Samantha Citadel Webseries : హీరోయిన్ సమంత సిటాడెల్ వెబ్ సిరీస్తో ప్రేక్షకుల్ని అలరించేందుకు సిద్ధమైంది. ఈ సిరీస్ రిలీజ్ డేట్ దగ్గర పడడంతో ప్రమోషన్స్లో పాల్గొంటూ వరుస ఇంటర్వ్యూలు ఇస్తోన్న సమంత, సిరీస్తో పాట తన వ్యక్తిగతకు సంబంధించిన పలు ఆసక్తికర విషయాలను చెబుతోంది.
అయితే మయోసైటిస్‌ కారణంగా తాను ఈ వెబ్ సిరీస్‌ను రిజెక్ట్ చేయాలని అనుకున్నట్లు సమంత గతంలో చెప్పిన సంగతి తెలిసిందే. తాజాగా ఈ విషయం గురించి మరోసారి మాట్లాడింది. "ఈ స్క్రిప్ట్‌ చదివాక నేను చేయగలనా అనుకున్నాను. నేను ఈ సిరీస్లో నటించానంటే ఇప్పటికీ నమ్మలేకపోతున్నాను. ఒక్కో రోజు నా ఆరోగ్యం సహకరించకపోయినప్పటికీ ఉదయం నాలుగు గంటలకే షూట్‌కు వెళ్లేదాన్ని. అలానే మధ్యాహ్నం వరకు యాక్షన్‌ సీన్స్ షూట్లో పాల్గొనేదాన్ని. రోజు చాలా కష్టంగా గడిచేది. నువ్వు షూట్ చేయగలవా అని రాజ్‌ చాలా సార్లు నన్ను అడిగేవారు. చేయలేనని చెప్పేదాన్ని. అయినా కూడా ఈ సిరీస్ పూర్తి చేశానంటే ఇప్పటికీ నాకు ఆశ్చర్యంగానే ఉంది" అని సమంత సిటాడెల్ షూటింగ్ నాటి రోజులను గుర్తు చేసుకున్నారు.
సమంతపై ఆ దర్శకుడు ప్రశంసలు - "సమంతను దర్శకుడు అట్లీ చాలా సార్లు ప్రశంసించారు. సామ్ను ఫిల్మ్‌ స్టార్‌ అని అంటుంటాడు. మేము సామ్ గురించి ఎప్పుడు మాట్లాడినా అట్లీ ఆమెను సూపర్ స్టార్‌ అనే పిలుస్తుంటాడు. ఆమె వర్క్‌కు అట్లీ కూడా అభిమానే. సమంత సూపర్ యాక్టర్. ఆమె అద్భుతమైన నటి. చాలా ప్రొఫెషనల్‌గా ఉంటుంది. ఆమెతో కలిసి నటించిన కొన్ని సీన్స్ చాలా సరదాగా సాగాయి. సినిమాపై మా ఇద్దరికి ఉన్న అభిరుచి వల్ల త్వరగా కనెక్ట్ అయిపోయాం. మేమిద్దరం ఎప్పుడూ కొత్తగా ఏదైనా చేయాలనే ఆలోచనతోనే ఉంటాం." అని వరుణ్‌ ధావన్ చెప్పుకొచ్చారు.
సిటాడెల్ వెబ్ సిరీస్ యాక్షన్‌ థ్రిల్లర్గా తెరకెక్కింది. సిరీస్లో సమంత హనీ అనే పాత్రలో స్పై ఏజెంట్‌గా నటించింది. రీసెంట్గా ఈ సిటాడెల్ సిరీస్ ట్రైలర్ను రిలీజ్ చేశారు. దీనికి మంచి రెస్పాన్స్ వచ్చింది. బాలీవుడ్‌ ప్రముఖులు కూడా దీనిపై ప్రశంసలు కురిపించారు. సిరీస్ విడుదల కోసం వేచిచూస్తున్నట్లు తెలిపారు.
ట్రెండింగ్లో సమంత 'సిటాడెల్' - ఈ సిరీస్ కోసం ఆమె ఎన్ని కోట్లు తీసుకుందంటే?
