'ప్రోబయోటిక్స్' తింటున్నారా? వీటి వల్ల ఎన్ని లాభాలో తెలుసా? - Probiotics Health Benefits

Probiotics Health Benefits : మనం తీసుకునే ఆహారం మనల్ని అనేక అనారోగ్య సమస్యల నుంచి కాపాడుతుంది. ఇలా మన శరీరానికి మేలు చేసే ఆహార పదార్థాల్లో ముందుగా చెప్పుకోవాల్సింది పులియబెట్టిన ఆహారాల గురించి. పెరుగులాంటి పులియబెట్టిన పదార్థాలను తీసుకోవడం వల్ల శరీరానికి ఎంతో మేలు జరుగుతుంది. ఈ నేపథ్యంలో పెరుగుతో పాటు పులియబెట్టిన ఆహారాల వల్ల మన శరీరానికి కలిగే ఆరోగ్య లాభాలేంటో ఇప్పుడు తెలుసుకుందాం.

Probiotics Health Benefits : వ్యాధుల మీద రెండు రకాలుగా పోరాడవచ్చు. ఒకటి వ్యాధులకు సరైన మందులు వాడటం ద్వారా లేదా చికిత్స చెయ్యడం ద్వారా. రెండోది వ్యాధులు రాకుండా ఆహారం ద్వారా సొంతంగా శరీరాన్ని రక్షించుకోవడం ద్వారా. అయితే వైద్యులు ఇప్పుడు వ్యాధులు రాకుండా సొంతంగా శరీరాన్ని సిద్ధం చేసుకోవాలని సూచిస్తున్నారు. ఇందుకోసం ముఖ్యంగా ప్రోబయోటిక్స్​ ఫుడ్స్​ను మీ డైట్​లో చేర్చుకోమని సలహా ఇస్తున్నారు. ఇంతకీ అసలు ప్రోబయోటిక్స్ అంటే ఏంటి? వాటి వల్ల కలిగే ఆరోగ్య ప్రయోజనాలేంటో ఇప్పుడు తెలుసుకుందాం.

ప్రోబయోటిక్స్ అంటే ఏంటి?
What Is Probiotics : మన పొట్టలో కోట్ల సంఖ్యలో బ్యాక్టీరియా నివసిస్తుంది. మనం తిన్న ఆహారం జీర్ణం చేయడం దగ్గర్నుంచి క్యాన్సర్లు, ఎలర్జీల బారిన పడకుండా రక్షణగా ఈ బ్యాక్టీరియా నిలుస్తోంది. అయితే ఇందులో 10శాతం చెడ్డ బ్యాక్టీరియా ఉండగా, మిగతా బ్యాక్టీరియా శరీరానికి ఎంతో మేలు చేస్తుంది. కాగా మంచి బ్యాక్టీరియాను పెంచడానికి పులియబెట్టిన ఆహారాలను తీసుకోవడం ఉత్తమమని చెబుతున్నారు డాక్టర్లు. ఇలా పులియబెట్టిన ఆహారాలను లేదా మంచి బ్యాక్టీరియాను పెంచే విధంగా సప్లిమెంట్లను వైద్యపరంగా 'ప్రోబయోటిక్స్​' అని పిలుస్తారు.

ఇడ్లీ, దోశ పిండిలోనూ ప్రోబయోటిక్స్​
మనం రోజూ తినే దోశ, ఇడ్లి లాంటి వాటి కోసం పిండిని పులియబెట్టడం వల్ల మన శరీరంలోకి మంచి బ్యాక్టీరియా చేరుతుంది. ఈ రకంగా పులియబెట్టిన పిండిలను ప్రోబయోటిక్స్​గా చెప్పుకుంటాం. అలాగే పాలలో తోడు వేసి పులియబెట్టడం వల్ల మంచి ప్రయోజనాలు కలుగుతాయి. ఈ రెండు పద్ధతుల్లోనే కాకుండా మార్కెట్లో కృత్రిమంగా దొరికే సప్లిమెంట్ల ద్వారా ప్రోబయోటిక్స్​ను పొందవచ్చు. ఈ మధ్య కాలంలో జీర్ణ సంబంధిత సమస్యలను డీల్​ చెయ్యడానికి వైద్యులు చాలా వరకు పెరుగు లేదా మజ్జిగ వంటి ప్రోబయోటిక్స్​ను ఎక్కువగా తీసుకోవాలని సలహా ఇస్తున్నారు.

క్యాన్సర్​, చర్మ సమస్యలూ దూరం!
వీరేచనాలు అయినప్పుడు పెరుగు తింటే మంచి ఫలితాలు దక్కడం ఇందుకు నిదర్శనం. ఈ ప్రోబయోటిక్స్​ తీసుకోవడం ద్వారా శరీరంలోకి మంచి బ్యాక్టీరియా చేరి అనారోగ్య సమస్యల మీద పోరాడుతుంది. ఫలితంగా శరీరం పూర్వస్థితికి వస్తుంది. పొట్ట సంబంధిత సమస్యలకు ప్రోబయోటిక్స్​ అద్భుతంగా పని చేస్తాయి. వీరేచనాలు, పొట్టపూత సమస్యతో పాటు చర్మ సమస్యలు, వ్యాధినిరోధక శక్తిని పెంచడం, శ్వాసకోశ సంబంధిత వ్యాధులు, ఎలర్జీలకు ప్రోబయోటిక్స్​ ఫుడ్స్​ అద్భుతంగా పని చేస్తాయి. మానసిక రుగ్మతలకు మంచి పరిష్కారంగానూ ఈ ప్రోబయోటిక్స్​ను వైద్యులు సూచిస్తున్నారు. అలాగే క్యాన్సర్​ చికిత్సలో కూడా ప్రోబయోటిక్స్​ మంచి ఫలితాలు ఇస్తున్నట్లు అధ్యయనాలు తేల్చాయి.

• " class="align-text-top noRightClick twitterSection" data="">

ముఖ్య గమనిక : ఈ వెబ్​సైట్​లో మీకు అందించిన ఆరోగ్య సమాచారం, వైద్య చిట్కాలు, సూచనలు అన్నీ మీ అవగాహన కోసం మాత్రమే. శాస్త్ర పరిశోధనలు, అధ్యయనాలు, వైద్య, ఆరోగ్య నిపుణుల సూచనల ప్రకారమే మేము ఈ సమాచారాన్ని అందిస్తున్నాం. కానీ వీటిని పాటించే ముందు కచ్చితంగా మీ వ్యక్తిగత వైద్యుల సలహాలు తీసుకోవడమే మంచిది.