శివ రాజ్​కుమార్ హెల్త్​ అప్​డేట్ - డాక్టర్లు ఏమన్నారంటే?

ఆపరేషన్​ సక్సెస్​, ఆయన ఆరోగ్యం నిలకడగా ఉంది : శివ రాజ్​కుమార్ ఫ్యామిలీ

Shiva Rajkumar Health Update : శాండల్​వుడ్ స్టార్​ హీరో శివ రాజ్‌కుమార్‌ తాజాగా అమెరికాలో శస్త్రచికిత్స చేయించుకున్నారు. చికిత్స నిమిత్తం అమెరికా వెళ్లారు. మూత్రాశయానికి సంబంధించిన క్యాన్సర్‌ను తొలగించినట్లు ఆయనకు ఆపరేషన్ చేసిన సర్జన్ వీడియో మెసేజ్​ ద్వారా తెలిపారు. ఇక ఆయన ప్రేగులను ఉపయోగించి ఓ కృత్రిమ మూత్రాశయాన్ని సృష్టించారని ఆ వైద్యుడు పేర్కొన్నారు. ఈ మాట విన్న అభిమానులు ఆయన క్షేమంగా తిరిగి రావాలని కోరుకుంటున్నారు. గెట్​ వెల్​ సూన్ అంటూ నెట్టింట కామెంట్లు పెడుతున్నారు.

మరోవైపు శివ రాజ్​కుమార్ ఫ్యామిలీ కూడా ఓ ప్రకటన ద్వారా ఆయన హెల్త్​ అప్​డేట్ పంచుకున్నారు. ఆయన క్షేమం కోసం ప్రార్థించిన అభిమానులు, శ్రేయోభిలాషులు, అలాగే సన్నిహితులకు వారు కృతజ్ఞతలు తెలిపారు. ఆయన రికవరీకి సంబంధించిన వివరాలను త్వరలోనే వెల్లడిస్తామని పేర్కొన్నారు.

Thank You #Geethakka ❤🙏🏼 You Stood with Anna ❤❤❤

Take Rest and Get Well Soon #Shivanna ❤🥹 We Will be waiting for to welcome you on Jan 26th 😍

Special thanks to doctor's🙏🏼 #DrShivarajkumar #Shivarajkumar #ShivaSainya @NimmaShivanna ❤❤❤ @ShivaSainya pic.twitter.com/isgcCcC520

— ShivaSainya (@ShivaSainya) December 25, 2024

"బుధవారం ఆయనకు చేసిన ఆపరేషన్ సక్సెస్ అయ్యింది. ప్రస్తుతం ఆయన ఆరోగ్యం నిలకడగా ఉంది. నెమ్మదిగా ఆయన కోలుకుంటున్నారు." అని ఆ ప్రకటనలో పేర్కొన్నారు.

అనారోగ్యం గురించి తొలిసారి అలా :
అయితే ఆయన రీసెంట్ మూవీ 'భైరతి రంగల్' ప్రమోషన్స్​ టైమ్​లోనే శివ రాజ్‌కుమార్‌ తొలిసారి తన అనారోగ్య సమస్య గురించి మాట్లాడారు. "నా ఆరోగ్య సమస్య గురించి తెలిసినప్పుడు ఫస్ట్​ టైమ్​ నేను చాలా భయపడ్డాను. అభిమానులు, ప్రజలు కలవరపడటం నాకు అస్సలు ఇష్టం ఉండదు. దాన్ని నేను ధైర్యంగా ఎదుర్కొనేలా ఆత్మవిశ్వాసాన్ని పొందాను. ఇప్పుడంతా బాగానే ఉంది. నేను కూడా ఓ మనిషినే కదా. నాకు కూడా సమస్యలు వస్తుంటాయి. నాకు వచ్చిన అనారోగ్యానికి సంబంధించి ప్రస్తుతం చికిత్స తీసుకుంటున్నాను" అని శివ రాజ్‌కుమార్‌ ఆ సమయంలో ఓ ఇంటర్వ్యూలో పేర్కొన్నారు.

ప్రస్తుతం శివరాజ్ కుమార్ అప్​కమింగ్ మూవీస్ చూసుకుంటే 'భైరవుడు', 'ఉత్తరకాండ', '45', 'RC 16' చిత్రాల్లో ఆయన కీలక పాత్రలు పోషిస్తున్నారు. అమెరికా నుంచి వచ్చిన తర్వాత కొంతకాలం రెస్ట్‌ తీసుకుని ఆయన తిరిగి సెట్స్‌లోకి అడుగుపెట్టనున్నారని సినీ వర్గాల సమాచారం.