How To Make Jowar Roti Easily At Home : అధిక బరువు, షుగర్తో బాధపడుతున్నవారికి జొన్నలతో చేసిన ఆహారాలు చాలా బాగా సహాయపడతాయి. అందులో ముఖ్యంగా చాలా మంది ఎక్కువగా జొన్నరొట్టెలు తీసుకుంటుంటారు. ఈ క్రమంలోనే కొందరికి వాటిని ఎలా ప్రిపేర్ చేసుకోవాలో తెలియక బయట నుంచి కొని తెచ్చుకుంటుంటారు. ఒకవేళ ఇంట్లో ప్రిపేర్ చేసుకున్నా అవి పర్ఫెక్ట్గా రావు. చేసిన కొద్దిసేపటికే గట్టి పడి విరిగిపోతుంటాయని బాధపడుతుంటారు. అలాంటి వారు ఈ టిప్స్ ఫాలో అయ్యారంటే చాలా సులభంగా జొన్న రొట్టలు(Jowar Roti) తయారు చేసుకోవచ్చు. అదెలాగో ఈ స్టోరీలో తెలుసుకుందాం.
కావాల్సిన పదార్థాలు :
- జొన్న పిండి - 1 కప్పు
- వాటర్ - 1 కప్పు
- ఉప్పు - చిటికెడు
తయారీ విధానం :
- ఇందుకోసం.. ముందుగా స్టౌపై ఒక గిన్నె పెట్టుకొని ఒక కప్పు వాటర్ పోసుకొని చిటికెడు ఉప్పు వేసుకోవాలి. నీటిని బాగా మరిగించుకొని స్టౌ ఆఫ్ చేసుకోవాలి.
- ఇప్పుడు మరిగిన నీటిలో జొన్నపిండిని వేసుకొని గరిటెతో ఓ సారి పిండి మొత్తం తడిసేలా కలుపుకొని మూతపెట్టేసి పక్కన ఉంచుకోవాలి. ఎందుకంటే.. మిశ్రమం బాగా వేడిగా ఉంటుంది కాబట్టి అది కాస్త గోరువెచ్చగా మారేవరకు పక్కన పెట్టుకోవాలి.
- అయితే, ఇక్కడ గుర్తుంచుకోవాల్సిన విషయమేమిటంటే.. మీరు వాటర్ ఏ కప్పుతో పోసుకున్నారో అదే కప్పుతో జొన్నపిండిని తీసుకోవాలి.
- అనంతరం పిండి గోరువెచ్చగా మారాక దాన్ని పొడవాటి బౌల్లోకి తీసుకొని ఒక 5 నిమిషాల పాటు చేతితో పిండి సాఫ్ట్గా మారే వరకు బాగా కలుపుకోవాలి.
- ఒకవేళ పిండి జిగటగా ఉంటే మాత్రం మరికొంచెం జొన్నపిండిని యాడ్ చేసుకోవాలి. అలాకాకుండా పిండి గట్టిగా ఉంటే చేతులు కొంచెం తడి చేసుకుని పిండిని మిక్స్ చేసుకోవాలి.
- ఆవిధంగా పిండిని ప్రిపేర్ చేసుకున్నాక.. దానిలో నుంచి కొంచం కొంచం పిండిని తీసుకుంటూ సమాన పరిమాణంలో ఉండేలా ఉండలు చేసుకొని వాటిని గిన్నెలో వేసుకొని మూతపెట్టుకోవాలి. లేదంటే అవి గాలికి డ్రై అయిపోతాయి
- ఇప్పుడు ఒక ప్లేట్లో కొద్దిగా జొన్న పిండిని తీసుకోవాలి. తర్వాత ఒక పిండి ముద్దను తీసుకొని పిండిలో డిప్ చేసుకొని వెంటనే చపాతీ కర్రతో రోల్ చేసుకోకుండా అరచేతితో చపాతీలా కొంచం పల్చగా ఒత్తుకోవాలి.
- అనంతరం చపాతీ పీటపై కొద్దిగా పొడి పిండి చల్లుకొని ఒత్తుకున్న పిండి ముద్దను ఉంచి దానిపై కొంచం పొడి పిండి వేసుకొని చపాతీ కర్రతో రోల్ చేసుకోవాలి. అయితే, ఆవిధంగా రోల్ చేసుకునేటప్పుడు రొట్టె అనేది పీట మీద కదులుతూ ఉండాలి.
- అలా కదులుతూ ఉండాలంటే పీట అడుగున పొడి పిండి ఉండడం చాలా అవసరం. అలాకాకుండా పిండి పీటకు అతుక్కుంటుంటుంటే మాత్రం రొట్టెను కాస్త లేపి పొడి పిండిని వేసుకోవాలి.
- రోల్ చేసేటప్పుడు చపాతీలా ముందుక్కి, వెనక్కి రోల్ చేయొద్దు. అంటే.. ముందుకి రోల్ చేసుకోవాలి. లేదంటే వెనక్కి రోల్ చేసుకోవాలి. అంతేకానీ.. ముందుకి, వెనక్కి ఒకేసారి రోల్ చేయకండి. ఆవిధంగా పిండి మొత్తం పల్చని రొట్టెగా మారేవరకు స్మూత్గా రోల్ చేసుకోవాలి.
- ఈ చిన్న టిప్ ఫాలో అయ్యారంటే జొన్నరొట్టెను చపాతీ కర్రతో చాలా సులువుగా.. పల్చగా.. ప్రిపేర్ చేసుకోవచ్చు.
- ఆ తర్వాత వేడివేడి పెనం మీద జొన్నరొట్టెను వేసి అర నిమిషం పాటు వదిలేయండి. ఆ తర్వాత కొన్ని నీళ్లను చల్లి రొట్టెపై తడి చేయండి లేదంటే తడి గుడ్డతో తుడుచుకోండి.
- మళ్లీ ఒక అర నిమిషం తర్వాత రొట్టెను ఫ్లిప్‌ చేసి నిదానంగా రెండు వైపులా కాల్చుకోవాలి.
- అయితే, జొన్న రొట్టెలు కాలడానికి కొంత టైమ్ పడుతుంది. త్వరగా కాల్చితే.. రంగు వస్తాయి కానీ, లోపల పిండి ఉడకదనే విషయాన్ని గుర్తుంచుకోవాలి.
- కాబట్టి, నెమ్మదిగా రొట్టెలను కాల్చుకోవాలి. ఈ రొట్టెలు సరిగ్గా కాలితే పొంగు వస్తాయి. ఆపై వాటిని వేడివేడిగా హాట్‌ బాక్స్‌లో పెట్టుకుంటే చాలు. చాలా సమయం రొట్టెలు సాఫ్ట్గా ఉంటాయి.
- ఇక వీటిని వేడివేడిగా ఏ కర్రీలో తిన్నా కూడా ఎంతో టేస్టీగా ఉంటాయి. పైగా ఆరోగ్యానికి కూడా ఎంతో మేలు జరుగుతుంది!
ఇవీ చదవండి :
సూపర్ న్యూస్ : బరువు తగ్గాలంటే ఈ రొట్టె తినండి - కొవ్వును పిండేస్తుంది!
షుగర్ పేషెంట్లకు చక్కటి ఆహారం - "జొన్న దోశలు" ఇంట్లోనే చాలా ఈజీగా - రుచి అమోఘం!
