Salman Khan Sharukh Khan : బాలీవుడ్ బడా స్టార్స్ షారుక్ ఖాన్, సల్మాన్ ఖాన్ కలిసి కనిపించినప్పడల్లా సినీ ప్రియులు, ఫ్యాన్స్ పండగ చేసుకుంటూ ఉంటారు. వీరిద్దరూ కలిసి సినిమాల్లో నటించినా, అవార్డు ఫంక్షన్లలో అలరించినా, యాడ్లలో కనిపించినా అభిమానులకు పెద్ద పండగే. నిజానికి వీరిద్దరి కాంబో ప్రేక్షకులకు చాలా ఎంటర్‌టైనింగ్ అనిపిస్తుంది. అయితే తాజాగా షారుక్, సల్మాన్ ఫ్యాన్స్‌కు ఎగ్జైటింగ్ విషయం ఏంటంటే అన్నీ కుదిరితే త్వరలోనే వీరిద్దరినీ ఒకే తెరపై మరోసారి చూడొచ్చు. అది కూడా బాలీవుడ్‌కు చెందిన ఓ ప్రాజెక్టులో.
వాస్తవానికి ఇప్పటి వరకు కరణ్ అర్జున్, కుచ్ కుచ్ హోతా హై, హమ్ తుమ్హారే హై సనమ్ చిత్రాల్లో కలిసి నటించారు షారుక్, సల్మాన్. ఆ తర్వాత పఠాన్ సల్మాన్ గెస్ట్ రోల్, టైగర్ 3లో షారుక్ అతిథి పాత్రల్లో కనిపించారు. అయితే ఈ సారి వీరిద్దరు కలిసి ఓ వెబ్ సిరీస్ కోసం పనిచేస్తారని సినీవర్గాలు అంటున్నాయి. షారుక్ తనయుడు ఆర్యన్ ఖాన్ స్టార్ డమ్ పేరుతో ఓ వెబ్ సిరీస్ను డైరెక్ట్ చేస్తున్నారు. సినిమా, ఎంటర్ట్మైన్నెంట్ రంగంలో ఉండే వ్యక్తుల జీవితాలు, వారు ఎదుర్కొనే సమస్యలను హైలెట్ చేస్తూ ఆర్యన్ ఈ సిరీస్ను రూపొందిస్తున్నారు. దీంట్లో షారుక్, సల్మాన్ కలిసి పని చేసేలా దర్శకుడు ప్లాన్ చేస్తున్నారని తెలుస్తోంది. ఆరు ఎపిసోడ్లుగా ఇది రానుందట.
ఇప్పటికే స్టార్ డమ్ సిరీస్ కోసం దర్శకుడు ఆర్యన్, సల్మాన్ ఖాన్‌ను సంప్రదించారనీ సమాచారం. షారుక్తో పాటు ఆయన కుటంబంతో ఉన్న అనుబంధం కారణంగా అడగగానే సల్మాన్ ఒప్పుకున్నారట. అయితే ఈ వెబ్సిరీస్లో షారుక్ - సల్మాన్ కలిసి కనిపిస్తారా లేదా వేరు వేరు ఎపిసోడ్లలో కనిపిస్తారా అనేది క్లారిటీ లేదు. అలానే షారుక్ కూడా పక్కాగా కనిపిస్తారా అనేది కూడా స్పష్టత లేదు. కానీ సినీ వర్గాలు మాత్రం షారుక్ కూడా కనిపిస్తారని చెబుతున్నాయి. ఇంకా ఈ సిరీస్లో రణబీర్ కపూర్, రణవీర్ సింగ్, కరణ్ జోహర్, బాబీ దేఓల్ వంటి పెద్ద స్టార్లు కూడా నటించనున్నారట.
ప్రస్తుతం షారుక్ ఖాన్ సుజోయ్ ఘోష్ దర్వకత్వంలో తెరకెక్కుతున్న 'కింగ్' చిత్రంలో తన కూతురు సుహానా ఖాన్తో కలిసి కనిపించనున్నారు. దీంట్లో అభిషేక్ బచ్చన్ విలన్ పాత్ర పోషించనున్నట్లు తెలుస్తోంది. ఇక సల్మాన్ ఖాన్ విషయానికొస్తే ప్రస్తుతం బిగ్ బాస్ 18, సికందర్ సినిమాలతో బిజీబిజీగా గడుపుతున్నారు. ఏఆర్ మురుగదాస్ దర్శకత్వంలో రూపొందుతున్న సికందర్ చిత్రంలో సల్మాన్ సరసన రష్మికా మందన్నా నటిస్తుండగా, సత్యరాజ్ కీలక పాత్రలో కనిపించనున్నారు.
విడుదలకు ముందే దూసుకెళ్తోన్న 'దేవర' - ఆ రికార్డులన్నీ బ్రేక్! - Devara Movie Records
