినా బీఆర్​ఎస్​దే గెలుపునని స్పష్టం చేశారు. నాలుగు నెలల్లోనే తెలంగాణ అంతా తారుమారు అయిందని తెలిపారు. వరంగల్​ ఎంజీఎంలో కరెంటు కోతతో పసిపిల్లలు ఇబ్బందిపడుతున్నారనే వార్తలు వచ్చాయని మాజీ సీఎం కేసీఆర్​ వివరించారు.

'హైదరాబాద్​ నుంచి దిల్లీ వెళ్లేటప్పుడు ఒకటే మాట చెప్పాను. ఆంధ్రప్రదేశ్​ నుంచి దిల్లీ వెళుతున్నా తిరిగి తెలంగాణ రాష్ట్రంలోనే అడుగుపెడతా అన్నాను. నాకెంత ఆత్మవిశ్వాసం ఉంటే చెబుతాను అర్థం చేసుకొండి. నేను అన్నట్లే ఆంధ్రప్రదేశ్​లో వెళ్లాను, తెలంగాణ రాష్ట్రంలోనే అడుగుపెట్టాను. రాష్ట్రం ఏర్పడిన తర్వాత కొత్త రాష్ట్రంలో ఎలాంటి కార్యక్రమాలు చేపట్టాలో అహర్నిషలు కృషి చేశానని' మాజీ సీఎం కేసీఆర్​ అన్నారు.

"బీఆర్​ఎస్​ హయాంతో పీఎం మోదీ కూడా అసూయ పడే పెట్టుబడులు వచ్చాయి. తెలంగాణ పునర్నిర్మాణ ప్రక్రియ ఇంకా మిగిలే ఉంది. కాంగ్రెస్​ ప్రభుత్వం వచ్చిన నాలుగైదు నెలల్లో ప్రజల్లో వ్యతిరేకత వచ్చింది. ఎన్నికలు ఎప్పుడు వచ్చినా మళ్లీ వచ్చేది బీఆర్​ఎస్​ ప్రభుత్వమే. ఇంత తొందరగా వ్యవస్థ ట్రాక్​ ఎందుకు తప్పింది. గోదావరి నీళ్లు కర్ణాటకకు ఇస్తా అన్నప్పుడు ముఖ్యమంత్రి చప్పుడు చేయడం లేదు. తెలంగాణలో మన ప్రభుత్వం లేనందుకు కేంద్రంలో మన ఎంపీలను గెలిపించండి." - కేసీఆర్​, బీఆర్​ఎస్​ అధినేత