Vikram About Aparichitudu Remake : వర్సటైల్ యాక్టర్ చియాన్ విక్రమ్, డైరెక్టర్ శంకర్ కాంబినేషన్‌లో తెరకెక్కిన బ్లాక్బస్టర్ మూవీ 'అపరిచితుడు'. 2005లో విడుదలైన ఈ సినిమా శంకర్ హిట్ లిస్ట్లో మాసివ్ సక్సెస్ అందుకున్న చిత్రంగా రికార్డుకెక్కింది. అయితే తాజాగా ఈ సినిమా రీమేక్ గురించి చర్చలు జరుగుతున్న సమయంలో హీరో విక్రమ్ ఇంట్రెస్టింగ్ కామెంట్స్ చేశారు. అలాగే ఈ మూవీ హిందీ వెర్షన్‌ రీమేక్లో బాలీవుడ్ స్టార్ హీరో రణ్వీర్ సింగ్ నటించడం పట్ల స్పందించారు.
"అపరిచితుడు రీమేక్ గురించి డైరెక్టర్ శంకర్‌కు మాత్రమే తెలుసు. అయితే దాన్ని నాతో ఎందుకు తీయడం లేదని ఆయన్నే అడగండి (నవ్వుతూ). ఇది నిజంగానే ఓ ప్రతిష్టాత్మకమైన చిత్రం. ఇందులో రణ్వీర్ సింగ్ అద్భుతంగా చేస్తాడని నాకు నమ్మకం ఉంది. ఇక ఇండస్ట్రీలో నాకు ఇష్టమైన నటుల్లో రణ్వీర్ కూడా ఒకరు. ఆయన్ను అపరిచితుడు పాత్రలో చూడటం కోసం నేను ఎంతో ఆసక్తిగా ఎదురుచూస్తున్నాను. వీలైనంత త్వరగా ఈ సినిమా రీమేక్ను చూడాలని ఆశిస్తున్నాను" అని విక్రమ్ అన్నారు.
ఇక అపరిచితుడు విషయానికి వస్తే, విక్రమ్కు కూడా ఈ సినిమా మంచి గుర్తింపును ఇచ్చింది. ఆయనలోని వర్సటైల్ యాక్టింగ్కు ఇది సరైన ఉదాహరణగా నిలిచింది. ఈ సినిమా ద్వారా అటు తమిళ ప్రేక్షకులే కాకుండా ఇటు తెలుగు ఆడియెన్స్ కూడా బాగా కనెక్ట్ అయ్యారు. శంకర్ తన క్రియేటివిటీతో ఈ చిత్రాన్ని ఎంతో అద్భుతంగా తెరకెక్కించి అందర్నీ మెప్పించారు.
అయితే గతంలో ఈ సినిమాను హిందీలో రీమేక్ చేయాలని అనుకున్నారు. ఇందుకు బాలీవుడ్ స్టార్ రణ్వీర్ సింగ్ను ఎంపిక చేసుకుని 2021లోనే ఈ చిత్రాన్ని తెరకెక్కించేందుకు సన్నాహాలు చేశారు. అంతేకాకుండా డైరెక్టర్ శంకర్ కూడా ఈ సినిమా గురించి అప్పట్లోనే అధికారికంగా ప్రకటించారు. పెన్‌ స్టూడియోస్‌ సంస్థలో జయంతిలాల్‌ ఈ చిత్రాన్ని పాన్ ఇండియా స్థాయిలో నిర్మించనున్నట్లు చెప్పారు. అయితే ఈ సినిమా నిర్మాత హిందీ రీమేక్‌కు సంబంధించిన ఆర్థిక అంశాల విషయమై కోర్టుకెక్కగా, ఆ సినిమా సన్నాహాలు కాస్తా వాయిదా పడింది. కానీ అప్పటినుంచి దీనిపై ఎలాంటి అప్‌డేట్‌ కూడా వెలువడకపోవడం గమనార్హం.
'రాజమౌళితో సినిమా నిజమే, కానీ' - 'తంగలాన్' విక్రమ్ - Rajamouli Thangalaan Chiyaan Vikram
ప్రభాస్ను అలా అస్సలు పిలవకూడదు! : చియాన్ విక్రమ్ - Chiyaan Vikram comments on Prabhas
