సూపర్​ : పిల్లలు రోజూ ఈ లడ్డూలు తిన్నారంటే - ఫిజకల్లీ అండ్​ మెంటల్లీ సూపర్​ స్ట్రాంగ్​! - Best Food for Children to Grow

Best Food for Children: మీ పిల్లల్లో శారీరక, మానసిక ఎదుగుదల తగ్గిందా? ఎన్ని ప్రయత్నాలు చేసినా ఫలితం లేకుండా పోయిందా? అయితే డోంట్​ వర్రీ. ఈ సమస్య నుంచి బయటపడాలంటే ఆయుర్వేదం ప్రకారం పిల్లలకు ఈ లడ్డూలు పెడితే ఫలితం ఉంటుందని ఆయుర్వేదిక్​ కన్సల్టెంట్​ డాక్టర్​ గాయత్రీ దేవి అంటున్నారు.

Tips to Growth Children Physically and Mentally: పిల్లలు ఆరోగ్యంగా ఉండాలని ప్రతీ తల్లిదండ్రులు కోరుకుంటారు. అయితే వాళ్లు ఆరోగ్యంగా ఉండాలంటే.. శారీరకంగా, మానసికంగా స్ట్రాంగ్​గా ఉండాలి. అందుకోసం వారికి చిన్నప్పటి నుంచి మంచి ఆహారం అందించాలి. విటమిన్లు, ఖనిజాలు, యాంటీఆక్సిడెంట్లు అధికంగా ఉండే ఆహారాన్ని పిల్లలకు తప్పక తినిపించాలి. ఇలా పిల్లలకు సరైన పోషకాహారం అందించడం వల్ల పిల్లలు ఎత్తు, బలంతోపాటు మానసికంగా కూడా ఎంతో డెవలప్​ అవుతారు. అయితే పలు కారణాల వల్ల పిల్లలకు బలవర్థకమైన ఆహారం అందించడం కుదరదు. అలాంటి సమయంలో ఆయుర్వేదం ప్రకారం పిల్లలకు ఈ లడ్డూలు పెడితే శారీరకంగా, మానసికంగా ఎదుగుదల బాగుంటుందని ఆయుర్వేదిక్​ కన్సల్టెంట్​ డాక్టర్​ గాయత్రీ దేవి అంటున్నారు. ఈ లడ్డూలు తయారు చేయడం కూడా వెరీ ఈజీ అంటున్నారు.

లడ్డూలకు కావాల్సిన పదార్థాలు:

• శొంఠి పొడి - 25 గ్రాములు
• బెల్లం తురుము - పావు కిలో
• ఎండు కొబ్బరి తురుము - 50 గ్రాములు
• గోధుమ పిండి - 100 గ్రాములు
• నెయ్యి - తగినంత
• బాదం పప్పుల పొడి - 25 నుంచి 50 గ్రాముల వరకు
• పిస్తా - 20 గ్రాములు

లడ్డూలు తయారు చేసే విధానం:

• ముందుగా శొంఠిని నెయ్యిలో వేయించి చల్లారిన తర్వాత పొడి చేసుకోవాలి.
• అలాగే బాదంపప్పలను ఓ రెండు నిమిషాలు వేయించి పొడి చేసి పక్కకు పెట్టుకోవాలి.
• ఆ తర్వాత స్టవ్​ ఆన్​ చేసి పాన్​ పెట్టి ఒక స్పూన్​ నెయ్యి వేసి వేడి చేసుకోవాలి.
• అందులోకి గోధుమ పిండి వేసి లైట్​ బ్రౌన్​ కలర్​ వచ్చేవరకు వేయించుకుని స్టవ్​ ఆఫ్​ చేసి ఓ గిన్నెలోకి తీసుకోవాలి.
• అనంతరం ఆ గోధుమ పిండి మిశ్రమంలో ఎండు కొబ్బరి తురుము వేసుకోవాలి.
• అలాగే అందులోకి బాదం పప్పుల పొడి, శొంఠి పొడి వేసుకోవాలి.
• ఆ తర్వాత పిస్తా పలుకులు, బెల్లం తురుము వేసుకుని బాగా కలిపి పక్కకు పెట్టుకోవాలి.
• ఆ తర్వాత స్టవ్​ ఆన్​ చేసి పాన్​ పెట్టి 100 గ్రాముల నెయ్యి వేసి కరిగించుకోవాలి.
• నెయ్యి కరిగిన తర్వాత స్టవ్​ ఆఫ్​ చేసి గోధుమ పిండి మిశ్రమంలో కొద్దికొద్దిగా నెయ్యి పోసుకుంటూ బాగా కలుపుకోవాలి.
• అనంతరం ఆ మిశ్రమాన్ని చిన్న చిన్న ఉండలుగా చేసుకుని పక్కకు పెట్టుకోవాలి. అంతే పిల్లలకు శారీరకంగా, మానసికంగా మేలు చేసే లడ్డూలు రెడీ. దీన్ని పిల్లలకు ఉదయం ఒకటి.. సాయంత్రం ఒకటి చొప్పున ఇస్తే మంచిదని చెబుతున్నారు.