Tollywood Movie Release in 2024: భారీ హిట్ గా హనుమాన్, సూపర్ హిట్గా డిజేటిల్లు, యావరేజ్గా గుంటూరు కారం ఇది 2024 టాలీవుడ్ ఫస్ట్ హాఫ్ బాక్సాఫీస్ రిపోర్ట్. ఎన్నో అంచనాలతో వచ్చిన ఫ్యామిలీ స్టార్తో పాటు మరికొన్ని చిత్రాలు ఎన్నికల వేడిలో బాక్సాఫీస్ ముందు నిలబడలేకపోయాయి. ఇక హడావిడి ముగిసింది. ఇప్పటికే చాలా చిత్రాల విడుదల తేదీని మేకర్స్ ప్రకటించారు. ఇక థియేటర్లలో మళ్లీ సందడి ప్రారంభం కానుంది.
కల్కి 2898 AD: అందరి కంటే ముందు జూన్ 27న థియేటర్ల లోకి వస్తున్నారు మన డార్లింగ్ ప్రభాస్. ఇప్పటికే మూవీ ప్రమోషన్స్ కూడా ప్రారంభించారు. ఈ సినిమాలో ఉన్న ఫ్యూచర్ కార్ బుజ్జి కూడా మూవీ లవర్స్ కోసం దేశమంతటా పరుగు తీస్తుంది. అమితాబ్, కమల్ హాసన్, దీపిక పదుకొణె, దిశా పటాని వంటి బాలీవుడ్ స్టార్స్తో తెరకెక్కిన ఈ చిత్రం సినిమా ప్రమోషన్స్లో కూడా సరికొత్త ట్రెండ్ సృష్టించింది.
పుష్ప 2: అల్లు అర్జున్ మరోసారి తగ్గేదేలే అంటూ ఆగస్టు 15న ప్రేక్షకుల ముందుకు రానున్నారు. లాంగ్ వీకెండ్ కావడం వల్ల మంచి టాక్ వస్తే మాత్రం కచ్చితంగా బాక్సాఫీస్ రికార్డులు బద్దలగొట్టే ఛాన్స్ ఉంది. తాజాగా విడుదలైన అల్లు అర్జున్- రష్మిక డ్యూయెట్ కూడా ఆడియెన్స్ను బాగా ఆకట్టుకుంటోంది.
దేవర: 'దేవర' గురించి ఎన్టీఆర్ ఫ్యాన్స్ గత రెండేళ్లుగా ఎదురుచూస్తున్నారు. మేలో రిలీజ్ కావాల్సిన ఈ చిత్రం షూటింగ్ పూర్తి కాకపోవడం వలన అక్టోబర్ 10కు వాయిదా వేశారు. కానీ పదిరోజుల ముందే అంటే సెప్టెంబర్ 27న విడుదల చేయడానికి ప్రయత్నిస్తున్నారని ఇండస్ట్రిలో టాక్. ఇక సినిమా ఎప్పుడు వచ్చినా బ్రేక్ ఇవ్వడానికి ఫ్యాన్స్ సిద్ధంగా ఉన్నారు.
గేమ్ ఛేంజర్: 'ఆర్ఆర్ఆర్' తర్వాత ఎన్టీఆర్తో పాటు రామ్చరణ్ కూడా ఏ మూవీని విడుదల చేయలేదు. మెగా ఫ్యాన్స్ కూడా శంకర్ దర్శకత్వంలో రానున్న గేమ్ ఛేంజర్ కోసం ఆతృతగా ఎదురుచూస్తున్నారు. ఈ చిత్రాన్ని దీపావళికి రిలీజ్ చేసే అవకాశం ఉందని సమాచారం.
హరిహర వీరమల్లు: ఇప్పటికే చాలా వాయిదాలతో ఫ్యాన్స్ను విసిగించిన ఈ మూవీ కూడా 2024లోనే విడుదల కాబోతుందని మేకర్స్ అంటున్నారు. దీంతో పవన్ కల్యాణ్ను ఆయన ఫ్యాన్స్ త్వరలోనే తెరపై చూడనున్నారు.
హాలీవుడ్ ఆల్ టైమ్ క్లాసిక్ మూవీస్- పక్కా ఇన్స్పిరేషన్! - Inspirational movies
OTTలో దూసుకెళ్తోన్న భయపెట్టే దెయ్యం సినిమా - ట్విస్టులే ట్విస్టులు! - Latest Horror Movie OTT
