SS Thaman For Pushpa 2 : ఐకాన్స్టార్ అల్లు అర్జున్ 'పుష్ప 2' సినిమాకు రోజురోజుకూ విపరీతమైన బజ్ క్రియేట్ అవుతోంది. రిలీజ్కు సమయం దగ్గర పడుతుండడం వల్ల ఉత్కంఠ పెరిగిపోతోంది. ఈ క్రమంలోనే మరో వార్త సోషల్ మీడియాలో చక్కర్లు కొడుతోంది. బ్యాక్గ్రౌండ్ మ్యూజిక్ కోసం మూవీటీమ్ స్టార్ మ్యూజిక్ డైరెక్టర్ ఎస్ ఎస్ తమన్ను సంప్రదించినట్లు తెలుస్తోంది.
అయితే టాలీవుడ్లో బీజీఎమ్ (BGM)కు కేరాఫ్ ఆడ్రస్గా ఉన్న తమన్ ఈ సినిమాకు పని చేయాలని మేకర్స్ భావించారట. అందుకే పుష్ప బీజీఎమ్ పనులు తమన్కు అప్పజెప్పినట్లు సమాచారం. దీనిపై తమన్ కూడా తన వర్క్ ప్రారంభించారని తెలుస్తోంది. త్వరలోనే ఫైనల్ కాపీ రెడీ చేసి, మూవీటీమ్కు బ్యాక్గ్రౌండ్ స్కోర్ వినిపించనున్నారని టాక్. అయితే బీజీఎమ్ తమన్ ఇస్తున్నప్పటికీ, పాటలు అందించింది మాత్రం ఈ సినిమా మ్యూజిక్ డైరెక్టర్ దేవీశ్రీ ప్రసాద్. కానీ, దీనిపై అధికారిక ప్రకటన రావాల్సి ఉంది.
తొలిసారి ఇలా
డైరెక్టర్ సుకుమార్ తీసిన దాదాపు అన్ని సినిమాలకు సంగీత దర్శకుడు దేవీశ్రీ ప్రసాద్. ఒకవేళ ఇది నిజమైతే సుకుమార్ సినిమాకు దేవీ కాకుండా మరో మ్యూజిక్ డైరెక్టర్ సంగీతం అందించడం ఇదే తొలిసారి అవుతోంది. మరోవైపు ఈ వార్తతో ఫ్యాన్స్ మాత్రం ఫుల్ ఖుషీగా ఉన్నారు. పాటలకు దేవీ, బీజీఎమ్కు తమన్ అదిరిపోయే కాంబినేషన్ అంటూ కామెంట్ చేస్తున్నారు.
రికార్డ్ బ్రేక్
కాగా, నార్త్ అమెరికాలో 'పుష్ప 2' ప్రీ బుకింగ్స్ ప్రారంభమయ్యాయి. కొద్ది గంటల్లోనే 15 వేలకు పైగా టికెట్లు అమ్ముడయ్యాయి. దీంతో పుష్ప రిలీజ్కు ముందే అరుదైన రికార్డు సాధించింది. ప్రీ బుకింగ్స్లో 500k డాలర్లు వసూల్ చేసింది. ఈ క్రమంలోనే 'పుష్ప పార్ట్ 1' ఆల్టైమ్ రికార్డ్ను కూడా బ్రేక్ చేసింది. పుష్ప పార్ట్ 1 సినిమాకు నార్త్ అమెరికాలో ఓవరాల్గా 400k డాలర్లు రాగా, ఈ సినిమా ఇప్పుడే 500k డాలర్లు కొల్లగొట్టింది.
కాగా, డైరెక్టర్ సుకుమార్ అత్యంత ప్రతిష్ఠాత్మకంగా దీన్ని తెరకెక్కిస్తున్నారు. రష్మిక మందన్నా హీరోయిన్గా నటిస్తుండగా, ఫాహద్ ఫాజిల్, అనసూయ భరద్వాజ్ కీలక పాత్రలు పోషిస్తున్నారు. రాక్స్టార్ దేవీశ్రీ ప్రసాద్ సంగీతం అందిస్తున్నారు. ఇప్పటికే రిలీజైన రెండు పాటలు చాట్ బస్టర్ అయ్యాయి. ఇక ఈ సినిమా డిసెంబర్ 5న వరల్డ్వైడ్ గ్రాండ్గా రిలీజ్ కానుంది.
