'మత్తు వదలరా 2' రివ్యూ - ఈ క్రైమ్, కామెడీ OTTలోకి ఎప్పుడంటే? - Mathu Vadalara 2 Review

Mathu Vadalara 2 Review : చిత్ర సీమలో ఈ మధ్య సీక్వెల్స్, ఫ్రాంచైజీల​ హవా ఎక్కువగా నడుస్తోంది. అలా తాజాగా విడుదలైన చిత్రం మత్తు వదలరా 2(Mathu Vadalara 2). ఆస్కార్​ అవార్డ్ గ్రహీత కీరవాణి తనయుడు శ్రీ సింహా కోడూరి హీరోగా నటించిన చిత్రమిది. కమెడియన్ సత్య కూడా కీలక పాత్ర పోషించారు. ఇంతకీ ఈ చిత్రం ఎలా ఉందంటే?

Mathu Vadalara 2 Review : చిత్ర సీమలో ఈ మధ్య సీక్వెల్స్, ఫ్రాంచైజీల​ హవా ఎక్కువగా నడుస్తోంది. అలా తాజాగా విడుదలైన చిత్రం మత్తు వదలరా 2(Mathu Vadalara 2). ఆస్కార్​ అవార్డ్ గ్రహీత కీరవాణి తనయుడు శ్రీ సింహా కోడూరి హీరోగా నటించిన చిత్రమిది. కమెడియన్ సత్య కూడా కీలక పాత్ర పోషించారు. ఇంతకీ ఈ చిత్రం ఎలా ఉందంటే?

Mathu Vadalara 2 Story(కథేంటంటే) : బాబూ మోహన్ (శ్రీ సింహా), యేసు (సత్య) చేసే డెలివరీ ఏజెంట్స్ ఉద్యోగాలు ఊడిపోతాయి. దీంతో వారు హై ఎమర్జెన్సీ టీమ్‌లో స్పెషల్ ఏజెంట్స్‌గా జాయిన్ అవుతారు. కిడ్నాప్ కేసుల్ని ఛేదించి, నిందితుల్ని పట్టుకోవడం వీరి పని. అయితే ఈ క్రమంలోనే చేతి వాటం ప్రదర్శిస్తుంటారు. ఎవ్వరికీ అనుమానం రాకుండా జాగ్రత్త పడుతుంటారు. అయితే గట్టి జాక్​ పాట్​ కొట్టాలని ప్రయత్నిస్తుంటారు. అప్పుడే వారికి ఓ కిడ్నాప్​ కేసు రాగా, అది రూ. 2 కోట్ల లావాదేవీలతో ముడిపడి ఉంటుంది ఎలాగైనా ఆ కేసును ఛేదించి రూ.2 కోట్లు దక్కించుకోవాలని బాబూ మోహన్​, యేసు అనుకుంటారు. కానీ, ట్విస్ట్​ ఏంటంటే కిడ్నాప్​ గురైన యువతి వీళ్ల కారులోనే శవంగా కనిపిస్తుంది. అలానే ఈ ఇద్దరే కిడ్నాప్ చేశారనే రుజువు ఉన్న ఓ వీడియో కూడా బయటకు వస్తుంది. మరి ఇంతకీ ఆ హత్య చేసింది ఎవరు? ఈ కేస్​ నుంచి బాబు మోహన్‌, యేసు అసలు బయట పడ్డారా? లేదా? అన్నదే ఈ కథ.

ఓటీటీలోకి అప్పుడే - 'మత్తు వదలరా 2' ఓటీటీ రైట్స్​ను నెట్​ఫ్లిక్స్​ కొనుగోలు చేసినట్లు సమాచారం. థియేటర్లలో విడుదలైన 4 వారాల తర్వాతే ఓటీటీలోకి వస్తుందట.

ఇంతకీ సినిమా ఎలా ఉందంటే? : మొదటి భాగంతో పోలిస్తే ఆ స్థాయి కామెడీ ఇందులో పండలేదనే చెప్పాలి. అయితే ట్రెండుకు తగ్గట్టుగానే రచన, సత్యతో సహా ఇతర నటులు చేసిన అల్లరి, టెక్నికల్​​​ వ్యాల్యూస్ హంగులతో సినిమా పాస్​ అవుతుంది. కథ, కథనాల పరంగా పెద్దగా మెరుపులేమీ లేవు. అదే సినిమాకు పెద్ద మైనస్.

ఇంటర్వెల్ సీన్స్​ కథకు మంచి మలుపును ఇస్తూ సెకండాఫ్​పై ఇంట్రెస్ట్​ను పెంచుతాయి. అనంతరం హత్య కేసు నుంచి బాబూ మోహన్​, యేసూ ఎలా బయట పడ్డారు అన్నది సెకండాఫ్​లో కీలకంగా మారుతుంది. అలా సినిమా కాస్త కామెడీతో పాటు ఓ ఇన్వెస్టిగేషన్ డ్రామాగా సాగుతుంది. ఇంకా సినిమాలో వన్ లైనర్స్‌ పంచ్‌లు, సత్య చేసే కామెడీ అల్లరి, ట్రెండీ డైలాగ్స్ ఆకట్టుకున్నాయి.

ఎవరెలా చేశారంటే ? - శ్రీసింహా, సత్య నటనే సినిమాకు ప్రధాన బలం. సత్య టైమింగ్ కామెడీ బాగుంది. ఫరియా అబ్దుల్లా హీ-టీమ్‌లో ఓ సభ్యురాలిగా ఉంటూ కామెడీ చేస్తుంది. కొన్ని యాక్షన్ సీన్స్​లోనూ కనిపించింది. సునీల్, రోహిణి, వెన్నెల కిశోర్, అజయ్ పాత్రలు కూడా కీలకం. టెక్నికల్​గా సినిమాకు తగ్గట్టుగా ఉంది. కాల భైరవ మ్యూజిక్ సినిమాకు మరో బలం. కెమెరా, ఎడిటింగ్ విభాగాలూ మంచి పనితీరును ప్రదర్శించాయి. దర్శకుడు రితేశ్​ రాణా సంభాషలు నవ్విస్తాయి.

ఫైనల్​గా మత్తు వదలరా 2 కొన్ని నవ్వులే మాత్రమే!

గమనిక : ఈ సమీక్ష సమీక్షకుడి దృష్టికోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే!