వర్షాకాలంలో ఇనుప వస్తువులే కాదు- కిచెన్​లోని పాత్రలూ తుప్పు పడతాయి! ఇలా కాపాడుకోండి! - How to Prevent Rust on Utensils

Prevent Rust on Household Items : సాధారణంగా వర్షాకాలంలో ఇనుప వస్తువులు తుప్పు పట్టడం సహజం. కానీ కొంచెం అజాగ్రత్తగా ఉన్నా వంటింట్లోని పాత్రలు కూడా తుప్పు పట్టే అవకాశం ఉందని నిపుణులు చెబుతున్నారు. గిన్నెలు తుప్పు పట్టకుండా ఉండాలంటే ఈ చిట్కాలు ఫాలో అయిపోండి.

Rust Prevention Tips for Kitchen Utensils : ప్రతి ఇంట్లో వంటకు అవసరమయ్యే ఇనుప కడాయిలు, స్టీల్​ పాత్రలు తప్పకుండా ఉంటాయి. ఇవి లేకుండా కిచెన్​లో వంట చేయడం అసాధ్యం. అయితే, వర్షాకాలంలో గాలిలో అధిక తేమ కారణంగా కొన్నిసార్లు ఈ పాత్రలు తుప్పుపడుతుంటాయి. వీటిని చూడకుండా అలానే వదిలిస్తే.. కొన్ని రోజులకు గిన్నెలు వంటకు పనికి రాకుండా పోతాయి. అందుకే వర్షాకాలంలో పాత్రలు తుప్పు పట్టకుండా ఉండడానికి కొన్ని టిప్స్​ పాటించాలని నిపుణులు సూచిస్తున్నారు. ఇంతకీ ఆ చిట్కాలు ఏంటో మీకు తెలుసా ?

పాత్రలు పొడిగా ఉండేలా చూసుకోండి : గిన్నెలు తుప్పు పట్టడానికి ప్రధాన కారణం తేమ అధికంగా ఉండడమే. ముఖ్యంగా ఐరన్​ పాత్రలు లేదా కడాయిలను వర్షాకాలంలో పొడి ప్రదేశంలో ఉంచడం చాలా ముఖ్యం. మీరు పాత్రలను ఉపయోగించిన తర్వాత శుభ్రం చేసి, పొడి వస్త్రంతో తుడవండి. ఆ తర్వాత వాటిపై నూనె రాయండి. ఇప్పుడు గిన్నెలను ప్లాస్టిక్​ కవర్లో ప్యాక్​ చేసి పొడిగా ఉండే ప్రదేశంలో స్టోర్​ చేయండి. ఇలా చేస్తే ఎన్ని రోజులైనా పాత్రలు తుప్పు పట్టకుండా ఉంటాయని నిపుణులు చెబుతున్నారు.

సిలికా జెల్ ప్యాక్‌లను పెట్టండి : కిచెన్​లోని రాక్స్​లో ప్లేట్లు, స్పూన్లు, గ్లాసులను పెడుతుంటాము కదా..! అవి ఈ వర్షాకాలంలో తుప్పుపట్టకుండా ఉండాలంటే సిలికా జెల్​ ప్యాకెట్లను రాక్స్​లో పెట్టమని సలహా ఇస్తున్నారు. ఇలా చేయడం వల్ల వాటిపై ఎలాంటి తుప్పు పట్టదని చెబుతున్నారు.

అక్కడ పెట్టకండి : ఐరన్​ కడాయిలు, దోశ పాన్​లను కొంతమంది ఉపయోగించిన తర్వాత తడిగా ఉండేచోట పెడుతుంటారు. అయితే, ఇలా పెట్టడం వల్ల ఈ వర్షాకాలంలో తుప్పు పడుతుంటాయి. కాబట్టి, వాటిని పొడిగా ఉండే చోట పెట్టండి. అలాగే వీటి అవసరం లేకపోతే.. శుభ్రంగా కడిగి తుడిచిన తర్వాత ఆయిల్​ రాసి స్టోర్​ చేసుకోవడం మంచిదంటున్నారు.

నిమ్మకాయ, బేకింగ్ సోడా : కొన్నిసార్లు ఎన్ని జాగ్రత్తలు తీసుకున్నా కూడా పాత్రలు తుప్పు పడుతుంటాయి. అయితే, ఇలాంటప్పుడు ఆ పాత్రలో టేబుల్​స్పూన్​ బేకింగ్​ సోడా, ఒక నిమ్మరసం పిండి స్క్రబ్బర్​తో రుద్దాలి. బాగా రుద్దిన తర్వాత క్లీన్ చేసి.. ఆయిల్​ రాసి ప్లాస్టిక్​ కవర్లో ప్యాక్​ చేసి స్టోర్​ చేసుకోవాలని నిపుణులు చెబుతున్నారు. ఇలా చేస్తే తుప్పు పోవడంతో పాటు, ఎక్కువ కాలం పాటు మన్నికగా ఉంటాయంటున్నారు.

ఈ టిప్స్ పాటించండి :

• వీలైనంత వరకు పాత్రలను శుభ్రం చేసిన తర్వాత తడిగా లేకుండా చూసుకోండి.
• వాటిని కడిగిన తర్వాత పొడి వస్త్రంతో తుడిచి స్టాండ్​లో పెట్టుకోండి
• అలాగే చాలా రోజుల నుంచి ఉపయోగించని ఏవైనా పాత్రలు ఇంట్లో ఉంటే వాటిని వర్షాకాలంలో బయటకు తీసి ఒకసారి చెక్ చేయండి.
• ఈ టిప్స్ పాటించడం ద్వారా వర్షాకాలంలో వంట పాత్రలు తుప్పు పట్టకుండా చూసుకోవచ్చని నిపుణులు చెబుతున్నారు.

ఇవి కూడా చదవండి :