Instant Dosa Recipe with Wheat Flour : నేటి ఉరుకుల పరుగుల జీవితంలో మార్నింగ్ టైమ్ లేకనో, ఇంకేదైనా కారణం చేతనో చాలా మంది హోటల్, టిఫెన్ సెంటర్స్లో బ్రేక్ఫాస్ట్ చేస్తుంటారు. అలాంటి వారి కోసమే ఈ ఇన్స్టంట్ దోశ. ఇంట్లోనే కేవలం 5 నుంచి 10 నిమిషాల్లో ప్రిపేర్ చేసుకోవచ్చు. రుచి కూడా చాలా అద్భుతంగా ఉంటుంది. మరి ఇంతకీ.. ఈ ఇన్స్టంట్ దోశ తయారీకి కావాల్సిన పదార్థాలేంటి? ఎలా ప్రిపేర్ చేసుకోవాలి? అనే వివరాలు ఈ స్టోరీలో తెలుసుకుందాం.
కావాల్సిన పదార్థాలు :
- గోధుమ పిండి - 1 కప్పు
- ఉప్పు - రుచికి సరిపడా
- జీలకర్ర - అర టీస్పూన్
- మిరియాల పొడి - అర టీస్పూన్
- కరివేపాకు - 2 రెమ్మలు
- పచ్చిమిర్చి - 1
- చిల్లీ ఫ్లేక్స్ - 1 టీస్పూన్
- కొత్తిమీర - కొద్దిగా
తయారీ విధానం :
- ఇందుకోసం ముందుగా పచ్చిమిర్చిని సన్నగా కట్ చేసుకోవాలి. అలాగే కరివేపాకు, కొత్తిమీరనూ సన్నని తరుగులా కట్ చేసుకొని పక్కన పెట్టుకోవాలి.
- ఇప్పుడు ఒక మిక్సింగ్ బౌల్ తీసుకొని అందులో గోధుమ పిండి, ఉప్పు, జీలకర్ర, మిరియాల పొడి, కరివేపాకు, పచ్చిమిర్చి తరుగు, చిల్లీ ఫ్లేక్స్, కొత్తిమీర తరుగు.. ఇలా ఒక్కొక్కొటిగా వేసుకొని ఇంగ్రీడియంట్స్ అన్నీ కలిసేలా బాగా మిక్స్ చేసుకోవాలి.
- ఆ తర్వాత అందులో కొద్ది కొద్దిగా వాటర్ యాడ్ చేసుకుంటూ ఎక్కడ ఉండలు లేకుండా దోశ పిండి మాదిరిగా కలుపుకోవాలి. అయితే, పిండిని మరీ గట్టిగా, జారుడుగా కాకుండా మీడియంగా ఉండేలా కలుపుకొని కాసేపు పక్కన పెట్టేసుకోవాలి.
- అనంతరం స్టౌపై దోశ పాన్ పెట్టుకొని వేడిచేసుకోవాలి. అది బాగా హీట్ అయ్యాక.. ముందుగా కలిపి పెట్టుకున్న పిండిని గరిటెతో కొద్దిగా తీసుకొని దోశ మాదిరిగా వేసుకోవాలి.
- అయితే.. మరీ పల్చగా వేసుకుంటే దోశ సరిగా రాదు. కాబట్టి కాస్త మందంగా ఉండేలా వేసుకోవాలి. అలాగని మరీ ఎక్కువ మందంగా వేసుకోవద్దనే విషయాన్ని గుర్తుంచుకోవాలి.
- ఆ విధంగా దోశ వేసుకున్నాక దానిపైన, చుట్టుపక్కల కాస్త ఆయిల్ అప్లై చేసుకోవాలి. అయితే.. ఈ రెసిపీని పిల్లలకు చేసిచ్చినట్లయితే ఆయిల్కి బదులుగా నెయ్యిని వేసుకోవచ్చు. అప్పుడు దోశ మరింత రుచికరంగా ఉంటుంది. పిలల్లూ ఎంతో ఇష్టంగా తింటారు.
- ఆపై మంటను మీడియం ఫ్లేమ్లో ఉంచి దోశను ఒక సైడ్ బాగా కాల్చుకోవాలి. అలా కాలిందనుకున్నాక దోశను రెండో సైడ్ తిప్పుకొని లైట్గా కాల్చుకుని సర్వే చేసుకుంటే చాలు. అంతే.. ఎంతో టేస్టీగా ఉండే "ఇన్స్టంట్ దోశ" రెడీ!
- ఇక ఈ దోశలను టమాటా, ఉల్లిపాయ, వెల్లుల్లి చట్నీ వంటి కాస్త పుల్లగా ఉండే చట్నీతో తింటే సూపర్ టేస్టీగా ఉంటాయి. ఇవి చేసుకునే టైమ్ లేనప్పుడు ఇంట్లో ఉండే ఆవకాయతో తిన్నా ఈ దోశలు చాలా రుచికరంగా ఉంటాయి!
ఇవీ చదవండి :
నోరూరించే "పాలకూర దోశ" - ఆకుకూరలు తినని వారికి బెస్ట్ ఛాయిస్ - ప్రిపరేషన్ వెరీ ఈజీ!
ఇడ్లీ/దోశ పిండి బాగా పులిసిపోయిందని పారేస్తున్నారా ? - ఇలా చేస్తే తాజాగా మారిపోతుంది!
