"మసాలా వడ" అద్దిరిపోయే స్నాక్ - ఇలా చేస్తే సూపర్ క్రిస్పీగా వస్తుంది!

- ఈ టిప్స్ పాటిస్తే ఎంతో టేస్టీ

How to Make Masala Vada : సాయంత్రం​ టీ-టైమ్​లో సమోసా, పకోడి, మిర్చీ బజ్జీ​ తినడానికి చాలా మంది ఇష్టపడతారు. కాస్త కారంగా ఏదైనా స్నాక్​ రెసిపీ తిని.. వేడివేడి టీ/కాఫీ తాగితే ఆ ఫీల్​ చాలా బాగుంటుంది. అయితే.. ఇంట్లో ఎప్పుడూ రొటీన్​గా పకోడి, బజ్జీ కాకుండా ఇలా మసాలా వడలు ట్రై చేయండి. మేం చెప్పినట్టు మసాలా వడలు చేస్తే.. అచ్చం రోడ్​ సైడ్​ బండి మీద లభించేంత టేస్టీ​గా ఉంటాయి. పిల్లలు కూడా వీటిని ఎంతో ఇష్టంగా తింటారు. మరి, అందరికీ ఇష్టమైన క్రిస్పీ అండ్​ టేస్టీ మసాలా వడలు ఎలా చేయాలో ఈ స్టోరీలో చూద్దాం.

కావాల్సిన పదార్థాలు :

• పచ్చి శనగపప్పు-కప్పు
• పల్లీలు-పావుకప్పు
• ఉల్లిపాయ తరుగు -అర కప్పు
• ఉప్పు - రుచికి సరిపడా
• చిన్న దాల్చినచెక్క
• లవంగాలు-4
• పసుపు - చిటికెడు
• ధనియాలు- టేబుల్​స్పూన్
• జీలకర్ర - 1 టీస్పూన్
• పచ్చిమిర్చి - 3
• ఎండుమిర్చి-2
• కొత్తిమీర తరుగు - కొద్దిగా
• కరివేపాకు
• అల్లం ముక్క
• వెల్లుల్లి రెబ్బలు-8
• పుదీనా
• ఆయిల్ - తగినంత

తయారీ విధానం..

• ముందుగా ఒక గిన్నెలోకి పచ్చి శనగపప్పు, పల్లీలు తీసుకోవాలి. వీటిని
• శుభ్రంగా కడిగి, ఒక నాలుగు గంటలు నానబెట్టుకోవాలి. మసాలా వడల్లోకి పల్లీలు వేసుకోవడం వల్ల టేస్ట్​ చాలా బాగుంటాయి.
• తర్వాత మిక్సీ జార్లోకి ధనియాలు, దాల్చినచెక్క, లవంగాలు, జీలకర్ర, అల్లం ముక్క, వెల్లుల్లి రెబ్బలు, పచ్చిమిర్చి, ఎండుమిర్చి వేసి బరకగా గ్రైండ్​ చేసుకోండి.
• ఇందులోకి నానబెట్టుకున్న పచ్చి శనగపప్పు వేసుకోవాలి. ఈ మిశ్రమాన్ని కచ్చాపచ్చాగా గ్రైండ్​ చేసుకుని ఒక గిన్నెలోకి తీసుకోవాలి.
• గ్రైండ్ చేసుకునేటప్పుడు నీళ్లు పోసుకోకూడదు. (వడల పిండి కాస్త గట్టిగా ఉంటేనే మసాలా వడలు క్రిస్పీగా టేస్టీగా వస్తాయి.)
• ఇప్పుడు వడల పిండిలోకి ఉల్లిపాయ ముక్కలు, పసుపు, సన్నగా తరిగిన కరివేపాకు, కొత్తిమీర, పుదీనా వేసుకుని బాగా కలుపుకోవాలి. అలాగే రుచికి సరిపడా ఉప్పు వేసుకుని మరోసారి పిండిని బాగా మిక్స్​ చేయాలి.
• ఇప్పుడు వడలు డీప్​ ఫ్రై చేయడానికి స్టౌ మీద కడాయి పెట్టండి. ఇందులో ఆయిల్​ పోసి వేడి చేయండి.
• నూనె వేడైన తర్వాత చేతికి ఆయిల్​ రాసుకుని వడలు చేసుకుని ఆయిల్లో వేయండి.
• ఒక నిమిషం తర్వాత గరిటెతో తిప్పుతూ రెండు వైపులా బాగా కాల్చుకోండి.
• మిగిలిన పిండితో ఇలానే వడలు చేసుకుంటే సరి.
• ఎంతో రుచికరమైన కరకరలాడే మసాలా వడలు రెడీ.
• నచ్చితే మీరు కూడా ఈ స్నాక్​ రెసిపీ ట్రై చేయండి.

ఇవి కూడా చదవండి :