How to Make Pulao : అప్పుడప్పుడు రొటీన్గా కూరలు వండుకుని తినకుండా.. లంచ్లోకి ఏదైనా స్పెషల్ రెసిపీ చేసుకుని తినాలనిపిస్తుంది. అలాంటప్పుడు ఒక్కసారి ఇలా ఘుమఘుమలాడే పులావ్, ఆలూ కుర్మా ట్రై చేయండి. ఈ రెండు రెసిపీలను బంధువులు ఇంటికి వచ్చినప్పుడు కూడా సింపుల్గా తయారు చేసుకోవచ్చు. మరి వీటి ప్రిపరేషన్కు కావాల్సిన పదార్థాలు, తయారీ విధానం ఈ స్టోరీలో తెలుసుకుందాం..
పులావ్ కోసం కావాల్సిన పదార్థాలు :
- బాస్మతి బియ్యం- కప్పు (అరగంట నానబెట్టుకోవాలి)
- నూనె-టేబుల్ స్పూన్
- నెయ్యి-టేబుల్ స్పూన్
- దాల్చిన చెక్క
- ఒక అనాస పువ్వు
- కొద్దిగా జాపత్రి
- లవంగాలు-3
- అర టీస్పూన్ షాజీరా
- ఒక నల్ల యాలక
- బిర్యానీ ఆకులు-2
- అరకప్పు ఉల్లిపాయ ముక్కలు
- పచ్చిమిర్చి-4
- గరం మసాలా-అర టీస్పూన్
- ఉప్పు రుచికి సరిపడా
- అల్లం వెల్లుల్లి పేస్ట్-టేబుల్స్పూన్
- టమాటా-1
- కొత్తిమీర, పుదీనా తరుగు-కొద్దిగా
పులావ్ తయారీ విధానం :
- ముందుగా స్టౌపై పులావ్ చేయడం కోసం గిన్నె పెట్టండి. నూనె, నెయ్యి వేసి వేడి చేయండి. తర్వాత బిర్యానీ ఆకు, జాపత్రి, దాల్చిన చెక్క, అనాస పువ్వు, లవంగాలు, నల్ల యాలక, షాజీరా వేసి కలపండి.
- మసాలా దినుసులు వేగిన తర్వాత కొన్ని ఉల్లిపాయ, పచ్చిమిర్చి ముక్కలు వేసి వేయించండి.
- తర్వాత అల్లం వెల్లుల్లి పేస్ట్ వేసి పచ్చివాసన పోయే వరకు ఫ్రై చేయండి. అలాగే టమాటా ముక్కలు వేసి కొద్దిసేపు మగ్గించండి.
- తర్వాత ఇందులో నానబెట్టుకున్న బాస్మతి రైస్ వేయండి. గిన్నెలో రెండుకప్పుల వాటర్ పోసి కలపండి.
- రైస్లో గరం మసాలా, కొద్దిగా కొత్తిమీర, పుదీనా వేసి కలపండి. ఇప్పుడు స్టౌ మీడియం ఫ్లేమ్లో ఉంచి గిన్నెపై మూత పెట్టి పులావ్ పొడిపొడిగా వండుకోండి.
- అంతే ఇలా తయారు చేసుకుంటే ఘుమఘుమలాడే పులావ్ రెడీ.
How to Make Aloo Kurma : ఇప్పుడు ఆలూ కుర్మా ఎలా చేయాలో చూద్దాం..
ఆలూ కుర్మా తయారీకి కావాల్సిన పదార్థాలు :
- బంగాళదుంపలు - 3
- నూనె - 3 టేబుల్స్పూన్లు
- దాల్చినచెక్క - చిన్నది
- యాలకులు - 2
- లవంగాలు - 3
- పచ్చిమిర్చి - 3
- ఉల్లిపాయ - 1
- ఉప్పు - రుచికి సరిపడా
- పసుపు - అరటీస్పూన్
- అల్లంవెల్లుల్లి పేస్ట్ - టీస్పూన్
- కరివేపాకు - 2
- పెరుగు - పావు కప్పు
- కారం - తగినంత
- ధనియాల పొడి - అరటీస్పూన్
- జీలకర్ర పొడి - అరటీస్పూన్
- గరంమసాలా పౌడర్ -అరటీస్పూన్
- కసూరీ మేథి - టీస్పూన్
- కొత్తిమీర తరుగు - కొద్దిగా
తయారీ విధానం :
- ముందుగా పొటాటోలను శుభ్రంగా కడిగి ఉడికించుకోవాలి. తర్వాత వాటిపై పొట్టు తీసేసి మీడియం సైజ్ ముక్కలుగా కట్ చేసుకోవాలి. అలాగే ఉల్లిపాయను సన్నగా కట్ చేసి పక్కన పెట్టుకోవాలి.
- ఇప్పుడు స్టౌపై ఆలూ కుర్మా చేయడం కోసం గిన్నె పెట్టి ఆయిల్ వేసుకోవాలి. ఆయిల్ హీట్ అయ్యాక దాల్చినచెక్క, లవంగాలు, యాలకులు వేసి లైట్గా ఫ్రై చేయాలి.
- తర్వాత కట్ చేసిన ఆనియన్స్, పచ్చిమిర్చి ముక్కలు వేసుకుని కలపాలి. ఉల్లిపాయలు గోల్డెన్ కలర్లో వేగిన తర్వాత ఉప్పు, పసుపు, అల్లంవెల్లుల్లి పేస్ట్, కరివేపాకు వేసుకుని ఫ్రై చేయాలి.
- అల్లం పచ్చివాసన పోయిన తర్వాత పెరుగు వేసుకుని బాగా కలుపుకోవాలి.
- ఆ తర్వాత కారం, జీలకర్ర పొడి, ధనియాల పొడి యాడ్ చేసుకోవాలి. నూనె సెపరేట్ అయ్యేంత వరకు మిశ్రమాన్ని గరిటెతో కలుపుతూ ఫ్రై చేసుకోవాలి.
- ఇప్పుడు కట్ చేసి పెట్టుకున్న బంగాళదుంప ముక్కలను వేసుకొని ఒకసారి మొత్తం కలిసేలా బాగా కలుపుకోవాలి.
- తర్వాత అందులో ఒక గ్లాస్ నీళ్లు పోసుకొని కలిపి స్టౌను మీడియం ఫ్లేమ్లో ఉంచి మిశ్రమం కాస్త దగ్గర పడే వరకు ఉడికించుకోవాలి.
- ఆలూ కుర్మా చిక్కగా అయిన తర్వాత గరంమసాలా పౌడర్, కసూరీ మేథి వేసుకొని బాగా కలిపి ఒకటి నుంచి రెండు నిమిషాలు ఉడికించుకోవాలి.
- చివరిగా కొత్తిమీర తరుగు వేసుకొని ఒకసారి మిక్స్ చేసి.. స్టౌ ఆఫ్ చేయండి. అంతే ఇలా సింపుల్గా చేసుకుంటే ఎంతో రుచికరంగా ఉండే "ఆలూ కుర్మా" రెడీ!
ఆరోగ్యాన్నిచ్చే "అల్లం పెరుగు పచ్చడి" - సులువుగా ప్రిపేర్ చేసుకోండిలా! - టేస్ట్ అద్దిరిపోతుంది!
