Vijay Thalapathy Son Movie With Sundeep Kishan : హీరోల వారసులు హీరోలుగా చిత్ర పరిశ్రమలోకి అడుగుపెట్టడం అన్నీ ఫిల్మ్ ఇండస్ట్రీలో చూస్తూనే ఉంటాం. అయితే కోలీవుడ్ స్టార్ హీరో దళపతి విజయ్ తనయుడు జాసన్ సంజయ్ మాత్రం ఇందుకు భిన్నంగా అడుగులు వేస్తున్న సంగతి తెలిసిందే. ఆయన ఆ మధ్యలో దర్శకుడిగా ఎంట్రీ ఇవ్వనున్నట్లు వార్తలు వచ్చాయి.
ఇప్పుడు మరోసారి ఈ విషయం తెరపైకి వచ్చింది. ఆయన తన డెబ్యూ మూవీని కోలీవుడ్ అగ్ర నిర్మాణ సంస్థ లైకా ప్రొడ‌క్ష‌న్స్‌లో చేయ‌బోతున్నాడు. ఈ సినిమాలో సందీప్ కిషన్ హీరోగా న‌టించ‌నున్న‌ట్లు సమాచారం. యూత్‌ఫుల్ ల‌వ్ ఎంట‌ర్‌టైన‌ర్‌గా ఈ చిత్రం రూపొందిస్తున్నట్లు ప్రచారం సాగుతోంది. త‌మ‌న్ సంగీతం సమకూర్చబోతున్నారని తెలిసింది. త్వ‌ర‌లోనే ఈ సినిమాకు సంబంధించి అఫీషియల్ అనౌన్స్మెంట్ రానుందట.
మొదట ఈ చిత్రంలో చియాన్ విక్ర‌మ్ తనయుడు ధృవ్ విక్ర‌మ్ హీరోగా నటిస్తారని వార్తలు వచ్చాయి. కానీ ఎందుకో ఈ కాంబో సెట్ కాలేదు. అందుకే ధృవ్ విక్ర‌మ్ స్థానంలో సందీప్ కిషన్ తీసుకున్నట్లు అంటున్నారు. కాగా, లండ‌న్‌లో స్క్రీన్ రైటింగ్‌లో జాసన్ సంజయ్ గ్రాడ్యుయేష‌న్ను పూర్తి చేశాడు. ఆ త‌ర్వాత కెన‌డాలో ఫిల్మ్ మేకింగ్ కోర్సు చేశాడు. విజయ్ నటించిన వెట్టైకారన్ చిత్రంలో జాసన్ ఓ పాటలో కనువిందు చేశారు. అయితే విజయ్ ఫ్యాన్స్ మాత్రం జాసన్ హీరోగా రావాలని ఆశిస్తున్నారు.
ఇకపోతే రీసెంట్గా రిలీజైన ధనుశ్ రాయ‌న్ చిత్రంతో కోలీవుడ్లో మంచి గుర్తింపును తెచ్చుకున్నారు సందీప్ కిషన్. ఈ చిత్రంలో కాస్త నెగటివ్ షేడ్స్‌తో ఉన్న పాత్రను చేశారు. ఈ సినిమా మంచి వసూళ్లను అందుకుంది. అంతకుముందు ధనుశ్ నటించిన కెప్టెన్ మిల్లర్లోనూ ఆర్మీ సోల్జ‌ర్ పాత్ర‌లో కనిపించారు సందీప్ కిషన్. తెలుగులో ఆయన చివరిగా హార‌ర్ ఫాంట‌సీ ఊరు పేరు భైర‌వ‌కోన చిత్రంలో కనిపించారు. ఇది మంచి టాక్ను దక్కించుకుంది. ప్ర‌స్తుతం ఆయన ధ‌మాకా దర్శకుడు త్రినాథ‌రావు న‌క్కిన‌తో పాటు మరో యాక్ష‌న్ కామెడీ చిత్రంలోనూ ఓ సినిమా చేస్తున్నారు.
ఇక విజయ్ దళపతి హీరోగా నటించిన ది గోట్ రీసెంట్గా విడుదలై మిక్స్డ్ టాక్ దక్కించుకుంది. కానీ మంచి వసూళ్లను అందుకుంటోంది. వెంక‌ట్ ప్ర‌భు ఈ చిత్రానికి ద‌ర్శ‌క‌త్వం వ‌హించారు.
మలయాళంలో 'క' మూవీ గ్రాండ్ రిలీజ్! - స్టార్ హీరో చేతికి థియేట్రికల్ రైట్స్ - Kiran Abbavaram KA Movie
బాలీవుడ్ భారీ సీక్వెల్ మూవీలో ప్రభాస్, సూర్య! - Prabhas Suriya Cameo Roles
