సూపర్​ ఐడియా: దిండ్లపై మరకలు పోవడం లేదా ? ఈ టిప్స్​ పాటిస్తే చిటికెలో మాయం! - ips To Remove Stains on Pillows

How To Clean Pillows: దిండు కవర్లను వారం లేదా పదిహేను రోజులకోసారి మార్చుతూ.. వాటిని శుభ్రపరచడం చాలా మందికి అలవాటే. అయితే పిల్లో కవర్స్​ క్లీన్​ చేసినా కొన్ని సార్లు దిండ్లపై మరకలు ఉండిపోతాయి. దీంతో వాటిని రిమూవ్​ చేయడం ఎలానో చాలా మందికి తెలియదు. అలాంటివారు ఈ టిప్స్​ పాటిస్తే ప్రాబ్లమ్​ సాల్వ్​ అంటున్నారు నిపుణులు.

Tips To Remove Stains on Pillows : చాలా మంది దిండ్లు శుభ్రంగా ఉండేందుకు పిల్లో కవర్స్​ వాడుతుంటారు. ఇక ఆ కవర్​లను వారం లేదా రెండు వారాలకోకసారి మార్చుతూ క్లీన్​ చేస్తుంటారు. అయితే పిల్లో కవర్స్ ఎన్నిసార్లు క్లీన్​ చేసినా.. కొన్నిసార్లు ​దిండ్లపై మరకలు ఉండిపోతాయి. దీంతో తెల్లటి దిండ్ల మీద ఆ మరకలను చూసీ ఫీల్​ అవుతా ఉంటారు. ఆ మరకలు శుభ్రం చేద్దామంటే దిండు పాడవుతుందని వాటిని అలానే వదిలేస్తుంటారు. అయితే ఇకపై ఆ టెన్షన్​ అక్కర్లేదని.. కొన్ని సింపిల్​ టిప్స్​ ఫాలో అయ్యి మరకలను ఈజీగా తొలగించవచ్చని నిపుణులు అంటున్నారు. అవేంటో ఇప్పుడు చూద్దాం..

వెనిగర్‌ : దిండుపై ఉన్న మరకలను తొలగించడంలో వెనిగర్​ సహాయపడుతుందని నిపుణులు అంటున్నారు. అందుకోసం.. ఒక కప్పులో సమానంగా వెనిగర్‌, నీళ్లు కలిపి.. ఆ మిశ్రమంలో ఓ క్లాత్​ ముంచి దిండుపై మరక ఉన్న ప్రదేశంలో బాగా రుద్దాలి. ఇలా రెండుసార్లు చేస్తే.. దిండుపైన మరక పూర్తిగా పోతుందని అంటున్నారు.

డిష్‌సోప్‌ : వేడి నీళ్లు, డిష్‌సోప్‌.. ఈ రెండూ మరకలను రిమూవ్​ చేయడంలో యూజ్​ అవుతాయని అంటున్నారు. ముందుగా కొన్ని వేడి నీళ్లు తీసుకుని అందులో డిష్​సోప్​ లిక్విడ్​ వేసి కలిపి.. అందులో పేపర్‌ టవల్‌ లేదా స్పాంజిని ముంచి.. మరక ఉన్న చోట అద్దాలి. కాసేపటి తర్వాత పొడి వస్త్రంతో తుడి చేస్తే మరక పోతుందంటున్నారు.

బేకింగ్‌ సోడా : ఒక టేబుల్‌ స్పూన్‌ బేకింగ్‌ సోడాలో కొద్దిగా వాటర్‌ పోసుకుని పేస్ట్​లాగా కలిపి.. దిండుపై అప్లై చేసి.. కొద్దిసేపటి తర్వాత ఓ క్లాత్​ తీసుకుని క్లీన్​ చేస్తే మరకలు పోతాయని నిపుణులు అంటున్నారు. 2016లో 'జర్నల్ ఆఫ్ క్లీనింగ్ సైన్స్'లో ప్రచురించిన అధ్యయనం ప్రకారం.. బేకింగ్‌ సోడా.. దిండుపై ఉన్న నూనె, కాఫీ, జిడ్డు మరకలను తొలగించడానికి సమర్థవంతంగా పనిచేసిందని గుర్తించారు. ఈ పరిశోధనలో అమెరికాలోని యూనివర్సిటీ ఆఫ్ కాలిఫోర్నియాకు చెందిన 'డాక్టర్‌ మార్గరెట్ జాన్సన్' పాల్గొన్నారు.

కార్న్‌స్టార్చ్‌తో : అలాగే పిల్లోపైన జిడ్డు మరకల్ని తొలగించడానికి కార్న్‌స్టార్చ్‌ని సైతం వాడొచ్చు. దీన్ని మరకపై చల్లి 15 నిమిషాలు వదిలేయాలి. ఆ తర్వాత కాస్త తడి వస్త్రంతో ఈ స్టార్చ్‌ని పూర్తిగా తొలగిస్తే సరిపోతుంది.

ఇవి కూడా: పిల్లో కవర్స్​ను క్లీన్​ చేయడంతో పాటు రెండు మూడు రోజులకు ఒకసారి దిండ్లను ఎండలో ఆరబెట్టండి. దీనివల్ల అందులోని తేమ తొలగిపోయి శుభ్రంగా మారతాయి. అలాగే బ్యాడ్‌ స్మెల్‌ కూడా తగ్గుతుందని నిపుణులు చెబుతున్నారు.

ఇవి కూడా చదవండి :