Devara NTR Vetrimaaran Movie : ప్రస్తుతం యంగ్ టైగర్ ఎన్టీఆర్ 'దేవర' ప్రమోషన్స్తో బిజీగా తిరుగుతున్నారు. రిలీజ్ డేట్ దగ్గర పడుతుండడంతో వరుసగా ప్రచార చిత్రాలను కూడా మూవీటీమ్ విడుదల చేస్తోంది. అయితే ప్రమోషన్స్లో భాగంగా తారక్ రీసెంట్గా చెన్నై వెళ్లిన సంగతి తెలిసిందే. అక్కడ తన ఫేవరెట్ డైరెక్టర్ వెట్రిమారన్ అని చెప్పిన తారక్, ఆయనతో కలిసి సినిమా చేయాలని ఉందని తన మనసులోని మాటను చెప్పారు. "నా ఫేవరెట్ డైరెక్టర్ వెట్రిమారన్. ఆయన ఎప్పుడు నాతో సినిమా తీస్తే అప్పుడు డైరెక్ట్గా తమిళంలో నటిస్తాను" అని చెప్పారు. దీంతో ఈ కామెంట్స్ అటు తమిళ సినీ ప్రియుల్లో, ఇటు తెలుగు మూవీ లవర్స్లో వైరల్గా మారాయి.
అయితే ఇప్పుడా కామెంట్స్ దర్శకుడు వెట్రిమారన్ దగ్గరకు చేరాయి. దీంతో ఆయన ఎన్టీఆర్తో సినిమా చేసే విషయంపై స్పందించారు. "నేను తారక్ సార్ చర్చలు జరుపుతున్నాం. మా కమిట్మెంట్స్ పూర్తైపోతే మూవీ ప్రారంభిస్తాం" అని చెప్పుకొచ్చారు. వాస్తవానికి గతంలోనే ఎన్టీఆర్తో సినిమా చేయాల్సింది. కానీ అప్పుడు వేరె కమిట్మెంట్స్ ఉండటం వల్ల కుదరలేదు. అందుకే ప్రస్తుతం తాను కమిట్ అయిన ప్రాజెక్ట్లను పూర్తి చేసి ఎన్టీఆర్తో సినిమా చేస్తానని వెట్రిమారన్ కాన్ఫిడెంట్గా అన్నారు.
ఇప్పుడీ కామెంట్స్ కూడా ఫ్యాన్స్లో ఆసక్తిని పెంచేశాయి. భవిష్యత్తులో వెట్రిమారన్ - తారక్ కాంబోలో కచ్చితంగా సినిమా ఉంటుందని సంబరపడుతున్నారు. అసలే మట్టి వాసన ఉండే సినిమాలను తెరకెక్కించడంలో వెట్రిమారన్ స్పెషలిస్ట్. 'ఆడుగలం', 'అసురన్' చిత్రాలతో జాతీయ స్థాయిలో గుర్తింపు తెచ్చుకున్నారు. మరి అలాంటి దర్శకుడి డైరెక్షన్లో ఎన్టీఆర్ నటిస్తే నటనకు స్కోప్ ఉండే మంచి పాత్ర దక్కుతుందని ఫ్యాన్స్ ఆశిస్తున్నారు.
Vetrimaran viduthalai 2 Movie : ఇకపోతే గతంలో తమిళ కమెడియన్ సూరి ప్రధాన పాత్రలో, మక్కల్ సెల్వన్ విజయ్ సేతుపతి కీలక పాత్రలో వెట్రిమారన్ తీసిన సినిమా 'విడుదల'. ఇప్పుడాయన విడుదల 2 కోసం పనిచేస్తున్నారు. ఈ ఏడాది చివరి నాటికి ఆ సినిమాను పూర్తి చేసి, వచ్చే ఏడాదిలో సూర్యతో భారీ బడ్జెట్‌ సినిమా వాడివాసల్‌ చిత్రాన్ని తెరకెక్కించనున్నారు.
విడుదలకు ముందే దూసుకెళ్తోన్న 'దేవర' - ఆ రికార్డులన్నీ బ్రేక్! - Devara Movie Records
