అన్నం మిగిలిపోతే ఇలా "మసాలా వడలు" ప్రిపేర్ చేసుకోండి - సూపర్ టేస్టీగా ఉంటాయి గురూ!

మీరు ఇప్పటి వరకు ట్రై చేయని అదిరిపోయే స్నాక్ రెసీపీ - నిమిషాల్లోనే ఈజీగా ప్రిపేర్ చేసుకోండిలా!

Super Snack Recipe with Leftover Rice : ఇంట్లో రైస్ మిగిలిపోతే చాలా మంది.. పులిహోర, ఎగ్ ఫ్రైడ్ రైస్, టమాటా రైస్ వంటివి ప్రిపేర్ చేసుకుంటుంటారు. అయితే, ఎప్పుడూ రొటిన్​గా అవే కాకుండా ఈసారి ఇంట్లో అన్నం మిగిలిపోతే కాస్త డిఫరెంట్​గా ఈ సూపర్ స్నాక్ రెసిపీని ట్రై చేయండి. రుచి కూడా అద్భుతం. పిల్లల నుంచి పెద్దల వరకు అందరూ ఎంతో ఇష్టంగా తింటారు! మరి, ఈ రెసిపీ తయారీకి కావాల్సిన పదార్థాలేంటి? ఎలా తయారు చేసుకోవాలి? అనే వివరాలు ఈ స్టోరీలో తెలుసుకుందాం.

కావాల్సిన పదార్థాలు :

• ఉల్లిపాయ తరుగు - 1 కప్పు
• ఉప్పు - 1 టీస్పూన్
• అన్నం - 1 కప్పు
• బంగాళదుంపలు - 2(మీడియం సైజ్​వి)
• కారం - తగినంత
• పసుపు - చిటికెడు
• మిరియాల పొడి - 1 టీస్పూన్
• ధనియాల పొడి - 1 టీస్పూన్
• జీలకర్ర - 1 టీస్పూన్
• ఇంగువ - పావు టీస్పూన్
• వాము - 1 టీస్పూన్
• పచ్చిమిర్చి - 2
• కొత్తిమీర తరుగు - కొద్దిగా
• ఆయిల్ - తగినంత
• శనగపిండి - అర కప్పు

తయారీ విధానం :

• ఇందుకోసం ముందుగా రెసిపీలోకి కావాల్సిన ఉల్లిపాయలను ఒక కప్పు పరిమాణంలో సన్నగా పొడుగ్గా తరుక్కొని పక్కన ఉంచుకోవాలి.
• అలాగే.. బంగాళదుంపలను పొట్టు తీసి గ్రేటర్ సహాయంతో సన్నగా తురుముకొని వాటర్​లో వేసి పక్కన పెట్టుకోవాలి.
• ఇప్పుడు ఒక మిక్సింగ్ బౌల్​ తీసుకొని కట్ చేసుకుని పెట్టుకున్న ఉల్లిపాయ తరుగుతో పాటు ఉప్పు వేసుకొని ఒకసారి బాగా కలుపుకొని 5 నిమిషాల పాటు పక్కన పెట్టుకోవాలి.
• తర్వాత వాటిని చేతితో ఒకసారి బాగా పిండితే వాటి నుంచి వాటర్ రిలీజ్ అవుతుంది. అలా పిండుకున్నాక అందులో మీరు ఉల్లిపాయ తరుగు తీసుకున్న కప్పుతో రైస్​ని వేసుకోవాలి. అలాగే.. వాటర్​లో వేసుకున్న ఆలూ తురుముని చేతితో పిండి వేసుకొని చేతితో ప్రెస్​ చేస్తూ అన్నీ చక్కగా కలిసేలా కలుపుకోవాలి.
• ఆవిధంగా మిక్స్ చేసుకున్నాక.. అందులో కారం, పసుపు, మిరియాల పొడి, ధనియాల పొడి, జీలకర్ర, ఇంగువ, వాము, సన్నని పచ్చిమిర్చి, కొత్తిమీర తరుగుతో పాటు 2 టేబుల్​ స్పూన్ల ఆయిల్ వేసుకొని ఇంగ్రీడియంట్స్ అన్నీ కలిసేలా బాగా మిక్స్ చేసుకోవాలి.
• అలా మిశ్రమాన్ని కలిపి పెట్టుకున్నాక.. శనగపిండిని కొద్దికొద్దిగా వేసుకుంటూ పిండిని కలుపుకోవాలి. ఆ తర్వాత పిండిలో నుంచి కొద్దికొద్దిగా మిశ్రమాన్ని తీసుకుంటూ మసాలా వడల మాదిరిగా ప్రిపేర్ చేసుకొని ప్లేట్​లో ఉంచి పక్కన పెట్టుకోవాలి.
• ఇప్పుడు స్టౌపై పాన్ పెట్టుకొని ఆయిల్ వేసుకోవాలి. నూనె వేడి అయ్యాక.. మీరు ప్రిపేర్ చేసుకున్న వడలను ఒక్కొక్కటిగా నెమ్మదిగా వేసుకోవాలి. ఆపై మంటను మీడియం ఫ్లేమ్​లో ఉంచి రెండు వైపులా గోల్డెన్ కలర్ వచ్చేంత వరకు వేయించుకొని సర్వ్ చేసుకుంటే చాలు. అంతే.. ఎంతో టేస్టీగా ఉండే సూపర్ స్నాక్ రెసిపీ రెడీ!
• మిగిలిపోయిన అన్నంతో ప్రిపేర్ చేసుకున్న ఈ మసాలా వడలను సాయంత్రం పూట టమాటా సాస్​లో డిప్ చేసుకొని తింటుంటే టేస్ట్ అద్దిరిపోతుంది!