పెళ్లిలో వడ్డించే "మటన్​ దాల్చా" టేస్ట్ వేరే లెవల్! - ఆ రుచి ఇంట్లో కూడా కావాలా? - ఇలా ప్రిపేర్ చేయండి! - Mutton Dalcha Recipe

Hyderabad Wedding Style Mutton Dalcha Recipe : పెళ్లి భోజనాల్లో వడ్డించే మటన్​ దాల్చా టేస్ట్ ఎంతో అద్భుతంగా ఉంటుంది. ఆ రుచిని ఇంట్లో ట్రై చేద్దామంటే అంత పర్ఫెక్ట్​గా రాదు! అందుకే మీ కోసం ఈ రెసిపీ తెచ్చాం. దీన్ని ఫాలో అయితే.. దాల్చా రుచి అచ్చం పెళ్లిలో తిన్నట్టుగానే ఉంటుంది.

Mutton Dalcha Recipe in Telugu : మటన్​ కర్రీ అందరూ చేస్తారు. కానీ, ఎప్పుడూ ఒకేలా తింటే బోర్​ అనిపిస్తుంది. అందుకే.. ఈసారి పెళ్లిలో వడ్డించే మటన్ దాల్చా ట్రై చేయండి. హైదరాబాద్​ వెడ్డింగ్ స్టైల్​ మటన్​ దాల్చా సింప్లీ సూపర్బ్ అని చెప్పాల్సిందే. అయితే.. చాలా మంది ఇంట్లో ఈ రెసిపీ ట్రై చేసినప్పటికీ, అంత పర్ఫెక్ట్​గా రాదు. మీరు ఈ టిప్స్ ఫాలో అయ్యారంటే అద్దిరిపోయే దాల్చా ప్రిపేర్ చేయొచ్చు. ఆ ప్రాసెస్ ఏంటో ఇప్పుడు చూద్దాం.

కావాల్సిన పదార్థాలు..

• ఒక కేజీ మటన్
• కందిపప్పు-కప్పు
• శనగపప్పు-కప్పు
• 8 పచ్చిమిరపకాయలు
• ఉల్లిపాయలు
• అర చెంచా పసుపు
• అల్లం వెల్లుల్లి పేస్ట్-2 టేబుల్​స్పూన్లు
• కొత్తిమీర
• పుదీనా - కొద్దిగా
• గరం మసాలా - 1 టీస్పూన్​
• లవంగాలు - 3
• దాల్చినచెక్క
• యాలకులు-4
• బిర్యానీ ఆకులు- 2
• చెంచా- కారం
• రుచికి సరిపడా ఉప్పు
• వాటర్ - సరిపడా

దాల్చ కోసం..

• సొరకాయ
• నూనె
• చింతపండు నిమ్మకాయ సైజు
• ఆవాలు
• జీలకర్ర
• కరివేపాకు
• పచ్చిమిర్చి
• ఉల్లిపాయ
• పసుపు- పావు చెంచా
• ఉప్పు
• కారం-2చెంచాలు
• ధనియాపొడి-చెంచా
• జీలకర్ర పొడి
• ఒక చెంచా- గరం మసాలా

తయారీ విధానం..

• ముందుగా కందిపప్పు, శనగపప్పు శుభ్రంగా కడిగి గంటసేపు నానబెట్టుకోవాలి.
• అలాగే చింతపండు నీటిలో నానబెట్టుకోవాలి. సొరకాయని ముక్కలుగా కట్​చేసి పక్కన పెట్టుకోవాలి.
• ఇప్పుడు స్టౌపై పాన్​ పెట్టి ఆయిల్​ వేయండి. ఇందులో బిర్యానీ ఆకు, లవంగాలు, యాలకులు, దాల్చిన చెక్క వేయండి. ఇప్పుడు పచ్చిమిర్చి, ఉల్లిపాయ ముక్కలు, అల్లం వెల్లుల్లి పేస్ట్​ వేసి వేపండి.
• తర్వాత మటన్​ వేసి కలపండి. ఇందులో పసుపు, టేబుల్​స్పూన్ కారం, ఉప్పు వేసి కలపండి. ఇందులో నీళ్లు పోసుకుని సన్నని మంటమీద మటన్​ మెత్తగా ఉడికించుకోండి.
• మటన్​ ఉడికిన తర్వాత ఇందులో కందిపప్పు, శనగపప్పు వేయండి. మరికొన్ని నీళ్లు పోసి పప్పు ఉడికించుకోండి. పప్పు ఉడికిన తర్వాత మెదుపుకోండి. ఈ మటన్​ కర్రీని స్టౌపై నుంచి తీసి పక్కన పెట్టుకోండి.
• ఇప్పుడు మరొక గిన్నెలో ఆయిల్​ వేసి ఆవాలు, జీలకర్ర వేసి వేయించండి. పచ్చిమిర్చి, ఉల్లిపాయలు, కరివేపాకు వేసి కలపండి. ఇందులో సొరకాయ ముక్కలు వేసి కొద్దిసేపు మగ్గించండి.
• తర్వాత చింతపండు రసం పోయండి. అలాగే పసుపు, ఉప్పు, కారం, జీలకర్ర పొడి, ధనియాలపొడి, గరం మసాలా వేసి కలపండి. సొరకాయ ముక్కలు ఉడికిన తర్వాత ఈ మిశ్రమాన్ని మటన్​ కర్రీలో కలపండి. అంతే ఇలా చేసుకుంటే ఘుమఘుమలాడే వెడ్డింగ్​ స్టైల్​ మటన్​ దాల్చా కర్రీ రెడీ. నచ్చితే మీరు కూడా ఈ రెసిపీ ట్రై చేయండి.

ఇవి కూడా చదవండి :