స్వీట్​ షాప్​ స్టైల్​ "పల్లీ పకోడి" ఇకపై ఇంట్లోనే - ఈ టిప్స్ పాటిస్తే సూపర్ - How to Prepare Crunchy Palli Pakodi

Palli Pakoda: ఈవెనింగ్​ టైంలో క్రంచిగా ఏదో ఒక స్నాక్​ తినాలనిపిస్తుంది.. అటువంటి సమయంలో అందరూ తేలికగా చేసుకునేది ఉల్లిపాయ పకోడి. అయితే ఎప్పుడూ అదే కాకుండా ఈసారికి పల్లీ పకోడి చేయండి. రుచి చెప్పక్కర్లేదు..

How to Make Sweetshop Style Palli Pakodi: సాయంత్రం అయితే వేడివేడిగా కరకరలాడే పకోడి తింటోంటే కలిగే మజానే వేరు. అయితే పకోడీలు అంటే ఉల్లిపాయతో చేసేవి, పాలకూరతో చేసేవి గుర్తొస్తాయి. మరికొంతమంది పల్లీలతో కూడా పకోడి చేస్తుంటారు. కానీ అవి బయట షాపుల్లో కొన్నంత టేస్టీగా రావు. అందుకే ఈ టిప్స్​ పాటించండి.. సేమ్ హోటల్​ స్టైల్ పల్లీ పకోడి తీరుగా పర్ఫెక్ట్​గా వస్తాయి. వాటికి కావాల్సిన పదార్థాలు, తయారీ విధానం ఈ స్టోరీలో చూద్దాం..

మసాలా పల్లీ పకోడికి కావాల్సిన పదార్థాలు:

• పల్లీలు - 200 గ్రాములు
• వెల్లుల్లి రెబ్బలు - 15
• ఉప్పు - రుచికి సరిపడా
• శనగపిండి - పావు కప్పు
• బియ్య పిండి - పావు కప్పు
• కారం - ముప్పావు చెంచా
• గరం మసాలా- పావు చెంచా
• చాట్​ మసాలా - పావు చెంచా
• నిమ్మరసం - అర చెక్క
• కరివేపాకు - 2 రెమ్మలు
• నూనె - డీప్​ ఫ్రై కి సరిపడా

తయారీ విధానం:

• ముందుగా మిక్సీ జార్​ తీసుకుని వెల్లుల్లి రెబ్బలు, ఉప్పు, 1 చెంచా నీరు వేసుకుని మెత్తగా గ్రైండ్​ చేసుకోవాలి.
• ఇప్పుడు ఓ ప్లేట్​లోకి పల్లీలు తీసుకోవాలి. ఆ పల్లీల్లో వెల్లుల్లి మిశ్రమం వేసి బాగా కలుపుకోవాలి.
• ఆ తర్వాత బియ్యప్పిండి, శనగ పిండి, కారం, గరం మసాలా, చాట్​ మసాలా, నిమ్మరసం వేసి బాగా కలుపుకోవాలి.
• ఆ తర్వాత కొద్దిగా మాత్రమే నీళ్లు చిలకరించుకుని పల్లీలకు మసాలా మొత్తం పట్టే విధంగా గట్టిగానే కలుపుకోవాలి.
• నీళ్లు ఎక్కువ పోసి జోరుగా కలుపుకుంటే పల్లీలను నూనెలో వేసినప్పుడు పిండి సపరేట్​ అవుతుంది. పిండి గట్టిగా కలుపుకున్న తర్వాత పక్కకు పెట్టుకోవాలి.
• ఇప్పుడు స్టవ్​ ఆన్​ చేసి పాన్​ పెట్టి డీప్​ ఫ్రై కి సరిపడా నూనె పోసుకోవాలి.
• నూనె బాగా కాలుతున్నప్పుడు స్టౌ లో-ఫ్లేమ్​లో పెట్టి పల్లీలను విడివిడిగా వేసుకోవాలి.
• పల్లీలు వేసిన వెంటనే గరిటె పెట్టి తిప్పకుండా ఓ నిమిషం తర్వాత మంటను మీడియం ఫ్లేమ్​లో పెట్టి అప్పుడు పల్లీలను గోల్డెన్​ బ్రౌన్​ కలర్​ వచ్చే వరకు కలుపుతూ వేయించుకోవాలి.
• లైట్​ గోల్డెన్​ కలర్​ వచ్చిన తర్వాత స్టౌ హై-ఫ్లేమ్​లో పెట్టి ఓ నిమిషం పాటు వేయించుకుని ప్లేట్​లోకి తీసుకుంటే సరి.
• కావాలనుకుంటే కరివేపాకును కూడా నూనెలో వేయించుకుని పల్లీలలో కలుపుకోవచ్చు.
• అంతే.. ఎంతో రుచికరంగా ఉండే పల్లీ పకోడీ రెడీ. దీనిని వేడి మీద తింటే కాసింత మెత్తగా అనిపిస్తాయి. కాబట్టి చల్లారిన తర్వాత తింటే కరకరలాడుతూ సూపర్​గా ఉంటాయి. నచ్చితే మీరు ఓ సారి ఇంట్లో ట్రై చేయండి..