Thyroid Symptoms : మన శరీరంలో ఎన్నో అవయవాలు, విభాగాలుంటాయి. వీటిలో థైరాయిడ్ వ్యవస్థ కీలకంగా పని చేస్తుంది. మన జీవక్రియల్ని క్రమబద్ధం చేసే.. అతి ముఖ్యమైన పనిని ఈ వ్యవస్థే నిర్వహిస్తుంది. సీతకోక చిలుక ఆకారంలో ఉండే థైరాయిడ్ గ్రంథి.. శరీర అవసరం మేరకు నిరంతరం హార్మోన్లను స్రవిస్తూ జీవక్రియల్ని సక్రమంగా జరిగేలా చూస్తుంది. అయితే, ఈ గ్రంథి విడుదల చేసే థైరాక్సిన్ హార్మోన్ ఎక్కువైనా, తక్కువైనా కూడా పలు రకాల అనారోగ్య సమస్యలు వస్తాయి. థైరాయిడ్ సమస్య వల్ల ఎటువంటి అనారోగ్య సమస్యలు వస్తాయో హైదరాబాద్కు చెందిన ప్రముఖ డయాబెటాలజిస్ట్ డాక్టర్ పి.వి. రావు వివరిస్తున్నారు. ఆ వివరాలు ఏంటో ఇప్పుడు తెలుసుకుందాం.
థైరాయిడ్ సమస్యలను రెండు రకాలుగా విభజించారు. అవసరమైన దాని కంటే.. థైరాయిడ్ హార్మోన్ అధికంగా ఉత్పత్తి అవుతున్నప్పుడు అలాంటి పరిస్థితిని హైపర్ థైరాయిడిజమని (Hyperthyroidism), సాధారణ స్థాయి కంటే తక్కువగా థైరాయిడ్ హార్మోన్ ఉన్నప్పుడు హైపో థైరాయిడిజమని (Hypothyroidism) పిలుస్తారు.
థైరాయిడ్ లక్షణాలు :
- ఈ సమస్యతో బాధపడేవారిలో తీవ్రమైన అలసట ఉంటుంది.
- అలాగే వేగంగా బరువు పెరుగుతారు. థైరాయిడ్ హార్మోన్స్ తగ్గితే శరీరం వెయిట్ పెరుగుతుంది. దీన్ని హైపో థైరాయిడిజమని అంటారు.
- థైరాయిడ్ హార్మోన్స్ పెరిగితే ఒక్కసారిగా శరీర బరువు తగ్గుతుంది. దీన్ని హైపర్ థైరాయిడిజమని అంటారు.
- జుట్టు రాలిపోతుంది.
- అధికంగా చెమట పడుతుంది.
- ఈ వ్యాధికి సంబంధించి బయటకు కనిపించే లక్షణాలలో మెడ ఉబ్బడం ఒకటి. థైరాయిడ్ గ్రంథి మార్పుల వల్ల ఈ లక్షణం కనిపిస్తుంది.
- థైరాయిడ్ సమస్య తలెత్తినప్పుడు శరీర ఉష్ణోగ్రతలో మార్పు కనిపిస్తుంది. ఒక్కసారిగా పెరగడమో, తగ్గడమో కనిపిస్తుంది. ఎక్కువ చలిగానో లేదా ఎక్కువ వేడిగానో అనిపిస్తుంది.
- చర్మం పొడిబారుతుంది.
- గోర్లు పెలుసుగా మారతాయి.
- కాళ్లు, చేతులు తిమ్మిర్లు వస్తాయి.
- చేతులు జలదరింపులకు గురవుతాయి.
- మలబద్ధకంతో బాధపడతారు.
- అసాధారణ రుతుస్రావం వంటివి అన్నీ కూడా హైపోథైరాయిడ్ లక్షణాలను డాక్టర్ పి.వి రావు చెబుతున్నారు.
థైరాయిడ్కు, బరువు పెరగడానికి సంబంధమేంటి?
హైపర్ థైరాయిడ్ లక్షణాలు :
- కండరాల బలహీనత లేదా చేతులు వనకడం
- దృష్టి సమస్యలు
- విరేచనాలు
- క్రమరహిత రుతుచక్రం
- థైరాయిడ్ వ్యాధి రుతుచక్రాన్ని ప్రభావితం చేస్తుంది.
- హైపోథైరాయిడ్ కారణంగా కొవ్వు అధికంగా పెరిగి హార్ట్స్ట్రోక్ వచ్చే ప్రమాదం ఉంటుంది.
- కొన్నిసార్లు తక్కువ హార్మోన్ల కారణంగా స్పృహ తప్పే అవకాశం ఉంటుంది.
- హైపోథైరాయిడ్ సమస్య ఉన్నవారు నిర్లక్ష్యంగా వ్యవహరిస్తే గుండె సంబంధిత సమస్యలు వస్తాయి. అందుకే ఈ సమస్య ఉన్నవారు వైద్యులను కలిసి.. వారు సూచించిన మందులను డైలీ వాడుకోవాలని డాక్టర్ పి.వి రావు చెబుతున్నారు.
NOTE : ఇక్కడ మీకు అందించిన ఆరోగ్య సమాచారం, సూచనలు అన్నీ మీ అవగాహన కోసం మాత్రమే. శాస్త్ర పరిశోధనలు, అధ్యయనాలు, వైద్య, ఆరోగ్య నిపుణుల సూచనల ప్రకారమే మేము ఈ సమాచారాన్ని అందిస్తున్నాం. కానీ, వీటిని పాటించే ముందు కచ్చితంగా మీ వ్యక్తిగత వైద్యుల సలహాలు తీసుకోవడమే మంచిది.
ఇవి కూడా చదవండి :
మీ పిల్లల్లో ఈ లక్షణాలు ఉన్నాయా? - అయితే థైరాయిడ్ కావొచ్చు!
థైరాయిడ్తో ఇబ్బంది పడుతున్నారా? - ఈ టిప్స్తో అదుపులోకి రావడం పక్కా!
