'ది గోట్' ఫ‌స్ట్ డే క‌లెక్ష‌న్స్ అఫీషియల్ డీటెయిల్స్​ - ఏకంగా ఎంత వసూలు చేసిందంటే? - The GOAT First Day Collections

Vijay Thalapathy The GOAT Movie Collections WorldWide : వెంకట్​ ప్రభు దర్శకత్వంలో కోలీవుడ్ స్టార్ హీరో ఇళయ దళపతి విజయ్ నటించిన సినిమా 'ది గ్రేటెస్ట్ ఆఫ్ ఆల్ టైమ్'(ది గోట్). ఈ చిత్రం తొలి రోజు భారీ వసూళ్లను అందుకుంది. ఎంతంటే?

Vijay Thalapathy The GOAT Movie Collections WorldWide : వెంకట్​ ప్రభు దర్శకత్వంలో కోలీవుడ్ స్టార్ హీరో ఇళయ దళపతి విజయ్ నటించిన సినిమా 'ది గ్రేటెస్ట్ ఆఫ్ ఆల్ టైమ్'(ది గోట్). సెప్టెంబర్ 5న విడుదలైన ఈ చిత్రం మిక్స్​డ్​ టాక్​ అందుకుంది. అయినప్పటికీ ఈ చిత్రం తొలి రోజు భారీ వసూళ్లను అందుకుంది. ప్రపంచ వ్యాప్తంగా రూ. 126 కోట్లకుపైగా (గ్రాస్‌) వసూళ్లు కలెక్ట్ చేసింది. ఈ విషయాన్ని ఏజీఎస్​ ఎంటర్​టైన్మెంట్ సంస్థ వెల్లడించింది.

ఆ​ ఎపిసోడ్​​ సూపర్​ - విజయ్ మేనరిజంతో పాటు ఆయనపై తెర‌కెక్కించిన పలు యాక్ష‌న్ ఎపిసోడ్స్ అదిరిపోయాయంటూ ఫ్యాన్స్ చెబుతున్నారు. తండ్రిపై ప‌గ‌ను పెంచుకున్న ఓ కొడుకు క‌థ‌తో ఈ సినిమా తెరకెక్కింది. అయితే వెంక‌ట్ ప్ర‌భు అందించిన ఈ క‌థ‌లో కొత్త‌ద‌నం లేదని అంటున్నారు. అలాగే విజ‌య్ లుక్​పై కూడా విమర్శలు చేస్తున్నారు.

G.O.A.T at the Box office 💣

Day 1 worldwide gross collection stands tall at 126.32 crores+ 💥#GOATBlockbuster@actorvijay Sir

A @vp_offl Hero
A @thisisysr Magical #TheGreatestOfAllTime#ThalapathyIsTheGOAT#KalpathiSAghoram#KalpathiSGanesh#KalpathiSSuresh… pic.twitter.com/MbfuwclNtF

— AGS Entertainment (@Ags_production) September 6, 2024

రూ.350 కోట్ల బడ్జెట్​ - విజ‌య్ పొలిటిక‌ల్ ఎంట్రీకి ముందు వ‌చ్చిన సినిమా కావడంతో ఈ చిత్రంపై భారీగా అంచ‌నాలు ఏర్ప‌డ్డాయి. దీంతో విజయ్ అభిమానులంతా ఈ సినిమా కోసం ఎంతో ఆసక్తిగా ఎదురు చూశారు. అందుకు తగ్గట్టే ఈ చిత్రాన్ని దాదాపు రూ.350 కోట్ల బ‌డ్జెట్‌తో తెరకెక్కించారు. ఈ చిత్రం కోసం విజయ్​ రూ.200 కోట్ల వరకు రెమ్యునరేషన్​ తీసుకున్నట్లు సమాచారం.

సినిమాలో ఎవరెవరున్నారంటే?(The GOAT Cast and Crew) - ది గోట్ చిత్రానికి వెంక‌ట్ ప్ర‌భు ద‌ర్శ‌క‌త్వం వ‌హించారు. సినిమాలో తండ్రీకొడుకులుగా విజ‌య్ ద్విపాత్రాభినయం చేశారు. మీనాక్షి చౌద‌రి, స్నేహా హీరోయిన్లుగా న‌టించారు. సీనియర్ హీరోయిన్ త్రిష స్పెషల్ సాంగ్​లో చిందులేసింది. ప్ర‌శాంత్‌, ప్ర‌భుదేవా, అజ్మల్ అమీర్, లైల, వైభవ్, యోగిబాబు, జ‌య‌రామ్‌తో పాటు ప‌లువురు సీనియ‌ర్ నటులు ఇతర కీల‌క పాత్ర‌ల్లో కనిపించారు. యువ‌న్ శంక‌ర్ రాజా సంగీతం అందించారు. ఎడిటింగ్ - వెంకట్ రాజన్; సినిమాటోగ్రఫీ - సిద్ధార్థ్ నూని; నిర్మాత - కల్పతి ఎస్. అఘోరం, కల్పతి గణేశ్, కల్పతి సురేశ్.