School Holidays in September 2024 : సాధారణంగానే స్కూల్ పిల్లలకు ప్రతి ఆదివారం, కొంతమందికి రెండో శనివారం సెలవు ఉంటుంది. ఈ విషయం మనందరికీ తెలిసిందే! ఇంకా అధిక వర్షాలు, బంద్ల వంటి కొన్ని కారణాల వల్ల కూడా పాఠశాలలు మూసి ఉంటాయి. అలాగే ముఖ్యమైన పండగల సందర్భంగా కూడా దేశవ్యాప్తంగా విద్యా సంస్థలకు సెలవులు ప్రకటిస్తారు. ఇదిలా ఉంటే.. ఈ సెప్టెంబర్ నెల పిల్లలకు ఒక శుభవార్త తీసుకొస్తుందనే చెప్పవచ్చు. ఎందుకంటే.. ఈ నెలలో వివిధ పండగలు, పర్వ దినాల సందర్భంగా స్కూల్స్కు వరుసగా సెలవులు వచ్చాయి. మరి ఇంకెందుకు ఆలస్యం ఏ రోజున స్కూల్స్ మూసి ఉంటాయో ఇప్పుడు చూద్దాం.
ఈ సెప్టెంబర్ నెలలోనే అనగానే అందరికీ ఇష్టమైన వినాయక చవితి వస్తుంది. ఈ పండగ కోసం చిన్న పిల్లల నుంచి పెద్దల వరకు అందరూ ఎంతగానో ఎదురు చూస్తుంటారు. వయసుతో బేధం లేకుండా అందరూ ఎంతో ఆనందంతో వినాయక చవితి, నిమజ్జనం ఉత్సవాలను జరుపుకొంటారు. అయితే ఈ సెప్టెంబర్ నెలలో వినాయక చవితి పండగ 7వ తేదీ శనివారం రోజున జరుపుకోనున్నారు. మరుసటి రోజు ఆదివారం కావడంతో సెప్టెంబర్ 8వ తేదీ కూడా పాఠశాలలకు సెలవు దినం. వరుసగా రెండు రోజులు కలిసి రావడం వల్ల పిల్లలకు ఎగిరి గంతేస్తున్నారు.
వరుసగా మూడు రోజులు సెలవులు!
ఈ నెలలో వరుసగా మూడు రోజులపాటు స్కూల్స్ బంద్ ఉండనున్నాయి. అది ఎప్పుడంటే.. సెప్టెంబర్ 14వ తేదీ రెండో శనివారం కారణంగా పాఠశాలలకు సెలవు. ఆ తర్వాత సెప్టెంబర్ 15వ తేదీ ఆదివారం కావడంతో పాఠశాలలకు హాలీ డే. ఇక సెప్టెంబర్ 16వ తేదీ అంటే సోమవారం రోజున మిలాద్-ఉన్-నబీ లేదా ఈద్-ఇ మిలాద్ (ప్రవక్త మొహమ్మద్ పుట్టినరోజు) సందర్భంగా పాఠశాలలకు సెలవు ఉంటుంది. ఇలా స్కూల్స్కు వరుసగా మూడు రోజులు సెలవులు ఉండడం.. ఇంకా ఇదే సమయంలో వినాయక చవితి ఉత్సవాలు కలిసి రావడం పిల్లలకు మరొక గుడ్న్యూస్గా చెప్పుకోవచ్చు.
సెప్టెంబర్లో పాఠశాలలు బంద్ ఉండే తేదీలు ఇవే..
- సెప్టెంబర్ 1 (ఆదివారం)
- సెప్టెంబర్ 7 (శనివారం): వినాయక చవితి సందర్భంగా సెలవు
- సెప్టెంబర్ 8 (ఆదివారం)
- సెప్టెంబర్ 14 (రెండో శనివారం)
- సెప్టెంబర్ 15 (ఆదివారం)
- సెప్టెంబర్ 16 (సోమవారం) : మిలాద్-ఉన్-నబీ లేదా ఈద్-ఇ మిలాద్ (ప్రవక్త మొహమ్మద్ పుట్టినరోజు) సందర్భంగా సెలవు
- సెప్టెంబర్ 22 ఆదివారం సెలవు
- సెప్టెంబర్ 29 (ఆదివారం)
- మొత్తంగా చూస్తే ఈ సెప్టెంబర్ నెలలో దాదాపు 8 రోజులు స్కూల్స్ మూసి ఉండనున్నాయి. ఇంకా వర్షాలు, ఏవైనా బంద్ల కారణంగా సెలవులు ఉంటే.. ఇక పిల్లలకు పండగే!
ఇవి కూడా చదవండి :
