ఫ్రిడ్జ్​లో పెట్టినా "చపాతీ పిండి" త్వరగా పాడవుతోందా? - ఈ టిప్స్​తో చాలా ఫ్రెష్​గా ఉంటుంది!!

-నేరుగా చపాతీ పిండి పెడితే పులిసిపోయే అవకాశం -ఈ చిట్కాలు పాటిస్తే బెనిఫిట్స్​

How to Store Chapati Dough in Fridge: చాలా మంది బరువు తగ్గాలనో లేదా లైట్​గా డిన్నర్​ కంప్లీట్​ చేయాలనే ఉద్దేశంతో రాత్రి సమయంలో చపాతీలు తింటుంటారు. అలాగే బీపీ, షుగర్​ వ్యాధితో బాధపడేవారు కూడా కనీసం రోజులో ఒకపూటైనా చపాతీలను ఆహారంగా తీసుకుంటుంటారు. ఈ క్రమంలోనే కొంతమంది మహిళలు ఒకేసారి రెండు, మూడు రోజుల వరకు సరిపడా చపాతీ పిండి రెడీ చేసుకుని ఫ్రిడ్జ్​లో స్టోర్ చేసుకుంటారు. ఇలా చేసుకుంటే చపాతీలు సులభంగా చేసుకోవచ్చని భావిస్తుంటారు. కానీ, పిండిని నేరుగా ఫ్రిడ్జ్​లో పెట్టడం వల్ల త్వరగా పులిసిపోవడంతో పాటు, పైన నల్లటి పొర లాంటిది ఏర్పడుతుంది. ఇలాంటి పిండితో చపాతీలు చేసుకుని తినడం ఆరోగ్యానికి మంచిది కాదని నిపుణులు చెబుతున్నారు. అయితే, కొన్ని టిప్స్​ పాటించి చపాతీ పిండిని ఫ్రిడ్జ్​లో పెట్టడం వల్ల తాజాగా ఉండేలా చూసుకోవచ్చని నిపుణులు చెబుతున్నారు. ఆ చిట్కాలు ఏంటో మీరు చూసేయండి..

ఐస్​క్యూబ్స్​తో : సాధారణంగా చాలా మంది చపాతీ పిండి కలపడం కోసం నార్మల్​ వాటర్​ యూజ్​ చేస్తుంటారు. మీరు అప్పటికప్పుడే పిండిని పూర్తిగా ఉపయోగిస్తే.. నార్మల్​ వాటర్​ వాడడం మంచిది. కానీ, మీరు పిండిని ఫ్రిడ్జ్​లో స్టోర్​ చేయాలనుకుంటే.. నీటిలో కొన్ని ఐస్​క్యూబ్స్​ వేయండి. తర్వాత ఆ కూల్​ వాటర్​తో చపాతీ పిండి ప్రిపేర్​ చేయండి. ఇక మిగిలిన పిండిని ఎయిర్​టైట్​ కంటైనర్​లో పెట్టి ఫ్రిడ్జ్​లో పెట్టండి. ఇలా చేయడం వల్ల పిండి తాజాగా ఉండడంతో పాటు, పైన నల్లటి పొర ఏర్పడదు.

కొన్ని నీళ్లు వాడండి : కొంతమంది చపాతీల పిండి కలిపేటప్పుడు అందులో పాలు, నీళ్లు ఎక్కువగా పోస్తుంటారు. అయితే, పిండిలోని నీళ్లు, ఇతర పదార్థాలే త్వరగా పాడయ్యేలా చేస్తాయి. కాబట్టి, చపాతీ పిండిని ఫ్రిడ్జ్​లో పెట్టుకునే వారు.. కాస్త తక్కువ నీటితో పిండి రెడీ చేసుకోవాలి. దీనిని ఎయిర్​టైట్ కంటైనర్లో పెట్టి స్టోర్​ చేసుకోవాలి. ఆ తర్వాత అవసరం ఉన్నప్పుడు కొన్ని నీళ్లు పోసి ముద్దలా కలుపుకోవచ్చు.

ఈ టిప్స్​ కూడా :

• మిగిలిన చపాతీ పిండిని అల్యూమినియం ఫాయిల్​ కవర్లో లోపల గాలి లేకుండా.. దగ్గరకు చుట్టూ చుట్టి ఫ్రిడ్జ్​లో స్టోర్ చేయాలి. తర్వాత పిండిని బయటకు తీసి ఉపయోగించుకుంటే సరిపోతుంది.
• చపాతీ పిండి స్టోర్​ చేయడానికి మీరు జిప్​లాక్​ బ్యాగులు, గాలి చొరబడని డబ్బాలను కూడా ఉపయోగించవచ్చు.
• చపాతీ పిండి ఫ్రిడ్జ్​లో తాజాగా ఉండేందుకు మీరు చపాతీ ముద్దని ప్లాస్టిక్​ ర్యాప్​లో కూడా చుట్టి ఉంచవచ్చు.
• ఫ్రిడ్జ్​లో చపాతీ పిండి ముద్ద పెట్టేటప్పుడు దానిపై నూనె లేదా నెయ్యిని ఒక పొరలాగా పోయాలి. ఆపై ఎయిర్​టైట్ కంటైనర్లో పెట్టి ఫ్రిడ్జ్​లో స్టోర్ చేస్తే పాడైపోకుండా ఉంటుందని నిపుణులు చెబుతున్నారు.
• నచ్చితే మీరు కూడా ఈ టిప్స్​ ఫాలో అయిపోండి..!