How to Make Bread Uttapam in Telugu : ఉదయం బ్రేక్ఫాస్ట్లోకి చాలా మంది ఇంట్లో ఇడ్లీ, దోశ, ఉప్మా, పూరీ, చపాతీ వంటివి ప్రిపేర్ చేసుకుంటుంటారు. అయితే, వీటిని ఎంత మార్చిమార్చి తిన్నా వారానికోసారైనా వాటి వంతొస్తుంది కనుక మళ్లీ వాటిని తినాలంటే కొంచం విసుగ్గానే అనిపిస్తుంది. అందుకే ఎప్పుడూ బ్రేక్ఫాస్ట్లోకి రొటిన్ రెసిపీలే కాకుండా ఓసారి బ్రెడ్ ఊతప్పం ట్రై చేయండి. ఇందుకోసం పిండి రుబ్బాల్సిన పనిలేదు! చాలా ఈజీగా 5 నుంచి 10 నిమిషాల్లో ఈ రెసిపీని ప్రిపేర్ చేసుకోవచ్చు. రోజూ తినే దోశ కంటే ఈ ఊతప్పం చాలా టేస్టీగా ఉంటుంది. పిల్లలైతే వీటిని ఎంతో ఇష్టంగా తింటారు! మరి, ఆలస్యమెందుకు ఈ సూపర్ టేస్టీ ఇన్స్టంట్ బ్రేక్ఫాస్ట్ రెసిపీకి కావాల్సిన పదార్థాలేంటి? ఎలా ప్రిపేర్ చేసుకోవాలి? అనే వివరాలు ఈ స్టోరీలో తెలుసుకుందాం.
కావాల్సిన పదార్థాలు :
- బ్రెడ్ స్లైసులు - 8
- ఇడ్లీ రవ్వ - అరకప్పు
- బియ్యప్పిండి - 2 చెంచాలు
- పెరుగు - అరకప్పు
- కొత్తిమీర తరుగు - అరకప్పు
- పచ్చిమిర్చి - 2
- ఉల్లిపాయలు - 2
- టమాటా - 1
- క్యారెట్ - 1
- అల్లం - కొద్దిగా
- ఉప్పు - రుచికి సరిపడా
- ఆయిల్ - తగినంత
తయారీ విధానం :
- ఇందుకోసం ముందుగా ఉల్లిపాయలు, టమాటా, అల్లం, పచ్చిమిర్చిని సన్నగా తరుక్కొని పక్కన ఉంచుకోవాలి. అలాగే క్యారెట్ను తురుముకొని రెడీగా పెట్టుకోవాలి. కొత్తిమీరను సన్నగా తరిగి పక్కన ఉంచుకోవాలి.
- ఇప్పుడు మిక్సీ జార్ తీసుకొని బ్రెడ్ స్లైసులను చిన్న ముక్కలుగా తుంచి వేసుకోవాలి. ఆపై అందులో ఇడ్లీరవ్వ, బియ్యప్పిండి, పెరుగు, ఉప్పు, కొన్ని వాటర్ కూడా యాడ్ చేసుకొని గ్రైండ్ చేసుకోవాలి.
- అనంతరం ఆ మిశ్రమాన్ని ఒక మిక్సింగ్ బౌల్లోకి తీసుకొని.. ముందుగా తరిగి పెట్టుకున్న ఉల్లిపాయ, టమాటా ముక్కలు, కొత్తిమీర, అల్లం తరుగు, క్యారెట్ తురుముతో పాటు కొన్ని వాటర్ యాడ్ చేసుకొని ఇంగ్రీడియంట్స్ అన్నీ కలిసేలా బాగా మిక్స్ చేసుకోవాలి.
- అయితే, పిండి మిశ్రమం మరీ గట్టిగా లేదా జారుగా ఉండకుండా ప్రిపేర్ చేసుకోవాలి. అప్పుడే ఊతప్పం చక్కగా, రుచికరంగా వస్తుంది.
- ఇప్పుడు స్టౌపై దోశ పాన్ పెట్టుకొని మీరు ప్రిపేర్ చేసుకున్న పిండిని కొద్దిగా తీసుకొని ఊతప్పం మాదిరిగా వేసుకోవాలి.
- ఆపై అంచుల వెంబడి కాస్త నూనె వేసుకొని రెండు వైపులా ఎర్రగా కాల్చుకోవాలి. వీలైతే కాల్చుకునేటప్పుడు మరింత రుచికరంగా ఉండడానికి కొద్దిగా నెయ్యిని అప్లై చేసుకోవచ్చు.
- ఆ తర్వాత ప్లేట్లోకి తీసుకొని వేడివేడిగా సర్వ్ చేసుకుంటే చాలు. అంతే.. ఎంతో రుచికరంగా ఉండే "బ్రెడ్ ఊతప్పం" రెడీ!
ఇవీ చదవండి :
హెల్దీ బ్రేక్ఫాస్ట్ కోసం చూస్తున్నారా ? - ఇంట్లోనే "ఓట్స్ ఆమ్లెట్" చేసేసుకోండి - టేస్ట్ సూపర్!
రాయలసీమ స్పెషల్ "ఎగ్ ఉగ్గాని" తిన్నారా? - ఒక్కసారి ఇలా ట్రై చేయండి - టేస్ట్ అద్భుతం!
