Tomato Kothimeera Chutney : టమాటా పచ్చడి అంటే అందరికీ ఇష్టమే! వేడి వేడి నెయ్యి అన్నంలో తింటే మాటలే ఉండవ్! టిఫిన్ సెంటర్, బజ్జీల బండి, స్నాక్స్ ఇలా ప్రతిదాంట్లోనూ టమాటా పచ్చడి అద్భుతంగా ఉంటుంది. అట్టు, ఇడ్లీ లాంటి వాటిల్లో కూడా చాలా బాగుంటుంది. ఈ టమాటా కొత్తిమీర పచ్చడిని.. ఒక్కొక్కరు ఒక్కో పద్ధతిలో చేస్తారు. కానీ ఇప్పుడు చెప్పే పద్ధతి ప్రకారం చేస్తే మాత్రం.. వావ్ అనాల్సిందే! ఇందులోకి ఏయే పదార్థాలు కావాలి? తయారీ విధానం ఎలా ఉండాలి? అన్నది ఇప్పుడు తెలుసుకుందాం.
కావాల్సిన పదార్థాలు..
- ఒక టీ స్పూన్ నూనె
- ఒక టీ స్పూన్ ఆవాలు
- ఒక టీ స్పూన్ మెంతులు
- ఒక టేబుల్ స్పూన్ శెనగపప్పు
- ఒక టేబుల్ స్పూన్ మినపప్పు
- ఒక టేబుల్ స్పూన్ ధనియాలు
- 10 ఎండు మిర్చీలు
- 8 వెల్లుల్లి ముక్కలు
- 10 పచ్చిమిరపకాయలు
- 5 అల్లం ముక్కలు
- అర కిలో టమాటలు (బాగా పండినవి అయితే బెటర్)
- రుచికి సరిపడా ఉప్పు
- ఒక కట్ట కొత్తిమీర
- 2 టేబుల్ స్పూన్ల చింతపండు రసం
తయారీ విధానం..
- ముందుగా స్టౌ ఆన్ చేసుకుని కడాయిని పెట్టి వేడయ్యాక నూనె పోయాలి.
- ఆ తర్వాత ఆవాలు, మెంతులు వేసి చిటపటమనేలా వేయించుకోవాలి.
- అనంతరం శనగపప్పు, మినపప్పు, ధనియాలు, ఎండు మిర్చీ వేసి సుమారు 3 నిమిషాలు రోస్ట్ చేసుకోవాలి.
- అందులోనే వెల్లుల్లి ముక్కలు, పచ్చిమిర్చి, అల్లం వేసి సుమారు 4 నిమిషాలు ఫ్రై చేసుకోవాలి.
- ఆ తర్వాత ఈ మిశ్రమాన్ని మిక్సీలో వేసి నీరు లేకుండా గ్రైండ్ చేసుకోవాలి.
- అనంతరం అదే కడాయిలో నూనె పోసుకుని టమాటలు, ఉప్పు వేసి బాగా కలుపుకుని మూతపెట్టాలి.
- ఇలా మధ్య మధ్యలో కలుపుతూ టమాటలు మెత్తగా అయ్యేవరకు మగ్గనివ్వాలి.
- ఆ తర్వాత చింతపండు రసం, కొత్తిమీరను కాడలతో సహా వేసుకొని కొద్దిసేపు మగ్గనివ్వాలి. (ఎక్కువ సేపు మగ్గనిస్తే కొత్తిమీర ఫ్లేవర్ పోతుంది)
- ఈ మిశ్రమాన్ని అంతకుముందు గ్రైండ్ చేసుకున్న తాళింపులో వేసుకోవాలి.
- ఆ తర్వాత పసుపు వేసి నీరు లేకుండా బాగా గ్రైండ్ చేసుకోవాలి.
- అంతే టేస్టీ టేస్టీ టమాట కొత్తిమీర పచ్చడి రెడీ! ఇక మీ ఇష్టం.. ఎందులో వేసుకుని తిన్నా రుచి మాత్రం అదిరిపోతుంది!
నోరూరించే 'వంకాయ టమాట పచ్చడి' - ఇలా ప్రిపేర్ చేశారంటే టేస్ట్ అదుర్స్! - Brinjal Tomato Chutney
టిఫిన్ సెంటర్ రుచిలో 'టమాట పుదీనా' చట్నీ - ఇలా చేస్తే నిమిషాల్లో రెడీ! - Tomato Mint Chutney Recipe
