How To Store Apple To Avoid Colour : 'రోజూ ఒక యాపిల్ తింటే డాక్టర్ దగ్గరకు వెళ్లాల్సిన అవసరం లేదు' అనే మాట చిన్నప్పటి నుంచి వింటున్నాం. ఎందుకంటే ఇందులోని పోషకాలు ఎన్నో ఆరోగ్య ప్రయోజనాలను అందిస్తాయి. ఈ క్రమంలోనే చాలా మంది డైలీ యాపిల్స్ తింటుంటారు. ఇదిలా ఉంటే కట్ చేసిన కొద్దిసేపటికే యాపిల్ రంగు మారుతూ ఉంటుంది. అవి రంగు మారకుండా ఉండాలంటే ఈ టిప్స్ పాటిస్తే సరిపోతుంది అంటున్నారు నిపుణులు. ఆ వివరాలు ఈ స్టోరీలో చూద్దాం.
అసలు యాపిల్ రంగు మారడానికి కారణం: యాపిల్ ఇలా రంగు మారడానికి కారణం దాని గుజ్జులోని పాలీఫినోల్‌ ఆక్సిడేస్‌ అనే ఎంజైమ్. ఈ ఎంజైమ్ గాలిలోని ఆక్సిజన్‌తో చర్య జరిపి గుజ్జును బ్రౌన్‌ కలర్‌లోకి మారుస్తుందని నిపుణులు చెబుతున్నారు. అయితే, ఇవి కలర్ మారకుండా ఉండాలంటే
నిమ్మరసం: దాదాపుగా అందరి ఇళ్లల్లో నిమ్మకాయలు ఉంటాయి. వీటి ద్వారా యాపిల్ ముక్కలు రంగు మారకుండా చేయవచ్చని నిపుణులు చెబుతున్నారు. అందుకోసం, కట్ చేసిన యాపిల్ ముక్కలపై కొన్ని చుక్కల నిమ్మరసాన్ని చల్లితే, అందులోని సిట్రిక్ ఆమ్లం యాపిల్ ముక్కలను ఎక్కువసేపు తాజాగా ఉంచుతుందని, రంగు మారదని అంటున్నారు. నిమ్మరసానికి బదులుగా పైనాపిల్‌ జ్యూస్‌ను ఉపయోగించినా అదే ఫలితాన్ని పొందొచ్చని చెబుతున్నారు. 2009లో జర్నల్ ఆఫ్ ఫుడ్ సైన్స్లో ప్రచురితమైన అధ్యయనం ప్రకారం యాపిల్ ముక్కలపై నిమ్మరసం చల్లడం వల్ల ముక్కల రంగు మారలేదని, 4 గంటల వరకు తాజాగా ఉన్నట్లు కనుగొన్నారు. ఈ పరిశోధనలో చైనాలోని Zhejiang University లోని ఫుడ్ సైన్స్ అండ్ టెక్నాలజీ డిపార్ట్‌మెంట్కు చెందిన డాక్టర్ X. Wang పాల్గొన్నారు.
దాల్చిన చెక్క పొడి: వంటల్లో ఉపయోగించే దాల్చిన చెక్క పొడితో కూడా యాపిల్ ముక్కలు రంగు మారకుండా చూడొచ్చని చెబుతున్నారు. అందుకోసం కట్ చేసిన యాపిల్ ముక్కలపై కాస్త దాల్చిన చెక్క పొడిని చల్లాలంటున్నారు. దీనివల్ల యాపిల్ ముక్కలకు మరింత రుచి కూడా వస్తుందని చెబుతున్నారు.
తేనె: ఆరోగ్యానికి మేలు చేసే తేనె యాపిల్ ముక్కలను తాజాగా ఉంచడంలో సహాయపడుతుందని అంటున్నారు. ఒక కప్పు మంచి నీళ్లలో, రెండు టేబుల్‌స్పూన్ల తేనె వేసి కలపాలి. ఈ నీటిలో, కట్ చేసిన యాపిల్ ముక్కలు వేసి కొన్ని నిమిషాలపాటు ఉంచితే గంటలపాటు యాపిల్ ముక్కలు తాజాగా ఉంటాయంటున్నారు.
ఐస్: కట్ చేసిన యాపిల్ ముక్కలను ఐస్ నీళ్లలో కొన్ని నిమిషాల పాటు ఉంచి, బయటకు తీయాలి. ఇలా చేయడం వల్ల యాపిల్ ముక్కలు కాసేపటి వరకు తాజాగా ఉంటాయని సూచిస్తున్నారు.
జిప్ లాక్ బ్యాగ్: యాపిల్ ముక్కలు రంగు మారకుండా ఎక్కువసేపు ఫ్రెష్గా ఉండాలంటే వాటిని జిప్‌లాక్‌ బ్యాగ్లో వేస్తే ఫలితం ఉంటుందని అంటున్నారు. అందుకోసం యాపిల్‌ని ముక్కలుగా కట్ చేసి, వెంటనే జిప్‌లాక్‌ బ్యాగ్లో పెట్టాలి. ఆపై ఆ బ్యాగ్లో గాలి లేకుండా ఒత్తేయాలి. ఇప్పుడు ఈ బ్యాగ్‌ను అలాగే ఫ్రిజ్‌లో పెట్టేయాలి. తద్వారా యాపిల్ గుజ్జులోని పాలీఫినోల్‌ ఆక్సిడేస్‌ వాతావరణంలోని ఆక్సిజన్‌తో చర్య జరపదని, ఫలితంగా యాపిల్ ముక్కలు రంగు మారవంటున్నారు.
కూరలో పులుపు ఎక్కువైందా? - డోంట్వర్రీ, ఇలా చేస్తే రుచిని ఈజీగా బ్యాలెన్స్ చేయొచ్చు!
ప్రెషర్ కుక్కర్ మాడిందా? - ఈ టిప్స్తో క్లీన్ చేస్తే మరకలు ఇట్టే మాయం!
