Devara Daavudi Song: ఎన్టీఆర్- జాన్వీ కపూర్ జంటగా నటిస్తున్న 'దేవర పార్ట్ -1' నుంచి మూడో పాట రిలీజైంది. 'దావూదీ' అనే పాటను మూవీ మేకర్స్ బుధవారం విడుదల చేశారు. ప్రముఖ లిరిసిస్ట్ రామజోగయ్య శాస్త్రి ఈ పాట రాశారు. మ్యూజిక్ సంచలనం అనిరుధ్ రవిచంద్రన్ సంగీతం అందిచగా, సింగర్స్ నకాశ్ నజీజ్, ఆకసా పాట ఆలపించారు. ఈ పాటలో ఎన్టీఆర్- జాన్వీ కపూర్ డ్యాన్స్ అదరగొట్టేశారు. ఫుల్ ఎనర్జీతో స్టెప్పులు ఇరగదీశారు.
ఈ పాట నిమిషాల్లోనే యూట్యూబ్లో లక్షల వ్యూస్తో దూసుకుపోతోంది. గంటలోనే 1 మిలియన్ వ్యూస్ మార్క్ దాటేసింది. దీంతో ఈ పాట ట్రెండింగ్లోకి వచ్చేసింది. కాగా, ఇప్పటికే విడుదలైన 'ఫియర్' (Fear), 'చుట్టమల్లె' (Chuttamalle) సాంగ్స్కు కూడా ప్రేక్షకుల నుంచి మ్యాసీవ్ రెస్పాన్స్ వచ్చింది. ముఖ్యంగా డ్యుయెట్ చుట్టమల్లె సాంగ్ బాగా పాపులర్ అయ్యింది. సోషల్ మీడియాలో ఈ పాటపై నెటిజన్లు లక్షల్లో రీల్స్ చేశారు. రీసెంట్గా ఈ సాంగ్ ఏకంగా 100 మిలియన్ వ్యూస్ మార్క్ దాటింది.
How long has it been
— Devara (@DevaraMovie) September 4, 2024
since we’ve seen our @tarak9999 in this vintage vibe?https://t.co/0IGZvEFMiY #Daavudi is here for all the fans. #Devara
స్టార్ డైరెక్టర్ కొరటాల శివ భారీ బడ్జెట్తో అత్యంత ప్రతిష్ఠాత్మకంగా తెరకెక్కిస్తున్నారు. కోస్టల్ బ్యాక్ డ్రాప్లో ఈ సినిమా రెండు భాగాలుగా తెరకెక్కుతోంది. ఇప్పటికే రిలీజైన వీడియో గ్లింప్స్ కూడా ఆకట్టుకుంది. ఆర్ఆర్ఆర్ వంటి బ్లాక్బస్టర్ తర్వాత ఎన్టీఆర్ నుంచి వస్తున్న సినిమా కావడం వల్ల దేవరపై అంచనాలు భారీ స్థాయిలో ఉన్నాయి. మరోవైపు ఈ సినిమాలో తారక్ డ్యుయల్ రోల్లో కనిపించనున్నట్లు టాక్ వినిపిస్తోంది. ఇక ఎన్టీఆర్ సరసన బాలీవుడ్ బ్యూటీ జాన్వీ కపూర్ నటిస్తోంది. సీనియర్ నటుడు సైఫ్ అలీ ఖాన్ విలన్గా నటిస్తున్నారు.
ఇంకా శ్రీకాంత్, రమ్యకృష్ణ, ప్రకాశ్ రాజ్, శ్రుతి మరాఠే, చైత్ర రాయ్ తదితరులు ఆయా పాత్రలు పోషిస్తున్నారు. ఇక ఎన్టీఆర్ ఆర్ట్స్, యువసుధ ఆర్ట్స్ బ్యానర్లపై సంయుక్తంగా ఈ సినిమా రూపొందుతోంది. దేవర పార్ట్ 1 వరల్డ్వైడ్ సెప్టెంబర్ 27న గ్రాండ్గా రిలీజ్ కానుంది. ఈ నేపథ్యంలో మేకర్స్ త్వరలోనే ప్రమోషన్స్ ప్రారంభించనున్నారు.
ఓవర్సీస్లో 'దేవర' మేనియా- 6 నిమిషాల్లోనే ప్రీ బుకింగ్స్ సోల్డ్ ఔట్! - Devara Overseas Pre Sales
