Shraddha Kapoor Stree 2: బాలీవుడ్ బ్యూటీ క్వీన్ శ్రద్ధా కపూర్ లీడ్ రోల్లో తెరకెక్కిన 'స్త్రీ-2' సినిమా గురువారం గ్రాండ్గా రీలీజైంది. ఈ నేపథ్యంలో స్త్రీ-2 పలు రికార్డులు బ్రేక్ చేసింది. 2024లో బాలీవుడ్లో అత్యధిక ఓపెనింగ్స్ సాధించిన సినిమాగా నిలిచింది. ఈ సినిమా తొలిరోజు రూ.47కోట్లు నెట్ వసూల్ చేసినట్లు ట్రేడ్ వర్గాల అంచనా. ఈ లెక్కన కేవలం ఫస్ట్ డే కలెక్షన్లలోనే కాకుండా ఈ సినిమా ఆల్టైమ్ హిందీ ఓపెనింగ్స్ టాప్-10లో స్థానం దక్కించుకుంది. ఈ వసూళ్లతో 'స్త్రీ- 2' 7వ స్థానంలో నిలిచే ఛాన్స్ ఉంది. ఈ క్రమంలో టైగర్- 3, హ్యాపీ న్యూ ఇయర్, భరత్ సినిమాలను వెనక్కినెట్టింది.
ఇక ఇదే ఏడాది రిలీజైన కల్కి, ఫైటర్ (హిందీ) తొలి రోజు కలెక్షన్ల కూడా స్త్రీ-2 దాటేసింది. ఈ సినిమాలు రూ.22- 24కోట్ల మధ్య వసూల్ చేయగా, తాజాగా స్త్రీ-2 రూ.47కోట్లు సాధించింది. అంటే దాదాపు డబుల్ అన్నమాట. కాగా, ప్రీమియర్ షోస్ కూడా కలుపుకుంటే ఈ సినిమా కలెక్షన్లు రూ.55కోట్లు దాటవచ్చని తెలుస్తోంది. అయితే గురువారం ఒక్క రోజే బాలీవుడ్లో మూడు సినిమాలు విడుదలైనప్పటికీ, పోటీ తట్టుకొని స్త్రీ-2 ఇంత భారీ మొత్తంలో ఒపెనింగ్స్ దక్కించుకోవడం విశేషం.
కాగా, డైరెక్టర్ అమర్ కౌశిక్ ఈ సినిమాను కామెడీ, హార్రర్ జానర్లో తెరకెక్కించారు. సినిమాలో శ్రద్ధతోపాటు రాజ్కుమార్ రావు లీడ్ రోల్లో నటించారు. మిల్క్ బ్యూటీ తమన్నా భాటియా స్పెషల్ సాంగ్లో మెరిసింది.
