అలర్ట్ : దీపావళికి స్వీట్లు తయారు చేస్తున్నారా? - FSSAI చేస్తున్న సూచనలు తప్పక చూడండి!

- మిఠాయిల తయారీ పదార్థాల్లో కల్తీని నివారించండిలా

How to Find Adulteration in Milk : దీపావళి అంటే టపాసులు, కొత్తబట్టలు, దీపాల కాంతులే కాదు.. మిఠాయిల పండగ కూడా. ప్రతి ఇంటా స్వీట్ ఉండాల్సిందే.. ప్రతి నోటా తీపి పండాల్సిందే. అయితే.. ఏ స్వీట్ తయారు చేయాలన్నా పాలు, నెయ్యి, చక్కెర తప్పక కావాల్సిందే. కానీ.. వీటిని అక్రమార్కులు కల్తీ చేస్తూనే ఉన్నారు. ఇలా కల్తీ అయినవి తింటే అనారోగ్యం పాలయ్యే అవకాశం ఉంటుంది.

అందుకే.. స్వీట్స్ తయారికీ ఉపయోగించే పాలు, పాల పదార్థాలు, పంచదార వంటి వాటిలో కల్తీని గుర్తించేందుకు కేంద్ర ప్రభుత్వానికి చెందిన ఫుడ్ సేఫ్టీ అండ్ స్టాండర్డ్స్ ఇన్‌స్టిట్యూట్ ఆఫ్ ఇండియా (FSSAI) కొన్ని చిట్కాలు సూచిస్తోంది. ఈ సూచనల ద్వారా ఇంట్లో స్వయంగా మీరే వాటి కల్తీని కనిపెట్టవచ్చు. మరి, ఆ టిప్స్ ఏంటో ఈ స్టోరీలో చూద్దాం.

పాలు, పాల పదార్థాలు: పాలలో నీళ్లు, డిటర్జెంట్​, యూరియా వంటివి కలిపి కల్తీ చేస్తుంటారు. ఈ క్రమంలో పాలలో నీళ్లను, డిటర్జెంట్​ను గుర్తించేందుకు FSSAI సూచిస్తున్న టిప్స్​ ఇవే..

Detergent in Milk (FSSAI)

పాలలో డిటర్జెంట్​ను గుర్తించడం:

• ఒక గ్లాస్​ జార్​లోకి 10ml పాలు, 10 ml నీళ్లను తీసుకోవాలి.
• వాటిని బాగా కలపాలి.
• ఒకవేళ పాలలో డిటర్జెంట్​ కలిస్తే చాలా మందంగా నురగ ఏర్పడుతుంది.
• అదే పాలు స్వచ్ఛమైనవైతే పాలపై చాలా పల్చగా నురగ వస్తుంది.

పాలు, పాల పదార్థాల్లో(కోవా, పనీర్​) స్టార్చ్​ గుర్తించడం:

Adulteration in Milk Products (FSSAI)

• ముందుగా ఓ గిన్నెలోకి 3ml పాలు, 5 ml నీళ్లు కలిపి మరిగించాలి.
• చల్లారిన తర్వాత అందులోకి 2 చుక్కల అయోడిన్​ కలపాలి.
• పాలు నీలం రంగులోకి మారితే అందులో స్టార్చ్​ ఉన్నట్లు.

పాలలో నీళ్లు గుర్తించడం:

Adulteration of Water in Milk (FSSAI)

• కొన్ని చుక్కల పాలను ఏటవాలుగా ఉండే ప్లేస్​లో పోయాలి.
• పాలు స్వచ్ఛమైనవి అయితే నెమ్మదిగా జారుతూ.. అక్కడ తెల్లటి మచ్చలు ఏర్పడతాయి.
• అదే కల్తీ పాలు అయితే నీళ్లు ఫాస్ట్​గా జారడంతోపాటు ఎలాంటి మరకలూ ఉండవు.

Adulteration in Ghee (FSSAI)

నెయ్యి: స్వీట్స్​ తయారికీ నెయ్యి అధికంగా అవసరమంటుంది. ఈ క్రమంలోనే కొందరు వ్యాపారులు అందులో ఉడికించిన బంగాళదుంప/స్వీట్​ పొటాటో తురుమును కలుపుతున్నట్లు నిపుణులు చెబుతున్నారు. అది కనుగొనేందుకు..

• ముందుగా ఓ గ్లాస్​ బౌల్​లోకి అర టీ-స్పూన్​ నెయ్యి లేదా వెన్న తీసుకోవాలి.
• అందులో 3 చుక్కల అయోడిన్​ ద్రావణాన్ని కలపాలి.
• నెయ్యి లేదా వెన్న బ్లూ కలర్​లోకి మారితే అది కల్తీ జరిగినట్లు.

Adulteration in Sugar (FSSAI)

పంచదార: పంచదారలో చాక్​ పౌడర్​ను గుర్తించేందుకు..

• ముందుగా ఓ గాజు గ్లాస్​లోకి వాటర్ తీసుకోవాలి.
• అందులోకి 10 గ్రాముల పంచదార పొడి వేయాలి.
• ఒకవేళ అందులో చాక్​ పౌడర్​ కలిస్తే అది కరిగి గ్లాస్​ అడుగున చేరుతుంది. కల్తీ జరగకపోతే నీరు స్వచ్ఛంగా ఉంటుంది.

సిల్వర్​ ఫాయిల్​: ప్రస్తుతం చాలా మంది స్వీట్స్​పై సిల్వర్​ ఫాయిల్​ ప్లేస్​ చేస్తుంటారు. అయితే కొందరు వ్యాపారులు సిల్వర్​ ఫాయిల్​ బదులు అల్యూమినియం వాడుతున్నారు. దానిని గుర్తించేందుకు..

Adulteration in Silver Foil (FSSAI)

• ముందుగా కొద్ది మొత్తంలో సిల్వర్​ ఫాయిల్​ తీసుకోవాలి.
• దాన్ని రెండు వేళ్ల మధ్య పెట్టి నలపాలి. ఇలా నలిపినప్పుడు పొడిలాగా మారితే అది సిల్వర్​ ఫాయిల్​ అన్నట్లు అర్థం. అలా కాకుండా ముక్కలు ముక్కలుగా పడితే అందులో అల్యూమినియం కలిసినట్లు అని గుర్తుంచుకోవాలి
• మరో విధానం.. ముందుగా కొద్దిగా సిల్వర్​ ఫాయిల్​ తీసుకుని రౌండ్​బాల్​గా చేయాలి.
• దాన్ని కాల్చినప్పుడు ప్యూర్​ సిల్వర్​ ఫాయిల్​ అయితే పూర్తిగా కరిగి చిన్న చిన్న బాల్స్​లాగా కనిపిస్తుంది. అదే అందులో అల్యూమినియం కలిస్తే బూడిద లాగా మారుతుంది.​