Tollywood Box Office Dasara 2024 : చిత్ర పరిశ్రమలో సంక్రాంతి, సమ్మర్ తర్వాత పెద్ద బాక్సాఫీస్ సీజన్‌ దసరా. ఈ పండగకు వీలైనన్ని చిత్రాల్ని విడుదల చేసి, సినీప్రియుల్ని ఆకట్టుకునే ప్రయత్నం చేస్తుంటారు ఆయా దర్శకనిర్మాతలు, హీరోలు. ఈ సారి ఏకంగా ఐదు చిత్రాలు బాక్సాఫీస్ ముందు పోటీ పడేందుకు సిద్ధమయ్యాయి. వీటిలో ఓ తమిళ సినిమా కూడా ఉంది. ఇంతకీ ఆ చిత్రాలేంటి? వాటి వివరాలను తెలుసుకుందాం.
Sri Vishnu Swag Movie : యంగ్ హీరో శ్రీ విష్ణు 'శ్వాగ్‌' చిత్రంతో అక్టోబరు 4న థియేటర్లలోకి వస్తున్నారు. 'సామజవరగమన', 'ఓం భీం బుష్‌' సక్సెస్ తర్వాత విష్ణు నుంచి రానున్న కొత్త చిత్రమిది. హసిత్‌ గోలి దర్శకుడు. రాజ రాజ చోర సక్సెస్ తర్వాత వీరిద్దరి కాంబోలో వస్తున్న రెండో సినిమా ఇది. తరతరాలుగా సాగుతున్న ఆడ, మగల ఆధిపత్య పోరును ఇతివృత్తంగా, కామెడీ ఎంటర్టైనర్గా దీన్ని తెరకెక్కించారు. శ్రీవిష్ణు ఇందులో నాలుగు భిన్నమైన పాత్రలు పోషించారు. సింగ, భవభూతి, యయాతి, కింగ్‌ భవభూతిగా కనిపించనున్నారు. ఇప్పటికే విడుదలైన ప్రచార చిత్రాలు ఆకట్టుకున్నాయి. చూడాలి మరి 'శ్వాగ్‌'తో విష్ణు హ్యాట్రిక్‌ హిట్ అందుకుంటారా లేదా అనేది.
Gopichand Viswam Movie : చాలా కాలంగా హిట్ కోసం ఎదురుచూస్తున్న గోపీచంద్, సుధీర్‌బాబు కూడా ఈ పండగ బరిలోనే దిగుతున్నారు. గోపీచంద్ హీరోగా శ్రీను వైట్ల తెరకెక్కించిన చిత్రం 'విశ్వం'. టీజీ విశ్వప్రసాద్, వేణు దోనేపూడి నిర్మాతలు. ఇప్పటికే విడుదలైన టీజర్‌తో ఆకట్టుకునేందుకు ప్రయత్నించారు మేకర్స్. అక్టోబరు 11న థియేటర్లలోకి రానుందీ చిత్రం.
Sudheer Babu Ma Nanna Hero : అక్టోబర్ 11నే మా నాన్న సూపర్ హీరో చిత్రంతో రానున్నారు సుధీర్ బాబు. అభిలాష్‌ రెడ్డి కంకర తెరకెక్కించారు. తండ్రీకొడుకుల అనుబంధంతో తెరకెక్కిందీ చిత్రం. మరి ఈ చిత్రంతోనైనా సుధీర్ హిట్ ట్రాక్‌ ఎక్కుతారా, లేదా? చూడాలి.
Suhas Janaka Aithe Ganaka : అంబాజీ పేట బ్యాండ్‌, ప్రసన్న వదనం చిత్రాలతో ఆడియెన్స్ను ఆకట్టుకున్న నటుడు సుహాస్‌ దసరా బరిలో జనక అయితే గనక చిత్రంతో రానున్నారు. దిల్‌రాజు ప్రొడక్షన్స్‌ నుంచి వస్తున్న చిత్రమిది. సందీప్‌ రెడ్డి బండ్ల తెరకెక్కించారు. బలమైన భావోద్వేగాలతో పాటు కామెడీ ఎంటర్టైనర్గా రూపొందించారు. అక్టోబరు 12న ఈ సినిమా రిలీజ్ కానుంది.
Rajinikanth Vettaiyan : ఈ దసరా బరిలో తెలుగు స్టార్ హీరోలు ఎవరు లేకున్నా, ఆల్ ఇండియా సూపర్ స్టార్ హీరో రజనీకాంత్ బరిలోకి దిగుతున్నారు. జైలర్తో జోరు మీదున్న ఆయన వేట్టయాన్‌ చిత్రంతో బాక్సాఫీస్ బరిలో దిగుతున్నారు. జై భీమ్‌తో జాతీయ స్థాయిలో గుర్తింపు తెచ్చుకున్న టి.జె.జ్ఞానవేల్‌ ఈ సినిమాను తెరకెక్కించారు. పైగా చిత్రంలో అమితాబ్‌ బచ్చన్, రానా, ఫహాద్‌ ఫాజిల్‌ తదితరులు కీలక పాత్రల్లో కనిపించనున్నారు. ఇప్పటికే విడుదలైన మనసిలాయో సాంగ్ విశేష ఆదరణ దక్కించుకుంది. అక్టోబరు 10న ఈ సినిమా రానుంది.
పోలీస్‌ బెల్టుతో నాన్న చితకబాదారు!: రామ్ చరణ్ - Chiranjeevi Ramcharan
విడుదలకు ముందే దూసుకెళ్తోన్న 'దేవర' - ఆ రికార్డులన్నీ బ్రేక్! - Devara Movie Records
