Vishwak Sen Gangs Of Godavari: విశ్వక్ సేన్ నటించిన 'గ్యాంగ్స్ ఆఫ్ గోదావరి' సడెన్గా పోస్ట్పోన్ చేయడం వల్ల ఇండస్ట్రీ వర్గాల్లోని పలు సినిమాల విడుదల విషయంలో సందిగ్ధం నెలకొంది. వాస్తవానికి గతేడాది డిసెంబర్ నుంచి అదిగో ఇదిగో అంటూ 2024 మే 17కి రిలీజ్ డేట్ ఫిక్స్ చేసుకున్న ఈ విలేజ్ డ్రామా ఇప్పుడు ఆ తేదీ నుంచి కూడా డ్రాప్ అయ్యింది. ఈ సినిమా మే 31కు షిఫ్ట్ అయినట్లు చెప్పి మరో ఐదుగురు హీరోలకు షాక్ ఇచ్చింది.
మే 17న ఈ సినిమా వచ్చేసి ఉంటే ఎన్నికల మూడ్ నుంచి కాస్త బయటికి వచ్చిన ప్రేక్షకులు థియేటర్లకు వెళ్లేవారేమో. కానీ, ఈ అనూహ్య నిర్ణయం వల్ల ఇప్పుడా పరిస్థితి లేదు. పైగా మే 31పై కర్చీఫ్ వేసుకున్న మరో ఐదుగురు హీరోలకు ఇబ్బంది పడే పరిస్థితి తలెత్తినట్టు అయింది. దీంతో ఈ ఐదుగురిలో కచ్చితంగా ఇద్దరు లేదా ముగ్గురు తప్పుకోవాల్సిందే అనిపిస్తోంది.
సూపర్ స్టార్ కృష్ణ ఫ్యామిలీ నుంచి వచ్చిన సుధీర్ బాబు ప్రస్తుతం హీరోగా నిలదొక్కుకునేందుకు ఇబ్బందులు ఎదుర్కొంటున్నారు. ఆయన నటించిన లేటెస్ట్ మూవీ 'హరోంహర'. ఈ సినిమా మే31న డేట్ కన్ఫామ్ చేసుకుంది. జ్ఞాన సాగర్ దర్శకత్వం వహించిన ఈ విలేజ్ గ్యాంగ్ స్టర్ డ్రామాపై ట్రైలర్తో కాస్త అంచనాలను పెంచింది. వరుస ఫ్లాపులతో సతమతమవుతున్న సుధీర్ బాబుకు కూడా ఈ సినిమా సక్సెస్ అవ్వడం ఎంతో కీలకం.
ఇకపోతే కార్తికేయ హీరోగా తెరకెక్కిన 'భజే వాయు వేగం' ఇదే డేట్కు రావాలని ప్లాన్ చేసుకుంది. అందుకు తగ్గట్టే ప్రమోషన్లు కూడా చేసుకుంటోంది. ఇప్పటికే ఫస్ట్ లిరికల్ సాంగ్ కూడా రిలీజ్ చేశారు. టైటిల్, కాన్సెప్ట్ రెండూ వెరైటీగానే ఉండడంతో ఈ మూవీ కాస్త ఇంట్రెస్ట్ క్రియేట్ చేసింది. 'బేబీ' బ్లాక్ బస్టర్ హిట్తో కాస్త ఇమేజ్ పెంచుకున్న ఆనంద్ దేవరకొండ త్వరలోనే 31న 'గంగం గణేశా'తో వస్తున్నాడు. దీనిపై నిర్మాతలు గంపెడాశలు పెట్టుకున్నారు. ఈ సినిమాపై కాస్త హైప్ ఉంది.
కాజల్ అగర్వాల్ టైటిల్ రోల్లో నటించిన 'సత్యభామ'ది ఇదే పరిస్థితి. హైదరాబాద్ వచ్చి మరీ ఇంటర్వ్యూలు ఇస్తోంది. అజయ్ ఘోష్ నటించిన 'మ్యూజిక్ షాప్ మూర్తి'ని తక్కువంచనా వేయడానికి లేదు. మే 31నే ఇది కూడా వచ్చేందుకు సిద్ధమైంది. ఇప్పుడు 'గ్యాంగ్స్ అఫ్ గోదావరి' సడెన్ పోస్ట్పోన్తో వీళ్లలో ఎవరు తప్పుకుంటారనేది ఆసక్తికరంగా మారింది. అలానే మే 17 స్లాట్ ఖాళీ అవ్వడం వల్ల దీన్ని ఎవరు వాడుకుంటారో చూడాలి.
- " class="align-text-top noRightClick twitterSection" data="">
'ఆ సినిమాతో వచ్చిందేమి లేదు- 10ఏళ్ల తర్వాత రూట్ మార్చేస్తా'- విశ్వక్ సేన్ - Vishwak Sen Birthday
'ఆ సమయంలో చాందినీని చూసి భయపడ్డా - ఇకపై అటువంటి సాహసాలు చేయను'
