కళ్లు ఉప్పు వాడుతున్నారా? - ఏం జరుగుతుందో తెలుసా! - Amazing Benefits of crystal salt

Crystal Salt Benefits: వంటల్లో ఎన్ని దినుసులు వేసినా.. ఉప్పు, కారం సరిగ్గా లేకుంటే ఆ వంట రుచిగా ఉండదు. అయితే.. కొంతమంది మార్కెట్లో లభించే మొత్తటి సాల్ట్​ను వాడితే, మరికొందరు కళ్లు ఉప్పు వాడుతుంటారు. మరి.. వీటి ఆరోగ్య ప్రయోజనాలు ఎలా ఉంటాయో మీకు తెలుసా?

Amazing health Benefits of crystal salt: ఉప్పు ఆహారానికి రుచిని అందించడం మాత్రమే కాదు.. మన శరీరానికి అయోడిన్‌ అందిస్తుంది. థైరాయిడ్‌ గ్రంథి పనితీరుని నియంత్రించడం, శరీరంలోని ద్రవాలను సమతుల్యం చేయడంలో అయోడిన్‌ ఎంతో ఉపయోగపడుతుంది. అయితే.. సోడియం అధికంగా తీసుకుంటే.. హైబీపీ, కిడ్నీ, గుండె సమస్యలు వచ్చే అవకాశం ఉందని వైద్య నిపుణులు హెచ్చరిస్తున్నారు. అయితే ఏ ఉప్పు వాడుతున్నామనేది ముఖ్యమని నిపుణులు అంటున్నారు.

కళ్లు (సముద్రపు ఉప్పు) ఉప్పును ఎంచుకోవడం మంచిదని సూచిస్తున్నారు. ఇందులో కాల్షియం, పొటాషియం, సోడియం, మెగ్నీషియం, ఐరన్​, జింక్​ పుష్కలంగా ఉంటాయని.. వీటి వల్ల పలు ఆరోగ్యానికి మేలు జరుగుతుందని అంటున్నారు.

మెరుగైన జీర్ణక్రియ : కళ్లు ఉప్పు తీసుకుంటే.. ఎన్నో వ్యాధులు వచ్చే ప్రమాదం తగ్గుతుందని నిపుణులు అంటున్నారు. కళ్లు ఉప్పు.. జీర్ణ రసాల ఉత్పత్తిని పెంచడంలో సాయపడుతుందని.. ఇది ఆహారం విచ్ఛిన్నతకు, శోషణకు సాయపడుతుందని అంటున్నారు. అలాగే.. మలబద్ధకం, కడుపు ఉబ్బరం సమస్యను తగ్గించడంలో సహాయపడుతుంది. శరీరానికి చల్లదనం, శక్తిని ఇవ్వడంలోనూ సాయపడుతుందని చెబుతున్నారు.

2020లో "జర్నల్ ఆఫ్ న్యూట్రిషన్ అండ్ మెటబాలిజం"లో ప్రచురితమైన అధ్యయనం ప్రకారం.. కళ్లు ఉప్పు జీర్ణక్రియను మెరుగుపరుస్తుందని, అలాగే మలబద్ధకం సమస్యను కూడా తగ్గిస్తుందని కనుగొన్నారు. ఈ పరిశోధనలో కింగ్ జార్జ్ మెడికల్ యూనివర్సిటీలోని గ్యాస్ట్రోఎంటరాలజీ విభాగంలో పనిచేస్తున్న డా.A.K. సింగ్​ పాల్గొన్నారు.

రోగనిరోధక శక్తి : కళ్లు ఉప్పులో యాంటీబాక్టీరియల్, యాంటీవైరల్ లక్షణాలు ఉన్నాయి. ఇవి ఇన్ఫెక్షన్లకు వ్యతిరేకంగా పోరాడటానికి సహాయపడతాయి. ఇవి రోగనిరోధక వ్యవస్థను బలోపేతం చేయడంలో, అనారోగ్యానికి గురయ్యే ప్రమాదాన్ని తగ్గించడంలో కూడా సహాయపడతాయి.

శ్వాసకోశ వ్యవస్థను మెరుగుపరుస్తుంది: కళ్లు ఉప్పు.. శ్లేష్మం కదలికను పెంచడంలో సహాయపడుతుంది. ఇది ఊపిరితిత్తుల నుంచి శ్లేష్మం, కాలుష్యాలను తొలగించడానికి సహాయపడుతుంది. ఇది దగ్గు, జలుబు, శ్వాసకోశ ఇన్ఫెక్షన్లకు చికిత్స చేయడంలో సహాయపడుతుంది.

కండరాల నొప్పులను తగ్గిస్తుంది: కళ్లు ఉప్పు నొప్పి, వాపును తగ్గించడంలో సహాయపడే యాంటీ-ఇన్ఫ్లమేటరీ లక్షణాలను కలిగి ఉంటుంది. కీళ్ల నొప్పులకు చికిత్స చేయడంలో ఇది సమర్థవంతంగా పనిచేస్తుందని అంటున్నారు.

కంటికి మేలు: కళ్లు ఉప్పు కంటికి మేలు చేస్తుందని నిపుణులు అంటున్నారు. దీన్ని రోజూ ఆహారంలో చేర్చుకుంటే.. అనేక రకాల ఇన్ఫెక్షన్లు, వ్యాధులు నుంచి మీ కళ్లను కాపాడుకోవచ్చని సూచిస్తున్నారు.

చర్మ ఆరోగ్యాన్ని మెరుగుపరుస్తుంది: కళ్లు ఉప్పు చర్మాన్ని శుభ్రపరచడానికి, విషాలను తొలగించడానికి సహాయపడే యాంటీసెప్టిక్ లక్షణాలను కలిగి ఉంటుంది. ఇది మొటిమలు, సోరియాసిస్, ఎగ్జిమా వంటి చర్మ పరిస్థితులకు చికిత్స చేయడంలో కూడా సహాయపడుతుంది. ఇవే కాకుండా మరికొన్ని ప్రయోజనాలు కూడా ఉన్నాయి. అవి..

• కళ్లు ఉప్పు వేసవి కాలంలో డీహైడ్రేషన్​ సమస్యను నివారిస్తుంది.
• ఒక గ్లాసు గోరు వెచ్చని నీటిలో అర చెంచా కళ్లు ఉప్పు కలుపుకుని తాగితే మానసిక ఒత్తిడి తొలగిపోయి మానసిక ప్రశాంతత లభిస్తుందని నిపుణులు అంటున్నారు.
• షాంపూలో కాస్త కళ్లు ఉప్పు కలిపి తలస్నానం చేస్తే జుట్టు రాలే సమస్యలు కూడా తగ్గుతాయని అంటున్నారు.