96 Movie Sequel : చిత్ర పరిశ్రమలో ప్రేమకథా చిత్రాలకు ప్రత్యేకమైన ఫ్యాన్ బేస్ ఉంటుంది. అందుకే లవ్స్టోరీ బ్యాక్డ్రాప్లో ఎన్నో చిత్రాలొచ్చినా అందులో ఏదో ఒక కొత్తదనాన్ని వెతుక్కొని మరీ ప్రేక్షకులు ఆస్వాదిస్తుంటారు. అలాంటి ఓ ప్రేమకథే '96'. సున్నితమైన ప్రేమ కథతో తెరకెక్కిన ఈ చిత్రం అప్పట్లో ప్రేక్షకులను విశేషంగా ఆకట్టుకుంది. ముఖ్యంగా యువత మనసులను దోచేసింది. క్లాసిక్ హిట్గా నిలిచింది. విలక్షణ నటుడు విజయ్ సేతుపతి, త్రిష పోషించిన రామ్ - జాను పాత్రలు, వారి ప్రేమప్రయాణం సినీ ప్రియుల మనసుల్ని ఎంతగానో హత్తుకుంది.
ఇప్పటికీ ఈ సినిమాను ఆడియెన్స్ పలు సార్లు చూస్తూనే ఉంటారు. దర్శకుడు ప్రేమ్ కుమార్ ఈ చిత్రాన్ని తెరకెక్కించారు. అయితే ఇప్పుడీ సినిమాకు సీక్వెల్ వచ్చేందుకు సిద్ధమైంది. ఈ విషయాన్ని దర్శకుడు ప్రేమ్ ప్రకటించారు. ఈ ప్రాజెక్టుకు సంబంధించిన స్క్రిప్ట్‌ పనులు పూర్తైనట్లు చెప్పుకొచ్చారు. వాస్తవానికి ఈ సినిమాకు సీక్వెల్ ఉంటుంది ఆ మధ్య జోరుగా ప్రచారం సాగింది. దర్శకుడు ప్రేమ కుమార్ కూడా 96 సీక్వెల్ కోసం రెడీ అవుతున్నట్లు గతంలో ఓ సారి తెలిపారు. ఇప్పుడు మళ్లీ ఈ విషయాన్ని అఫీషియల్గా కన్ఫామ్ చేశారు.
ప్రస్తుతం '96' షూటింగ్ ప్రారంభించడానికి సన్నాహాలు జరుగుతున్నట్లు తెలుస్తోంది. త్రిష, విజయ్‌ల కాల్‌షీట్స్‌ ప్రకారం ఈ షూటింగ్‌ను ప్లాన్‌ చేయాలని మూవీ టీమ్ నిర్ణయించుకున్నట్లు చిత్ర సన్నిహిత వర్గాలు తెలిపాయి.
Vijay Sethupathi Trisha Upcoming Movies : ఇకపోతే విజయ్ సేతుపతి నటించిన 'విడుదలై' పార్ట్ 2 విడుదలకు సిద్ధంగా ఉంది. ఇంకా ఆయన గాంధీ టాక్స్, ఏస్, ట్రైన్ చిత్రాల్లో నటిస్తున్నారు. త్రిష విషయానికొస్తే ఇడెంటిటీ, విదాముయార్చి, విశ్వంభర, థగ్ లైఫ్, గుడ్ బ్యాడ్ అగ్లీ, రామ్, సూర్య 45 చిత్రాల్లో నటిస్తోంది. దర్శకుడు ప్రేమకుమార్ రీసెంట్గానే కార్తి, అరవింద్ స్వామితో కలిసి 'సత్యం సుందరం' చిత్రం తెరకెక్కించి మంచి హిట్ అందుకున్నారు. ప్రేక్షకుల హృదయాలను తాకిందీ చిత్రం.
గుర్తుంచుకో, అది వడ్డీతో సహా తిరిగి వస్తుంది : కాంట్రవర్సీ వేళ నయన్ పోస్ట్
నాట్ ఓన్లీ వైల్డ్ ఫైర్, ఈసారి ఎమోషనల్ రైడ్ - ఫ్యామిలీ ఆడియెన్స్ కోసం 'పుష్ప 2'
