'టిల్లు 3' లో రాధిక! - టిల్లు కోసం అలా చేస్తుందేమో ? - Tillu 3

Tillu 3 Radhika : యంగ్ హీరో సిద్ధు జొన్నలగడ్డ లీడ్ రోల్​లో విడుదలైన 'డీజే టిల్లు', 'టిల్లు స్క్వేర్​' మూవీస్​ బాక్సాఫీస్ వద్ద ఎటువంటి రికార్డులు సృష్టించిందో ప్రత్యేకంగా చెప్పనక్కర్లేదు. ముఖ్యంగా సిద్ధూ, నేహా శెట్టి యాక్టింగ్​కు ఫుల్ ఫాలోయింగ్ పెరిగిపోయింది. ఈ నేపథ్యంలో మూడో పార్ట్​లో రాధిక క్యారెక్టర్​ ఉంటుందో లేదో అన్న సందేహాలు మొదలయ్యాయి. తాజాగా దీని గురించి రాధిక (నేహా శెట్టి) ఓ ఇంటర్వ్యూలో మాట్లాడింది.

Neha Shetty Tillu 3 : యంగ్ హీరో సిద్ధు జొన్నలగడ్డ లీడ్ రోల్​లో విడుదలైన 'డీజే టిల్లు' మూవీ ఎటువంటి రికార్డులు సృష్టించిందో ప్రత్యేకంగా చెప్పనక్కర్లేదు. చిన్న చిత్రంగా విడుదలై బాక్సాఫీస్ వద్ద మంచి టాక్​తో పాటు అత్యధిక వసూళ్లు చేసి దూసుకెళ్లిందీ ఈ మూవీ. ముఖ్యంగా సిద్ధూ, నేహా శెట్టి యాక్టింగ్​కు ఫుల్ ఫాలోయింగ్ పెరిగిపోయింది. తన మేనరిజం, కామెడీ టైమింగ్​తో టిల్లు (సిద్ధు) అభిమానులను ఆకట్టుకోగా, రాధికగా నేహా శెట్టి యాక్టింగ్ సినిమాకే హైలైట్​గా నిలిచింది. అంతే కాకుండా రాధిక అనే పేరు ఓ బ్రాండ్​గానూ మారిపోయింది.

అయితే ఈ సినిమా సీక్వెల్​ను అనౌన్స్​ చేసినప్పుడు ఇందులో రాధిక మళ్లీ లీడ్​ రోల్​లో ఉంటుందని అందరూ అనుకున్నారు. కానీ ఆమె బదులు అనుపమ పరమేశ్వరన్ లిల్లీగా కనిపించి ఆడియెన్స్​ను మెప్పించింది. కానీ అభిమానులందూ రాధిక పాత్రకు బాగా కనెక్ట్ అయ్యారు. దీంతో మేకర్స్ నేహాను గెస్ట్​ రోల్​లో చూపించి సర్​ప్రైజ్ ఇచ్చారు. దీంతో టిల్లు స్క్వేర్​లోనూ రాధిక అలా కనిపించి ఆడియన్స్​ను మురిపించింది. కనిపించింది కొద్ది నిమిషాలే అయినప్పటికీ తన నటనతో తళుక్కున మెరిసింది.

ఇదిలా ఉండగా, పార్ట్ 1, 2 సక్సెస్​ వల్ల మేకర్స్ 'టిల్లు 3'ను రూపొందించే పనుల్లో పడిపోయారు. మూవీకి సంబంధించిన విషయాలను త్వరలోనే వెల్లడిస్తామని చెప్పారు. ఈ నేపథ్యంలో ఫ్యాన్స్ రాధిక మూడో పార్ట్​లో ఉంటుందా లేదా అంటూ నెట్టింట డిస్కషన్ మొదలెట్టారు. ఇక రాధిక (నేహా శెట్టి) కూడా మూడో పార్ట్‌లో తన పాత్ర గురించి తాజాగా ఓ ఇంటర్వ్యూలో మాట్లాడింది.

"మేకర్స్‌ రాధిక పాత్రను ఇంకా చూపించాలనుకుంటే దాన్ని కంటిన్యూ చేస్తారు. డైరెక్టర్లు నాకు ఇచ్చిన డైలాగ్స్​ను ఎంత అందంగా చెప్పాలన్న విషయం గురించే నేను ఎప్పుడూ ఆలోచిస్తాను. సీన్స్ తర్వాత ఏం జరుగుతుంది అనేది ముందుగా అస్సలు తెలుసుకోను. అలాగే 'టిల్లు స్క్వేర్‌'లోనూ రాధిక బెంగళూరు వెళ్లినట్లు చూపించారు. అక్కడకు వెళ్లిన తర్వాత ఆమె వేరే పెళ్లి చేసుకుంటుందా, లేదంటే టిల్లు కోసం తిరిగి వచ్చేస్తుందా అనేది మనం చెప్పలేం" అంటూ మూవీపై మరింత అంచనాలను పెంచేసింది.