Amala About Nagarjuna Angry : కింగ్ నాగార్జున ఒకానొక సందర్భంలో తన వైఫ్ అమలతో మాట్లాడటమే మానేశారట. ఈ సంగతి గురించి అమలనే స్వయంగా చెప్పారంటూ ఓ ఇంగ్లీష్ మీడియా రాసుకొచ్చింది. ఇంతకీ ఆయన ఎందుకలా చేశారంటే?
నాగ్ ప్రేమగా పెంచుకునే ఓ లాబ్రాడర్ డాగ్‌ను ట్రైనింగ్ కోసం ఒక నెల పాటు బయటకు పంపడం వల్ల ఇదంతా జరిగిందని అంటున్నారు. తన షూటింగ్ పని వల్ల బయటకు వెళ్లిన నాగార్జున ఇంటికి తిరిగి వచ్చేసరికి తన పెంపుడు కుక్క కనిపించకపోవడంతో షాక్ అయ్యారట. ట్రైనింగ్ కోసం ఒక నెల రోజులు బయటకు పంపించానని చెప్పినప్పటికీ కోపం తగ్గలేదట. అంతేకాకుండా నీతో నేను మాట్లాడను అని అమల మీద కోపగించుకున్నారట కూడా.
"ఆ లాబ్రాడర్‌ను కేవలం ఒక నెల మాత్రమే ట్రైనింగ్ కోసం పంపించాను. ఎందుకంటే అది బాగా ట్రైన్ అవ్వాలనేది నా ఉద్దేశ్యం. తన షూటింగ్ పూర్తి చేసుకుని నాగ్ ఇంటికి వచ్చేసరికి ఆ కుక్క ఆయనకు కనిపించలేదు. ప్రతిసారీ ఆయన వచ్చీరాగానే అదే ముందు వెళ్లి వెల్కమ్ చెబుతుంది. అలా జరగకపోవడంతో షాక్ అయి అఖిల్‌ని, నన్ను దాని గురించి అడిగారు. ఆయనకు పూర్తిగా వివరించి చెప్పాను. అంతే నేనిక నీతో మాట్లాడను అనేశారు" అని తెలిపారు అమల.
విషయం అక్కడితో ముగిసిపోలేదు. అలా రోజుల తరబడి మాట్లాడకుండా ఉండిపోయిన నాగ్.. ట్రైనింగ్ పూర్తి చేసుకుని లాబ్రాడర్ ఇంటికి వచ్చిన తర్వాత మనసు మార్చుకున్నారట. అమలతో ఆ తర్వాత నుంచి మళ్లీ మాట్లాడటం మొదలుపెట్టారట.
"అప్పటికే వారానికి పైగా గడిచిపోయింది. నాగ్ నాతో మాట్లాడటం లేదు. ఒక పదిరోజుల తర్వాత ఆ కుక్కకు ట్రైనింగ్ ఇప్పించడం ఎంత తప్పనిసరో ఆయన అర్థం చేసుకున్నారు. అలా రియలైజ్ అయి మాట్లాడారు" అని ముగించారు అమల. ట్రైనింగ్ ఇవ్వడం మంచిదే కానీ, తన పెంపుడు కుక్కను ఇంటికి దూరంగా అన్ని రోజులు ఉంచడంపై ఇప్పటికీ ఆయన కోపం తగ్గలేదట. ఆ విషయంలో అమలను ఎప్పటికీ క్షమించనని కూడా అన్నారట.
ఫ్యాన్కు సారీ చెప్పిన నాగ్ - దగ్గరకు తీసుకుని ఆప్యాయంగా మాట్లాడి! - Nagarjuna Airport Video
'ఆయన పాటలు మనుషులకు నేస్తాలు - అందుకే ఆ సినిమా అంత పెద్ద హిట్' - Nagarjuna About Sirivennela
